والله العظيم انا مسلمين ونشهد ان لا اله الا الله


هذا قبل ما احد يكفرنا


بسم الله نبدا

ارامكو وما ادراك ما ارامكو

النشاط

هي شركه سعوديه تعمل في مجال استخراج النفط الخام وتكرير جزء منه للاستخدام المحلي


العماله

اخر احصائيه 95% من نسبه الموظفين سعوديين

والــ 5 % من بقيه الموظفين عرب واجانب


الاداره
الرئيس وله 16 نائب يقومون باداره اقسام الشركه كدوائر مستقله

والرئيس والنواب الــ 16 يتبعون للمجلس الاعلى برئاسه خادم الحرمين الشريفين



المنتج الرئيسي


النفط الخام ويتم شحنه في بواخر عالميه لتصديره الى الخارج بعقود مؤجله الدفع


نشأه الشركه

ايام ماكانوا الشيبان يسرقون التمر :

جائت شركتين امريكيه وتعاقدت مع الملك عبد العزيز للتنقيب عن النفط وانتاجه بنسبه مرضيه بين الطرفين

بعد انتهاء العقد الاول بدأ السعوديين برفع حصتهم في الشركه العربيه الامريكيه للزيت


ومن ثم العقد الثاني الثالث بنفس الطريقه


وفيه نهايه العقد الثالث كان السعوديين يملكون نسبه لابأس بها من رأس مال الشركه


وبالضبط في اواسط الثمانينيات قام السعوديين بشراء الحصه المتبقيه من الشركه



وكان نقطه التحدي



كانت نسبه الموظفين الاجانب تفوق ال90% نسبه السعوديين لاتتعدى ال10 %


وكان هنا مربط الفرس

ولعلي هنا انقل ماقاله لنا احد الزملاء عن طبيعه العمل وكيفيته في تلك الايام

يقول

كان الباص يحضرنا الى مقر العمل باحد المصانع وكنا نعمل بنظام النوبات

والاداره انكليز

وكان لهم مكاتب منعزله

والسعوديين بالاضافه الى الهنود والفلبينين في مكاتب اخرى يعنى عنصريه بقووه

وكان الانكليز يسعون الى اعطاء الموظفين السعوديين الضوء الاخضر في مغادره العمل

وكلمتهم مشهوره الى الحين كاتش ذا بص


يعني ما يبونهم يتعلمون



وعندما استلمت الادراه ايدي شابه سعوديه

بدأت باطلاق خطه السعوده

واول من ضحك كان الخنازير الانجليز ,,, ويقولون بعد ما نروح بنرجع لكم بعد 6 شهور

لنبنى المصانع من جديد لانها اكيد راح تحترق من بدو الصحراء



وحبه ,,,,,حبه الى درجه انه الان تشغيل معامل ارامكو بايدي سعوديه 100%

والله حلم ... وربكم حققه


شغلات التقنيه وهندسه جيولوجيا الارض والاتصالات والمعالجه ووو

كلها يشغلها شبان سعوديين

دور ارامكوا السعوديه اجتماعيا

بنت العديد من المدارس ... والحدائق ... عبدت الطرق .. دعمت شباب المنطقه

وارسلتهم للخارج للدراسه

تقاولت مع التجار السعوديين - والذين هم بالاساس فقراء - واعطتهم قروض للقيام بعده مشاريع

والامثله كثيره

السويكت , عبدالله فؤاد , العليان , السيهاتي و القائمه تطول


وفيه بعد شي ترسخ في بالي وانا طفل

قافله الزيت

ما ادري تذكرونها والا لا واللي طافت على جميع المدن السعوديه


قناه ارامكوا الثالثه

وافلامها اللي كانت تعرض وبرامجها البناءه



دور ارامكو في تثقيف الفرد

ما ادري ياخي لما تتكلم مع موظف اشتغل بالشركه

تحسه فاهم ومثقف على حتى لو ما عنده الا شهاده الكفائه على عكس العسكري

اللي مايعرف الا قايش وخفاره



وفيه شي ثاني

احترام النظام ... وهذي يمكن اكبر فائده تعلموها الموظفين وعلموها لعيالهم

والا ليش اهل الشرقيه احسن من اهل الرياض



وبالاخير الكلام يطول لكن
اناما احب اغنيه الاماكن
من هم بين الاضلاع ساكن




وترى مالنا شغل لا بامريكا ولا الامريكان

البترول نستخرجه ونبيعه ويقوم واحد من الشباب وياخذ الفلوس ويطلع منها حق راسه

قصدي يطلع قيمه رواتبنا ويدخل باقي الفلوس في حساب الحكومه



ومع السلامه عندي دوام بدري

ويدخلها

الف شكر علي الموضوع
تقبل مروري

بنت جدة

/*ولـد آل سعـود*/

أرامكـو
شركـة سعوديـــــة
معروفة

وغنيـة عن التعريـف

*

*/*

*

اشكر لك هالمعلومـات

ابن المدينه


مشكووووووووووووووور


على المرور