الا يالله ياعالم بغيب الليالي السود=يارب عباده خوف صامو وصلو له
وياجابر العثره ويامنجي المضهود=حكيم يحكم الكون عرضه مع طوله
اله حما موسى ونجا بعطفه هود=وحما البيت من جيش ابرهه واهلك اخيوله
كريم ومداته اليا مد دون احدود=جواد رؤؤف راعي الذنب يعفو له
اليه اشتكي والجا ولاغير جوده جود=ابوابه من الدعوات ماهي بمقفوله
ماغير ارفع ايديني الي وجهه المعبود= عسى دعوتي له كل ماجات مقبوله
وانا البارحه كن السعه بابها مسدود=وكن لارض بالسكان ماهيب ماهوله
وكن الفكر ماهوب على خبري المعهود=وكن الشعر لاحولي وانا ماني بحوله
امد الحبل والحبل وسطه ثلاث اعقود=عقود على عكس التفاصيل مفتوله
على الراس هبي ذعذعي ياهبوب النود= نسيمك يداعبني والافكار معقوله
مادام الشعر نشمي عليه البرا مردود=ترى عزته عندي بالافكار مدهوله
تحديت به راس طواريه يوم تعود =سوات الجمل لامن برك قام بحموله
نعم شاعر وعملاق وانحت صخر وازود= عن اسم القبيله لاغدا للشعر جوله
واقف موقف يروي كبود ويعل اكبود=وانول المكان اللي عجز غيري ينوله
ولااقول قول الا عليه الرجال شهود=والاخير في اللي لاختبر ضاع مفعوله
وهالحين وقت الشعر والعود التلعود= تعابير فكري جات بالعلم مشموله
وذكرت الرجال اهل الوفا كاسبين الفود= هل الرايه اللي تنطح الظلم وتزوله
سلامي على يام هل الماقف المشهود= ثلاثين نعم كل ماجات مدبوله
وانا ماذكرت الاكلام نقل ماكود=اقوله هنا واليوم والصبح ابقوله
فئه من فئات الشعب لا جاءالبلد مقرود=غدة واحده ثم انعدم وانعدم زوله
عسى فرحتك يااميرنا كل يوم تزود=نيابه عن اهل الحفل والجد واصوله
وولي العهد دوره سرا فالليالي السود=هل الطوله اللي ماتجي بعدها طوله
خذا الطيب والفزعات من طيب راس العود=وتشهد به الوقفات والطيب وافعوله
ماننساه لامنه غدا العلم نقص وزود=حفيد الشداد وملتجا مدعي النوله
رجال لكم في ذروة المجد خمس ابنود =ظفر طيب عز وجاه وامجاد محموله
تحت راية اللي لاوقف يبلغ المقصود=اليا زاد هم المشكله ماهي تهوله
ابو مشعل اللي كل خطوه بداره جود= تحلوى به التيجان والطيب يحلو له
نجدد ولانا له ولانبغي المردود= مع الشعب صفينا يوم الشعب صفو له
يمين وحرام ونذر مانقبل المنقود=تحياتنا للشيخ والشعب والدوله
على الراس هبي ذعذعي ياهبوب النود= نسيمك يداعبني والافكار معقوله