السلام عليكم

وشخباركم شباب وبنات

اتركم مع القصيده

أبي أحـدد موقعـك فـي حياتـي
ودّك يسـار القـلـب ولا يميـنـه

ولاّ تكونـي نبـض قلبـي وذاتـي
ومعـك أبـدد ذكرياتـي الحزينـه

أبـاعْترف لك موج هالحب عاتـي
وبحر الهوى يحتاج أقـوى سفينـه

ماهمني لـو فيـه ألقـى وفاتـي
لجلك يهون العمر يـاجمل سنينـه

مجنون أنا والطيش أحلى صفاتـي
مغرور أنا لو كـان حبـي تبينـه

ياجمل سنيني انتي مركـب نجاتـي
سلّمت روحي ودنيتي لـك رهينـه

يا منيتي يـا غايتـي يـا غناتـي
كل شـي فينـي يالغـلا تحتوينـه

ما تهتنـي عيـني بنــوم وتبـاتِ
والقلب يسهـر مـن تزايـد حنينـه

تشتاق عيني وخافقـي لـك يحاتـي
أنا اشهـد إنـك مالكـه هالثنينـه

حبك زرع بذرة غلا يـا غلاتـي
وغرس من أحساس الهوى ياسمينه

حبك حقيقي وفـاق كـل الصفاتـي
يا رائعـه يـا فاتنـه يـا رزينـه

حبٍ جمعنـي روح بعـد الشتاتـي
يلملـم طيـوف الغـلا براحتينـه

حبٍ تسامى بـي علـى هرطقاتـي
وأخمد من الثورات طيش وضغينـه

لكنـه أشعـل جمـرة الأمنيـاتـي
ليتـك بوصلـك يالغـلا تخمدينـه

لا يا بعـد كـل السنيـن الفواتـي
وش هو بقى غير الجروح الدفينـه

يا جوهره هـي غايتـي وأمنياتـي
يا كيف حبـك فالحشـا ترسمينـه

عجزت احدد موقعـه فـي حياتـي
مـدري يسـار القلـب ولا يمينـه

انشالله تعجبكم

تقبلو تحياتي

كللي لها

قصيده رائعه بمعنى الكلمه ابدعت بطرحها واختيارها

دليل ذائقتك الرائعه

لاعدمنا هالابداع

دمت بخالص الود

هياموووو