سهيت وكل من ناظر لحظني وقـال يالمحـزون
علامك ساهي ولاهي ؟ ودمـع العيـن همالـي؟

علامي ساهي ولاهي ؟ بلاكم صـدق ماتـدرون
عسى ماللنفوس الخاينه فـي المجتمـع والـي

انا الله قدرن (شاعر) يعني كل أبـوي (شجـون)
يعني مااحب الظلـم ولاارغـب كيـد الانذالـي

انا ماحب أية (حب) انـا حبـي يغطـي الكـون
ولاانزل في قلـوب الخلـق إلا بخيـر منزالـي

انا حبي وفا واخـلاص للـي يستحـق ويمـون
ولااطلع من عيون اللـي احبـه بعـد مدخالـي

الا يالعنبـو حـب يجينـا مـن سمـاع فنـون
والا يالعنبـو حـب يـذل النـفـس بالتـالـي

ناس عشقها (نجوى) و(نوال الزغبي)و(سيمون)
(شو بدك؟) و(عاوز ايه؟) ويحلالـك ويحلالـي!

ناس فكرهـا ضايـع نـاس ضايعـه بجنـون
محـال اصيـر انـا منهـم وفـال الله ولافالـي

يحسبوني احبـك بـس لانـك يالغـلا مزيـون
امانه ماتحس ان حكيهـم مصحـوب بهبالـي؟

ولاواحد رحم حالي وانـا مـن حالتـي مغبـون
ولا واحد فهمنـي زيـن غيـرك يابعـد حالـي

كأني من بعد ماغبت يتيـم عـاش عمـره دون
بـدون ام تراعيلـه قضـى عمـره بالامـالـي

الى من قالوا امك وين؟يموت الفين ابو مليـون
اليـا منـه تذكرهـا تذكـر زيــن الافعـالـي

وكأني من بعد ماغبـت فقيـرٍ غـارق بديـون
عجز لايطعم عيالـه بسبايـب ذيـك الاحوالـي

الى من جاء نهار العيد بدل مايفرحـوا يبكـون
عسى ماللفقـر والـي عسـى ماللفقـر والـي

الى من شاف اطفاله بسبـت جوعهـم يشكـون
شكى ضعفه وبكى معهم وقـال العـذر ياعيالـي

وكأني من بعد ماغبت بغرفـه مظلمـه مرهـون
ومن حولي اطبـاء واجديـن الـوان واشكالـي

يقولون المرض اعياك؟ بلاهم فيـك مايـدرون؟
بلاهم ماسلوا مثلي ولـو فـي نصـف ماجالـي

وكأني من بعد ماغبت سجين في سجن مسجون
حطوا القيد فـيديني وشـدوا الرجـل بحبالـي

وغطوا عيوني الثنتين بشاش ابيض خفيف اللون
وعلى راسي وقف رجل يسل السيـف مايبالـي

اصيح بصوتي العالـي امانـه يابشـر تكفـون
امانه لـو ربـع ساعـه امانـه فكـوا اغلالـي

قبل ماتقطعون الراس بشوف احلى واغلى عيون
ابسمعها قبل مامـوت تقـول اغليـك يالغالـي

وكأني من بعد ماغبت بحفره موحشـه مدفـون
بحفره موحشه ظلمـاء علاهـا قـرع الانعالـي

اقول بلحظتـه ياليتنـي فـوق الثـرى واكـون
قريب من نظر عيني قريـب مـن هـوى بالـي

كفاني ياعذابـي ماجرالـي مـن الـم وطعـون
كفايه يابعد (جدي )و(عمـي) ويابعـد (خالـي)

انا الغلطان والمخطي وشيطان البشـر ملعـون
انا كلي فدا عيونك (بروحي) و(دمي) و(مالـي)

طلبتك يانظر عيني مادامـي فيـك انـا مفتـون
طلبتـك ماتجاهلنـي وتنسـى ذيك اليــآلي

ولا واحد رحم حالي وانا مـن حالتـي مغبـون
ولا واحد فهمنـي زيـن غيـرك يابعـد حالـي

(م)

شوخ انسـأـأن

صح لسـأـأنك واعتلى شـأـأنك

قصيده في قمة الشموخ

متـأـألق دائمـأـأ ومبدع دائمـأـأ

دمتىا بهذا التالق

المزيون

شموخ انسان

صح لسانك واعلتى شانك

قصيده في قليل عليها كلمة روعه

حاولت اطلع افضل بيت بس كلها روعه

يعطيك العافيه على التمييز

تحياتي لك

بيبي برتن