::

::

كل شبر بهالوسعيـه ملـك ربـي تعلميـن

وأعلم إن اللي خلقني هو خلق لـك هالعيـون



لكن انتي من جلستي وانتـي فينـي تحدقيـن

كن ما به ناس غيري بهالكراسـي يجلسـون



لو سمحتي عاد سمعي وحتى لو ما تسمحيـن

المهـم اللـي بقولـه تسمعينـه ويسمعـون



ع الأقل ليا نظرتك سـوي روحـك تستحيـن

غضي طرفك مثل غيرك خوف ربعي يلمحون



الركادة عاد زينة والحياء فـي البنـت زيـن

وفيـك آزم لا ركـادة ولا حيـاءٍ يـذكـرون



تعرفينـي أعرفـك؟ مذكـر إنــا ملتقـيـن

لا أعرفك من تكوني ولا تعرفي مـن أكـون



وإطمأني أن كان قصدك بس فينـي تشبهيـن

ما هـو أنـا إلتعرفيـه والبشـر يتشابهـون



مـا دريتـي مالتشابـه يخلـق الله أربعيـن

وأعرف أربع يشبهنك بـس والله يستحـون



وإن كان قصدك شي ثاني عاد قولي وش تبين

خايف إنا نصير فرجة وإلماشتروا يتفرجـون



وإذا ع البال عاجبتنـي لا يحوشـك تحلميـن

صج ربعي من جمالك فيـك صـار يمدحـون



بس وش لي في حلاتك دام فيهـا ترخصيـن

حشمة البنـت وحياهـا والكرامـة يلفتـون



ولو توفر فيك هـذا مـع حلاتـك تبشريـن

ما هو أنا ألف غيري بـاب بيتـك يطرقـون



وش علامك رغم كل اللي أقولـه وتسكتيـن

مو طبيعي هالسكوت وهالبـرود وهالسكـون



إنتـي خرسـا أسألـك ولا مانـك تسمعيـن

قالوا ربعي ذي كفيفـة قلـت لا لا تمزحـون



لين شفتك يوم رحتـي يمسكونـك باليديـن

ما دريت إلا عيونـي أربـع أربـع ينزفـون



آه ياني منه مشهـد يـوم شفتـك ترحليـن

جيت اشوف عيون ربعي لقيت كـل يدمعـون



قلت سنّـة هالحيـاة وحـن ترانـا مؤمنيـن

الله اللـي مسيّرنّـا بيـن كافـ وبيـن نــون



وكل أبونا نختلف مع إننا مـن أصـل طيـن

سبحان يلي مصورنا ولله في خلقـه شـؤون



يعني حنا كل أبونـا عـاد إسمنـا بنادميـن

وليا قضى ربك أمر وقـال لـه كـن فيكـون



فينـا يلـي رازقنـه خيـر رب العالمـيـن

وفينا يلي هو لعطفه بحاجة القلـب الحنـون



وفينا يلي مـا شكـى مـن علـةٍ كالآخريـن

صـمٌ وبكـمٌ وعمـيٌ فـهـم لا يفقـهـون



بس قليل عـاد فينـا للنعـم هـم شاكريـن

والله يرزق هالخلايق من حيث هم لا يعلمون



وتدري عادك يالكفيفة حن تراى متشابهيـن

وإن ما عمت أبصارنا لقلوب أهـم إليعتمـون



يالكفيفة يالعفيفـة إن قلـت آسـف تقبليـن

يغفر الله ذنوب عبده ليا خطا وهـل تغفـرون


::

::

القصيدة للشاعر(( سالم البدوي ))

بصراحة حبيت أنقلها لكم لأني قريتها واعجبتني

وللمعلوووميه اسم القصيده "الكفيفهـ"

بس انا الي غيرت العنووووان

علشاااااان مااخربها عليكم

وإنـ شاء اللهـ عجبتكمـ..

ســــلام

قــصيدهـ رآئـــــــــعــة

اختيـ مـغرورهـ يعطيكـ العآفيهـ عـلىآ النـقـل الرآئــع وآالممـيز

وآلله لآ يحرمـنآ منكـ ومـن نـقلكـ وـجديدكـ

تقبـلي مـروري

اخـوكـ

البـرفسـور : ربـعي عتيبـه

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اختي
الراقيه مغرورهـ بس معذورهـ
نص مختلف .. و قافيه مختلفه .. و افكار تستحق الاشاده
نص صيغ من مواطن العذوبه برقة الحرف و سحر المعنى
مفردات تتبادل الحركه و السكون بين .. الياء نون و الواو نون
و تتجاذب اطراف الحديث و الجزاله الفكريه لتنثر الورد بين احظان القصيد
حنين جارف و سيل من المفردات النقيه على بحر المسحوب
صح لسانك يا مغروره
تحيتي لك و دمت بكل خير

مشكووووووووووووووووووووووووووورين على المروووووووووور
احرجتو تواضعي <<<<مصدقه مره نفسها