أقبل يحرك خطوة الرجل برفوق = والقاع لمصافح خطاه يتشوق
مخلوق لا كنه ماهو بأي مخلوق = على بنات آدم وحوى تفوق
عليه لبسٍ يجمع الوسع والضوق =موسع بعضه وبعضه مضوق
مر وتعدى مابدى منه منطوق = إلا أنه بجيش المفاتن مطوق
خلاني أمشي وأقضب الدرب واتوق =ماني بتايق فكر لاكن متوق
تقول مرميٍ على الأرض من فوق = وإلا من السم السقطري مذوق
يغفى علي شوي وشويٍ أفوق =وأقول لا أستيقضت والبال روق
مادام لا أمعوق ولا صايبه عوق =وراه يمشي مثل مشي المعوق
اللي على حاله خطر من هل السوق= مفروض يمنع مايروح يتسوق