يا مرحبا ياتركي الوافي الـــــبــــار=ابن الرجال اللي من العيب محشوم
شاعر وله بالشعر معنى ومقـــــدار=ودايم على الصعبات عساس ويروم
فاهم بحور الشعر ولشعر بحــــــار=وفطين للفكره وللقاف دحــــــــــدوم
سبعة عشر بيتا نضمها بــتذكـــــار=واختار له قافاً مـــــــــن الار والاوم
يا تركي الانسان للحب ما اختــــار=ولا كل ما يبغى يحصله بـالــــــدوم
حنا بشر نمشي على كيف الاقـــدار=وهيه تسيرنا ولو نملك العـــــــــزوم
وان كان فيه انسانة عقلها طـــــــار=من سبت افراقك بها القلب مخــروم
صدك ذبحها وأشعل بصــــدرها النار=تسهر طوال الليل ما ذاقت الـــــنوم
لا تلومها الحب قاسي وجـــــــــــــبار=من ماضي الازمان وقصصه احلــوم
ان كان مالك في هواء البنت معيار=خله ولو عاش الزمن منك مهـمــــوم
اللي ابوها يكرم الضيف والجــــــار=هذيك داره ما بها رعد وغيــــــــــوم
بنت الرجال اللي حمتها من العـــار=ما هيب تال الليل تنغق كما البــــــوم
عفيفة من رغبة اللـــــــــي لها زار=ولا هي تحرش بالمسايير وتهــــــوم
وفي عولمتنا مالها شفن و كـــــــــار=والنت منها دوم ميس و محـــــــروم
لاتحذره ما يعرف البارد الحــــــــــار=ضيع حلاة العمر والفائدة شحــــــوم
ان قلت له بالسالفة عند وغـــــــار=ووقعك بالغلطة ولو كنت معصـــوم
والخاتمة تحيتي يا ابن الأحـــــــرار=بالجود والماجود خطي ومخـــــــتوم