أنا مريضة او هم مرضى؟؟؟؟أبغاء جواااب!!!

07-21-07, 05:47 PM

مــــــــــــــــساء الـــــــــــــــخـــــــــــــــير...
ياحبكم للقافه .. فيكم فضول غير طبيعي الحين انا مريضة انتم وش عليكم

لكن مادام دخلتو ابي اقولكم مشكلتي وانتم احكموا ..

بصراحه دائماً اردد بيني وبين نفسي هي وحده من الثنتين يااما انت مريض نفسياً يااما هالناس مرضى عاد انا ابي اقولكم واحكموا ..
يااخوان والله تنفقع مرارتي ويرتفع ضغطي H لما اسمع مثلاً اذاعة ام بي سي اف ام وتتصل وحده كمخه او واحد " خروف " تخيلو ينلطع اخونا في الله يمكن ثلث ساعه على بال مايتم ايصاله للمذيعه المهرجه طبعاً والدقيقه بسبعه ريال والحسابه بتحسب يعني عشرين دقيقه من سبعه ريال 20×7=140 يعني 140 ريال راحت وهالخروف في الانتظار بعدين اذا تم ايصاله للمذيعه تجلس تسحبه يمكن عشر دقايق وهالرمه مبسوط يعني يشفطون منه 70 ريال مع المذيعه وعندنا هناك 140 ريال+70 ريال هذي 210 واخر شي يقول ابي اسمع اغنية الفنان فلان وياليت ماتردون طلبي ,, لعنبو دراك ياثور رح اشتر الشريط ب30 نسخه اصليه وخله عندك وورثه لعيالك وعيال عيالك بلاش تناحه وبعد فيه اكثر من اغنيه ياخي وزياده على كذا البوستر حق الشريط بعد معه هديه .. واذا بتوفر عليك ياخي اشتر منسووخ ب 10 ريال وفكنا من هالملاغه ..

والثاني يتصل ونفس الحكايه بس هالخروف الثاني مايبي اغنيه يبي يسلم على صديقه هههههههه والله حــاله يامتنح لو كل يوم بتكلم خويك على جواله كان الشهر ماجت الفاتوره بمبلغ مكالمتك لهذي الاذاعه يعني هالناس من جد لاتدري من اين تدري ..

والادهى من كذا بعد من يتصل ويعرض على المذيعه مشكلته الاجتماعيه او النفسيه وكأن المذيعه متخصصه في علم الاجتماع او الطب النفسي ,, مايدري انها ساقطه وماعندها الا الدجه والتميلح ,, والله واحد متصل يوم ردت عليه قال انا زعلان قالت ليش قال متهاوش انا وابوي قالت ليش طيب قال بس كذا دائم مايعطيني ثقه بنفسي والله مارجع للبيت ههههههههه عمرك مارجعت ياعنز والله انه هو المستريح ..

