تعودني عليك أيام أبد ما أفارقك ليله
واذا عنك أروح اليوم أقولك نلتقي باكر
.
.
تعودني على لطفك على اسلوبك وتدليله
وتتوقع انا بأحيا بدونك يوم تسافر
.
.
انا ما ودي اشكي لك ولكن قلة الحيله
اليمه فرقتك والله وانا على البعد مب قادر
.
.
دخيلك اجل الموعد اذا تقدر على تاجيله
دخيلك حط دمعاتي في عينك قبل ما تسافر
.
.
يا شين الوقت في بعدك دقيقه كانها ليله
وش يصبرني وانا احبك ومثلك بالبشر نادر
.
.
تعلق قلبي بقلبك يسمع منه ويشكيله
تدلل قول بس اطلب اقولك غالي وحاضر
.
.

تلاقينا في بعض صدفه سولف لي واحكيله
ومن اول نظره حبيته وصرت لشوفته ابادر
.
.
ذبحني السحر في عيونه ويا ويله قلبي يا ويله
انا افهم لغة العيون لكن صرت ما هوب قادر
.
.
انا اتمنى قبل ما يروح يلمس دمعي بمنديله
ابيه يحس باحساسي ابيه يقول لي تامر
.
.
ابي حضنه يدفيني خليلي ودع خليله
واقول بصوت به شهقه في امان الله يا مسافر
.
.
وارجع من المطار وحدي يشيلني الهم واشيله
وش يصبرني عني شهرين وهو توه مسافر
.
.
عزاي انه اخذ قلبي في وسط عيونه يشيله
وانا اصبحت في بعده وحيد واكسر الخاطر
.
.
وسـ ـ ـلامـ ـتـ ـكـ ـم

صح السانج يعطيج الف عاافيه...

غــــلآ الكــوٍيـت


صـح لســآنــك وآعتلىآ شـآنــــك

قصيده رآئــعـه كروعـة وجودك بيننـآ في المنتدىآ

وآلله لآ يحرمنـآ من جديدك

آخـوك

الشـــآمـخ

صح لسانك أختي


قصيدة فعلا في غاية الروعه

مليئه بالحب والحس المرهف

صور جماليه رائعه تحتويها هذة القصيدة



أختي غلا الكويت


يعطيك ِ ألف عافيه على هالقصيدة الراقيه كشخصك


تمنياتي القلبيه لك ِ بالتوفيق في الدارين

لك ِ مني كل الود والشكر

أخوك ِ .... دم الفجر

.
يا شين الوقت في بعدك دقيقه كانها ليله
وش يصبرني وانا احبك ومثلك بالبشر نادر
.
.
تعلق قلبي بقلبك يسمع منه ويشكيله
تدلل قول بس اطلب اقولك غالي وحاضر


قصيده رووووعه غلا الكويت

يعطيك الف عافيه

ابدعتي فيها


دمتي بود