قال الوداع وقلت صبري يخاويك
ما هو أنا من يبكي لحظة غيابــــك

كان الدموع تفيض لحظة تجافيـــك
أكره دموع ٍطاوعت درب جابـك

قلت الوداع وتحسب القلب يبغيـــك
ماتدري قلبي غيّر دروب بابــــك

إحساس روحي لو تعيشه يبكيــــك
احساس شاعر غارق ٍ في سرابك

كان الجروح إتطيب بلمسة اياديـــك
مبغى يدينك لو حرقني صوابــــك

مغرور دايم في غلاك وتغلــّـــيك
شمس المشاعر اختفت في ضبابــــك

مليت من شوفت عيونك وطاريـــك
معاد أبى قربك وقسوة عذابـــــــك

بقول عيني مالها نظرةٍ فــــــــــــيك
عافت عيونك يوم طاحت اهدابـــك

عفت المحبه والسبب هو تعالـــــيك
تحسب مصيري مرتبط في جنابك

لو خيّروني بين مرّك وحالــــــــيك
بختار مرك وأدمي جرح ٍسطابــك

يا ليت ربّي في هوى الغير يبلــــيك
وإتذوق همــــي في بقايا شبابـــــــك

كانت ثيابك دوم تستر خوافــــــيك
لكن كشفتك يوم قصْرت ثيابـــــــك

قلب ٍرفعْك بيوم يقدر يوطــّــــيك
مغرور عشق وكابر الراس صابك

بجبر يديني تطوي اوراق ماضيك
وتكتب موادع في نهاية إكتابــــــــك

تبغى الوداع ارحل وسابق خطاويك
يمكن حياتي تبتدي في ذهابـــــــــك

بنت آل سعود

صح لسانك واعتلى شانك يالغاليه

قصيده في قمة الروعه

تسلمين على هالطرح

تحياتي لك

بيبي برتن

بنت آل سعود

صح لسانك واعتلى شانك يالغاليه

قصيده في قمة الروعه

بنت ال سعود
صح لســــأنك خيتي
قصيده رائعه واحسااااس مرهف
ونقل اروع
بنت ال سعود
لاتحرمينا جديدك
مودتي