الشاعر ::سعد بن علوش
من كل حرف وكل شهـوة صبابـة
استغفـر الله وتعـوذ مـن إبلـيـس
أعـوذ باللـي آوى عبـد وسرابـه
لاجي نهار الحشر خلف امرئ ألقيس
يـارب يـارب الكـرم والمهـابـة
يالي لك أعـلام الاوادم منـا كيـس
جردنـي مـن النابيـة والسبـابـة
ولبسني من دروع هديـك متاريـس
تعبت مـن مسـك القلـم والكتابـة
والشعر وفتـن النسـاء والأباليـس
والمدح في عـزوة وشيـخ وقرابـة
واللاء .. لدعوات الراضين والليـس
والحب ومـا حولـه ومالـه وهابـة
والدمـع لاهبـت علـى النسانيـس
والشـوق وغفـال العقـل وانغلابـه
والليل وخطـط ألدها...والجواسيـس
والشهرة وحكـي العـرب واللبابـه
وزملوق شـف ماتعسـة عواسيـس
وحصر اسمي فشاعر فساحة غرابـة
شعارهـا فيهـم رخـوم وملاحيـس
تاكـي علـى إرث الاسـم بالنيابـة
واقطف خلاصة ماغرسوه الغوا ريس
أقفـي مـن الله ولأمـل والرضابـة
وأروح أدور من ورا إبليس أحاسيس
أسهر علـى فـن الكلـم والخطابـة
وأصبح ولين اللي جمعته هما ليـس
قلـبـي لـعـزاف الأودام ربـابـة
وراسي لخطوات الشطانه دواعيـس
تقودني نفسـي ولا أشعـر وألا آبـه
مالت عليهـا عاصيـات الهواجيـس
من عنده إن كـل الشعـور يتشابـه
روس مع اللي في الدحادر مرا ويس
الإثم ماحاكه في خفوف وخفـا بـه
والخير ماشاعتـة روس النواميـس
كم شي صـار وصـار ويندرابـة
وكـم نومـه ماكدرتهـا كوابـيـس
ترى ماأحد له فـي رقبتـي طلابـه
بس الصراحة مـن شـم الفواعيـس
والرجـل إذا مايعتبـر فـي شبابـه
يعيب قبل يشيب ويشيـب ويخيـس
ياراجي ارجي اللي ماينصـك بابـه
لاترجي الو هبات من هيس أبن هيس
أستغـفـر الله واتتـقـي عـذابـه
اللي فرقني عـن حيـاة المتاعيـس
من قبل لاأعـرف الهـدى واعنابـة
أنا همي والحزن فيـس تـو فيـس
والحيـن لله ... الفضـل والإنـابـة
متعافي .. ويمشي على زندي التيـس
هادي ... يشوشني طزيـز الذبابـة
لأعـد الأيـام الغبيـة ولا أقـيـس
شريت عقلـي فـي سـؤال وإجابـة
أنا اعبدا لله ... وألا أعبد الوساويس؟
لـذه خفوقـي وانجلابـه ضبـابـه
سجدات ليـل ظالمينـة منـا عيـس
ف أجواء مكـة والحـرم والرحابـة
لايابعـد رومـا ولنـدن وباريـس
هذي ديـار المصطفـى والصحابـة
وهذيك دار إبليـس وعويـل إبليـس
مــــــــــنـــــقــــوــوـــوـــوــ لـــ
الإهداءات
04-25-07, 02:23 PM
التوبة ( سعد علوش )
العرض العادي
المواضيع المتشابهه