لاوكله يهون قدام هاللي يطلع اخر الليل" تركي النفيعي " يستخف دمه الثقيل كأنه لبن مابعد انرج.. اخر الليل وكل دقيقة والثانية يقول ((شعيد جداً بتواصلق )) = سعيد جدا بتواصلك ..
مخارج حروف غلط + ثقافة تحت الصفـر + ثقالة دم + ملاغه + كملو البـاقي على حسب اختيـاركم .. ..
لاوليتها وقفت على المراهقين بس الا تعدت الكبـار سنيـا الصغار" عقـليـا ً " .. انا سامع واحد متصل على المذيعه يشتكي ظلم زوجته على بنته يقول تخيلي زوجتي ماحضرت عرس بنتي المفروض تكون مثل امها الله يرحمها ,, هههههه تخيلو عاد ابوي يدق ..
لا وكلها كوم ولاتجيك الي تتصل وتمغط فى هالحنجره وتمط فى هالصوت علشان تجيب صوت ناعم مره والله يوم كنت استمع لهالدلوخ وتتصل ذيك الوحده وتطيح صوتها وتنعمه وتجيب الراء " لام" ما ادرى وتحاول تكون مايعه على ايش ما ادرى والا لو تتكلم بصوتها الحقيقى تقول سيارة رش المبيدات الله يذكرها بالخير لى فتره ما عاد شفتها وفى الاخير تهدى اغنيه لمطرب ما حولك احد لا صوت زى الخلق ولا اغانى ولمن تهديها لاختها لانها جابت ولد والمضحك الاغنيه حزينه هههه .. تبون الحق عندنا شباب وشابات قمه فى الدلاخه والغباء والاستهتار والا ما كانت كل القنوات قالت بتوقيت السعوديه اغلب التصويتات بهالبرامج والاتصالات من هنا تكون وهذا يدل على تفاهه فى بعض شبابنا وشاباتنا وللاسف الاطفال لحقوهم ..
والا الي يشوف هالشباب من شفت هالبنطلونات نازله الى النص .. والشوشه اللي مطلعته كأنه خروف استرالي ولا حوض شجـر .. ولو بحلف ان القمل يشتـاق للمويه ويصلي صلاة الاستسقاء اللهم اغثنا اللهم اغثنا في هالشوشه .. ههههههه
وهالاشيـاء اللي في كل مكان ,, وش تركو للسماجه والمجانين .. والله اني يوم اسمع هالكلام واشوف هالاشكال اني اقول هي وحده من الثنتين ياما انا مريض نفسي يااما هم المرضى ..
بالنهـايه ..

تحذير غير صحي ..
أخي المدخن .. احذر أن تقلع عن التدخين .. فسوف تتسبب بخسارة مصانع الدخـان .. وفصـل موظفين يحتاجون للعمل .. وتعطل مستشفيات كثيرة هم في حاجة علاجك .. فأنت رجل عظيم .. تحرق نفسك من أجل أن يعيش غيرك .. انت رجل شجـاع .. فاستمر في هذا العطاء ..
وبالنهـايه نعتذر عن الاطـاله .. اترك ماتريد وخذ ماتريد .. فلست مجبـرا على الافطـار مادمت صائمـا ..

أختكم ....حابسة ابليس في كيس..

07-21-07, 11:04 PM

هههههههههههههههههههههههههههههههه

هههههههههههههههههههههههههههههههه

والله صادقه مرضى هالعالمـ

وبعدين مسوين ما همتهمـ المادهـ

يدفعون ولا يبالوون

طيب تصدق فيها يا جنط واكسب اجر

ههههههههههههه

ناااس في قمة التخلف

مشكوورهـ على طرحك

وسلوبك الرائع حابسة ابليس

تقبلي مروري

دمتي بوود

07-22-07, 08:25 PM

والا الي يشوف هالشباب من شفت هالبنطلونات نازله الى النص .. والشوشه اللي مطلعته كأنه خروف استرالي ولا حوض شجـر .. ولو بحلف ان القمل يشتـاق للمويه ويصلي صلاة الاستسقاء اللهم اغثنا اللهم اغثنا في هالشوشه هههههههههههاااااااااي

وربي انك جبتيها حابسة بس تدرين الشرهه مو على الاذاعات هذي الشرهه ع شبابنا اللي معطينهم وجة ولا لو ماعطوهم وجة كان ماشفتي مثل هالاذاعات تزيد يوم عن يوم
الله يهدينا ويهديهم
وبالنسبة للشباب والله انك صادقة يجيك الواحد شعرة تقولين جبل احد ولا كاب نصف علبة الجل علية لو يمر علية ذبابة لصقت هههههههههههه
الله يهديهم

مشكووووووووووورة يالغلا ع الموضوع اللي اخذ منك حتتة بالمصري ههههههههههه

دام بوح قلمك

تقبلي مروري
انين الماضي

07-23-07, 01:54 AM

خانتني الدمعه
هههههههههههههه
مرورك نور الصفحة...يسلمو واللة...والله يهديهم ان شاء الله..

07-23-07, 01:56 AM

أنين الماضي
نورتي موضوعي عيوني..اللي اخذ منك حتتة هههههههههههههههه
حلوة اعجبتني

وشكرآ على المرور