السلام عليكم ورحمة الله وبركاته
قصيدة نرجسيه
للشاعر : فيصل العدواني
نرجسيه نرجسيه اذكر انها نرجسيه
كلمة مطلع قصيده راودتني من زمان
كنت ابكتبها ولكن عيت ظروفي عليه
والزمن ايظن حداني وبعدها كان اللي كان
نرجسيه يا علي بنت تمادت بالخطيه
اسرفت في حالي حتى عفتها يا ابو رزان
بعثرت عمري شظايا بين ذيك وبين ذيه
و لا قويت اجمع شتات العمر و اطراف الحنان
اذكر اني كنت اهوجس في غلا هالادميه
و احسب لحزة لقاها هالدقايق والثوان
واذكر اني كنت اشكك في وجود الجاذبيه
و اتساأل ليه اطير ليادعتني في مكان
و كنت اظن النهار ليا ظهر تبان ضيه
استمد النور منها ثم خذا منها ضمان
و الضمان انها تصون السر عن كل البريه
ما تخبر به قريب ولا يسولف به لسان
جادل ربي حباها في ملامح يوسفيه
عنق ولا خصر ولا يا دخيل المستعان
ان تهادت في خطاها تسلب العقل برويه
و ان تثنيت شحت كفي وش بقى للخيزران
و لا انثرت مجدولها اللي لا حشى ما شفت زيه
فاح ريح العود ولا هو عبير القحويان
من نظرها كانه اللي ما حسب طعنة خويه
و لا لها الا لا تبسم ثغرها عض البنان
لو نظرها ابن الملوح عاف ليلى العامريه
يختلف طرقه و نهجه و تصبح العشره ثمان
يترك الشعر المقفى و الحروف الابجديه
او يهيجن هيجنة بدو لهم عزه و شان
اشهد انها من عذابي يا علي ماهي بريه
قلبها قاسي ولا اذكر قد تمايل لي و لان
عرضتني للهجير وقالت امشيلك بفيه
و اتركتني للسهاد و لوعة اصفاد الهوان
و استباحت كل عرق من عروقي و الضحيه
حبنا اللي من سواها ما صفا مره و زان
عنجليه و نرجسيه نرجسيه و عنجليه
حلها وشلون مدري طالبك يا ابو رزان
05-09-07, 06:19 PM
.. نرجســـيه ..
العرض العادي
