عـسى عمرك سعاده وحب
عسى عمرك يطول أزيد
يا كلمة في حنايا القلب
يا بسمة في شفاة الخد

أحبك كلمة ماتكفي
تصور كل شي فيني
ياعمري أنت الأول وعمري أنت الباقي

ياريت الوقت ما يطول
وأشوف عيونك الأجمل
يا أحلى مافي هالدنيا
يا جنة في بساتيني


أنا أحبك وأحب أرضيك
ولا همني كل تجافيك
وتدري أنه روحي فيك
ولو تطلب عيوني أعطيك
أنا أفديك أنا أفديك
بكل عمري أنا أفديك

لأنك أنت لي الدنيا
وأنت أحلى مافيها
تصور كل معانيها
وأنت فرحتي فيها


بكلمة منك أنا أرتاح
وتمحي كل شقى وجراح
لأنك أنت أغلى الناس
في قلبي ومنبع الأحساس


عسى عمرك سعاده وحب
عسى عمرك يطول أزيد
يا كلمة في حنايا القلب
يا بسمة في شفاة الخد


الكــــــــــــاتب\
نــــــ المشاعر ـــــزف

أحبكِ انتِ


اجل انت ..

لا تستغرب ..

لا تتعجل النطق ..

فقد احببتك من عشرات الشهور ..

ولست احب المتعجلين ..

لك كل الوقت خذ كل الحياة والسنين ..

حتى تشعر بمقدار حبي لك
فلستُ احب المتعجلين ..

ولا أسيرُ مع التيار..

. بل انا ضد التيار ..

ابحاري ليس كأبحار ..


همسة اخرى

حبيبــي
[أريدك كلما ذكرتني
أن تبتسم .. و يطمئن قلبك
بأنني أحـبك
في قربك و بعدك


حتى لو فرقتنا الأيام
سيبقى حبي لك حب جنوني
ولا تحزن ببعد المسافة والشوق
فأنا موجودة في داخلك
وأنت موجود في داخلي

إقترب من خيالي لأقترب منك
و نعيش الحب البعيد
و سأكون سعيدة
و كن أنت لأجلي.. سعيد


أحـبـــك ... يا أعز إنسان

انت وبس هل علمت الان

بأني احبكـــ

الكـــــــاتبه\
همــــــــــــــــس

تدري وش معنى غيابك ؟
يعني :
أسوء شي شفته طول عمري !!
تبدي ضحكاتي هلا بك
وفي وداعك
ماينام الجرح بدري
وانت كيفك
شوف وش ناوي عليه
هاك قلبي وهاك سيفك
وسو فيني اللي تبيه !
لا تحاتي
صفح بكيفك جرحي
أشطب آمالي وطموحي
واعتبر قلبي كتابك !!
***
تدري وش سوى غيابك ؟!
موت غيابك سوالف !..
مــايخوفني زماني
بس من فرقاك خايف !..
فجأه أصحى وما أشوفك ..
لا تهددني ..ظرووفك
اعتبرني ..حلم / واقع
والا ظل (ن) ما يطوفك
ضامي عطشان .. جيتك
لا يعشمني سرابك !..
تسمح بكلمه ؟! بغيتك
قبل لاتبدي غيابك !..
***
تدري وش حطم غيابك
مركب بدخل شعوري
من نسى قلبك حضوره
قلبي ما واجه / شعوره
عندي مابه شي ضروري
فاقد احساس الاماني
لامراسي لامواني
وصارت الدنيا / قسى !!
وصار دوري ..
أعشق أنواع الارق ..
وألفظ انفاس الغرق
وصوت معناه الخطر
وقلب ميت / يحتضر
من غيابك السلامه
فيها قلبي ما رسى
لاصباحي هو صباحي
ولا مسا قلبي / مسا
ياحبيبي في .. غيابك
اختلف شكلي ولوني
صرت انا انسان / ثاني
والسهر تعب عيوني
والسؤال اللي ذبحني :
صدق أهو فعلا" نسى ؟
راااح وأهداني الاسى !
وما وصلت الا لحقيقه :
الجفا أسهل طريقه
للقسى !..
***
تدري لو ينطق غيابك ؟
بس أبسال وين كنت ؟
ووين رحت بغيبتي ؟
وبسأله عن وضع قلبك !
هنت عنده أو ماهنت ؟
ياللي من غيرك حياتي
مالها داعي ومعنى !
صار قلبي ما يحاتي :
بعد ماتخليت عنه !
آيه كل الناس عندي
بس ما بيهم بدونك !!..
تدري ياعمري بأنك ..
عندي كل الناس أنت !
ومهما تجرحني / مسامح
وكل طعناتي / عوافي
عشت وااافي لدنيتك
وبموت وااافي

