" قصيدة رائعة جتني ع الجوال فـ حبيت انقلها لكم
واللي يعرف اسم الشاعر ياليت يعلمني "



ثلاث سنين انا اخطط لهذا اليوم يابوسعود
تيسر حالي وجاهز اوفي وعدي بوقته
وفجأة جتني تتعذر تقول تأخرت الوعود
وانا مستغرب واسمع كأني وعدها خنته
حسبت انها تمازحني وتتصنع جفا وصدود
ضحكت بوجهها من قلب مع انها بايخه النكته
وقالت ارضى بالواقع قلبي ماهو المعهود
تغيّر كل شي صوبك نصيبي ما أظن انته
كنت فـ يوم محبوبي ولكن ما أظن نعود
وصل من قبل ماتوصل وانا ذاك الصبر عفته
ولكن تكفى صدقني ويشهد ربي المعبود
ترى ماخنتك بغفله ولاكلمته او شفته
صراحه أهلي قالولي بأنه ولد اصل وجود
وجتني امه بالصورة وبكلمات المدح اخته
سكت وقلت هي فرصه مادام الجود في الموجود
وقالوا كل من حولي علامات الرضا سكته
وانا فكرت دام امه واخته ماعليهم زود
اكيد اني باراضيهم اذا وافقت واخترته
واراضي اهلي واخواني مادام ان الفرح مقصود
عطيت الناس انا كلمه ومعاهم وقتي حددته
ولا اقدر اغيرها ترى عند العرب منقود
اوافق واعتذر باكر واقول الراي غيرته
تبي تشرح لي المنقود تصدق عاد يابو سعود
تبيني اقتنع وارضى بحال عمري ماعشته
انا ماني بقايلها عساي افرش ثراها ورود
بعد ماحطمت قلبي وطعم الموت جربته
عسى بفستانها اشواك وفي ثوبه عقارب سود
ونار تحرق الكوشه وتحرق بيتهم حتى
وموت بليلة الدخله يبرد حرتي ياكود
ولا احس انها بحضنه يلامس خد لامسته
علي اهون اذا ماتوا ولا بنفس السرير رقود
ترى صعبٍ علي اتخيل اللي ماتخيلته
عسى قاع الثرى يقسى ويتحول صخر جلمود
وحفار القبر يرفض يسوي فوق مقدرته
ترى دفنت عديل الذات تلوع حتى كبد الدود
ومن خان العهود ومات تعافه حتى مقبرته
عسى ربي يجازيهم بحبلٍ من مسد ممدود
يعلقهم من اطرافه وفوقه نارن وتحته
انا ماني حقود وشين ولاني من نسل نمرود
ومن حط نفسه بوضعي يقول اللي انا قلته
مادام الفعل له ردة فعل والله ابشري بردود
بادعي دامني حيٍ وباغرس للدعا نبته
وابسقيها نزيف القلب ودمعٍ مارحم الخدود
وتكبر والثمر ثاري من اللي خانني وصنته
انا نذرٍ علي اكتب وافجر هالقصيد رعود
واسمّع كل بشر صوتي عجبته والا زعلته
واردد للي يسمعني اذا حبيت حط حدود
انا حبيت دون حدود وشوف اللي تكبدته
ثلاث سنين انا ابني وجت صورة بكل برود
خذت مني شقا عمري وحلمٍ قلت حققته
ثلاث سنين انا اخطط لهذا اليوم يابوسعود
وتوافق من كلام اخته وصوره اربعه فـ سته !!
لـ تحميل القصيدة اضغط بـ الزر الايمن واختر حفظ الهدف باسم
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

كم كم

صــح لسـانه وتســلم يمينكـ،

يعطيكـ، العــافيه عــلىا النــقل المـتميــز

والله لايحـرمـنا مـنكـ، ومـن جديدكـ،

والله مـا اعرف صـاحبـ القــصيدهـ

وتقبلــي مـروري


اخـوكـ،


البـرفسـور : ربــعي عتيبــه

صح بدنك وتسلم
ويعطيك العافيه يالغالي
على هالطله والله لا يحرمني منها
كم كم

همس يعطيك العافيه اختي على المرور