تبــي آلصــرٍآحـه...........؟

04-28-06, 02:02 PM

تبي الصراحة وش تبي بالصراحة
اكذب عليك لا قلت عايش بخير
الحلم يكبر والصغر بالمساحة
وماللوفا عند المعازيب تقدير
قلبي من ضلوعي تشيله جراحه
وش حيلة ابن ادم وجه المقادير
لاجيتني صدري يزيد انشراحه
وغيرك بدنياي نقص ومخاسير
في ذمتي ماغيرك ارجي رماحه
قول وش تبي مني واقول ابشر ويصير
من شاف بعيونك مساه وصباحه
عز الله انه مارجا شوفت الغير
ان قلت راحة ماورى الناس راحه
بس انت وافي ومايجي منك تقصير
طير السعد بيديك اجبر جناحه
السالفة ماعاد فيها معاذير
لاجابوا أسمك كلآ اطلق رماحه
ماكنهم قبل امس عندي مسايير
ابسط مثال لابغيت الصراحة
اقول طيب بس انا ماني بخير

لكــم مني آرٍق آلتحـآيا

آخـــوٍكم

شمـــوٍخ آنـســآن