الكــــــــــاتبه\
بيبــــــــــــي برتن

السلام عليكم ورحمة اللة وبركاتة

ضميني
وفي وسط قلبك خليني

ضميني
ومن فيض حنانك ارويني

ضميني حيل
احضنيني بقوه أرجوك دفيني

ضميني وبأحضانك انسيني

توقف يازمن وارحل اتركني

خلني مع حبيبتي لا تشاركني

خلني استرد انفاسي واطمن حنيني

انسى الماضي وكل شقى سنيني

خلني اداوي جروحي

وآلام روحي

آه ضميني اقوى ارجوك

نار شوقي تحرقني

طفيها لا تخليها تعذبني

احضنيني بكل حيلك

حسيني
حسي بقلبي اسمعي شلون دقاته

معك يرتاح وتتساوى نغماته

ابشتكي لك من قلبي

في غيابك يعذبني

يألمني ويشقيني

طول الليل يسهرني

يطاردني يبعثرني

على أوتار الحزن يعزف

وجروحي معها تنزف

لا تلومينه

خايف يطول غيابك

وهو واقف على بابك

خايف يتمادى بعدك

ويده ما لمست يدك

خايف عنه ترحلين

ولدروبه تتركين

وانتي نبضه والأمان

وانتي حلمه من زمان

حبيبتي
ضميني بأحضانك

غطيني
أرجوك طلبتك لا تشوفيني

لا تشوفي دمعتي

ايه تراها من فرحتي

شوفيني ابتسم

وجراحي تلتئم

ضميني وعنك خبيني

ليه سلت يا مدمعي

ماعدت احتمل موجعي

تمرد الحزن فيني

وفي وحدتي مين يداويني

معك راحت سعادتي

واشتكت مني وسادتي

وصرت انا وحدي وقلبي

نشتكي من بعض ونخبي

نبتسم في عيون الناس

نخفي دمع وألم هوجاس

ضحكتي يتيمه

وفرحتي حزينه

واذا حل الليل بسواده

تفجرت جروحي زياده

و حتى مكانك الخالي

رحل معك خلاني لحالي

وفي غربتي صرت اعاني

من شوقي ودمعي واشجاني
,
.
,
لحظه ابمسح دمعي بيديني

نسيت نفسي سامحيني

مستغربه من حالتي

ما قد شفتي دمعتي

دايم اضحك واخبي

وبشوفك انسى كل مابي

ادور اسباب ضحكتك

كيف اسعدك واشوف غمزتك

لكن اليوم خانت دموعي

فضحني شوقي وروعي

احضنيني ياعمري

سكني رجفه ضلوعي

واشعلي من جديد شموعي

قولي أحبك

آه اشتقت لها واشتقت لك

قولي أحبك قوليها

خليها تجري في عروقي تواسيها

خليها تمسح معاناتي تداويها

ضميني حيل حيل حيل

وواسي قلبي وطمنيني

أنك دوم معي لا تتركيني

ودام قلبي هالكثر يحبك

ضميه للأبد خليه بحضنك




اخـــــــــــــــيكم
الامير

في يومن من الايام...


وبدون سابق انذار..رايت الظلم يتجسد امامي..


رايتــه وانا مذهوله...

ماذا عساي افعل..وكل من لجات اليه..ظالم


ماذا عساي اقول..وكل الكلام مات في محجره وقبل ولادته

ظلمني...بل قتلني..بل سلب الروح..من مرقدها..


فاذا بها تنزف..من الوريد حتى الوريد..



....وقفـــة’ألم....



يتجسد امامي بكل الوجوه...

يقبع في نفسي...

اراه ..بمرقدي ..ويتلحف بغطائي..وينام بجانبي..

لا اسم له سوى الظلم..مهما تغيرت الوانه..او اشكاله..فالظلم ظلم..

كما..الموت هو الموت...

همــسة بأذن من ذاق طعم ألظلم


إذا تعرضت للظلم فتذكر بأن الله هو نصيرك

قال تعالى في الحديث القدسي :

وبعزتي وجلالي لأنصرنك ولو بعد حين

ثق بالله تعالى فهاهو قد أقسم

فمن أحسن من الله قيلا؟

ومن أحسن من الله حديثا؟

دع البشر يمكرون ويخططون وينصرون بعضهم لظلمك ودع الله تعالى هو نصيرك

فمن ينصرك من دون الله؟

أحبتــي في الله

مكذب عليكم لو قلت اكتب وعيوني تدمع.. .ليش مدري..

الكااااااااااتبه\
همـــــــــــــــــــــس