يا فلاح (الــقـــصـــــاص)!!!!!!!!

05-15-07, 12:14 AM

بسم الله الرحمن الرحيم
السلام عليكم ورحمة الله وبركاته

هذي قصيدهـ لشاعر اطلق عليه القاب كثيرهـ ومن ظمنها
شاعر المجتمع وكذالك شاعر الانسانيه
وهذي القصيدهـ تثبت الالقاب التي اطلقت عليه
وهو الشاعر / جزاء البقمي
هذهـ القصيدهـ بعنوان القصاص

واحب ابين لكم ان هذهـ القصيدهـ اثرت فيني لانها محزنه جداً
واجاد الشاعر فيها وصف الحدث وكأنه امامك

اتركم مع القصيدهـ و المقدمه التى كتبها الشاعر بنفسه
_ _ _ _ _ _ _ _ _ _ _ _ _ _ _ _ _

هذه قصيده تحكي معاناة انساااان بسبب غلطه غير مقصوودة انتهت حياته ..
سلطااان بن رباح كان له اخ لم تلده امه اخ دين ودنيااااااااا .. هووو محمد بن عقيل ..
كان اخوتهم على وضح النقااا .. ومن زود ما يغلي محمد سمّى ولده البكر محمد على اسم خويه ..
كانوااا يعشقووون الصيد .. وفي رحلة من رحلاتهم وفي فتره الظهيره ..
كان محمد يجهز الغداء وسلطان ينظف السلااااح ومن غير قصد وبدون علم بوجود الطلقه في
مخزن السلاااح انطلقت الرصاصه
لتسكن في قلب محمد وترديه صريعاااااا ..
ولم يكن عندهم احد ..
وضع سلطان في السجن .. وبدات المشايخ بالوفود على اهل محمد لكي يصفحووو عن سلطان
ولكن بدون فائده ..
وصدر الحكم عليه بالقصاص ....
وبعد التنفيذ .. ومصادفة ً صار قبر سلطان في جنب قبر محمد ..
لا اطيل عليكم .. هذه القصيده بين ايديكم ..

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يا فلاح الهـم خيّـم فـوق قلبـي يـا فـلاح=كيف تبغاني اسولـف وانـت خابرنـي عليـل
ويش قولك في عليل ٍ في حياته مـا ستـراح=تنتثر دمعـة عيونـه لاظلـم الليـل الطويـل
حالته لا ما تباعد حـال ( سلطـان الربـاح )=بالخطا راحـت حياتـه والخطـا مالـه مثيـل
كان ويّا صاحبـه اثنيـن فـي أرض ٍ بـراح=يطردون الصيد دايم من صبـح ليـن المقيـل
اجمعتهم صحبة الدنيـااا علـى جـد ومـزاح=ما يهابـون الليالـي والحمـول اللـي تميـل
ما قتل عامـد ولكـن ثـوّر ابليـس السـلاح=بالخطا ثار السـلاح ويـن يلقـى لـه دليـل
انعقد سجنه .. وربعه تنتظـر فـك السـراح=والاكيد انه سجين وما رضـووا ربـع القتيـل
هـل دمعـه يـوم صلّـى ركعتيـن فالصبـاح=في نهار الجمعه اللي مـن ثقيـل ٍ فـي ثقيـل
هلّل وكبّر .. ونفسـه تذكـر اللـي راح راح=كان في ربعه عزيز .. وذلّـه الوقـت الذليـل
(لا محمد لا تهانـي لا سعـود ولا صـلاح )=كلهم كانوا على بالـه وهمّـه فـي ( هديـل )
طفلة ٍ مـا كمّلـت عاميـن صايبهـا كسـاح=وانتثر دمعـه وحالـه مـن سبايبهـا نحيـل
حان تنفيذ القصاص .. وغطوا الراس بوشاح=وجاك سيّافه يشيل السيف ابـو حـد ٍ صقيـل
ارتخى راسه .. وزاد الموقف الحامي صيـاح=بين نوح وبين دمع وبيـن صيحـات وعويـل
وارتفع صوت الحشود .. وزاده محمد وصـاح=يا يبه تكفـى دخيلـك تستمـع قـول الدخيـل
يا يبه وشلون نصبر كيـف نهجـع بارتيـاح=وانت من دنيااا عيالك ماخـذك مـر الرحيـل
يا محمد .. هاك علمي واحفظه قبـل المـراح=انتبـه لاخوانـك وبالـك عليهـم لا تعـيـل
والله الله .. فالصـلاة وفالصيـام وفالصـلاح=والله الله .. فـ( امكم ) والله لكم بعدي كفيـل
غمّض عيونـه ونفسـه تطلـب الله السمـاح=رافـع ٍ سبابتـه .. ( مظلـوم ) والله الوكيـل
سل سيّاف الصفـا سيفـه ودقـه ثـم طـاح=راس (سلطان المراجل ) وانتثر دمـه يسيـل
غسلوه .. وكفنوه .. وفاح طيب السـدر فـاح=وبالمصادف صار قبره جنب قبر ( ابن العقيل )
يا فلاح .. الكارثه ما هي سوالـف يـا فـلاح=خلنـي ساكـت ودوّر غيـر هالقصـه بديـل

وهذهـ بصوت المنشد الرائع / أبو قتيبه

علها تحوز على رضاكم

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اتمنى ان القصيدهـ والانشودهـ
تحوز على رضاكم واستحسانكم

اخوكم
اسير القلوب
رحـــآل نـــجـــد

05-15-07, 03:54 AM

اقتباس:

ما قتل عامد ولكـن ثـوّر ابليـس السـلاح
بالخطا ثار السـلاح ويـن يلقـى لـه دليـل

قصه جد حزينه

والقصيده رائعه والله يغفر له ان شالله ويرحمه..

..

اسير القلوب

نقل رائع وطرح للموضوع اروع

الله لايحرمنا هالتواجد والابداع

دمت بخالص الود

هيامووو

05-15-07, 04:19 AM

قـصــيدهـ جدأ محــزنــه
الـله يرحــمهم ويغفر لهم

,,
..

ويسكنهم جناات النعيم
أسير القلوب

سلمت لنا اناملكـ على الطرح الرائعه
والله لايحرمناا من هيكـ موااضيع

ودمت بوود

05-15-07, 11:24 AM

قصيده حزينه جدا جدا

انا قد سمعت السالفه لكن اول مره اسمع القصيده

وفعلا الشاعر وصف الموقف

مشكور اخوي اسير القلوب والله يعطيك الف عافيه

على القصيده والانشوده

والله لايحرمنا منك ومن جديدك

اخوك/
اسير الحب

05-15-07, 12:05 PM

اسيـ القلوب ـر
الف شكرا على القصيدهـ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)