يابوي ليه تبكي كل ما شفتك وعينـك لـي
تخاف أموت يابوي .. وقبل الموت تبكينـي
كفا يابوي لا تبكي وأنا موجود معـك وحـي
أجل بعد الرحيل أشلون .. في قبري توطيني
يابوي لو تموت الناس ماتسوى دموعك ذي
وأنا يابوي ميت قبل أموت وأنت محيينـي
قسم بالله يابوي لجل عينـك شربـت الغـي
جرعت الهم والحرمان وبحر الويل يسقيني
تحملت السنين اللي طوتني في عاذبي طـي
وصار الجمر يكفوفي .. وتحت أقدام رجليني
يابوي ماعلى عمري حسافه ولا بقا بي شـي
ولكـن بطلبـك يابـوي تكفـا لا تخلينـي
يابوي مابي غيـرك يغسـل جثتـي بالمـي
وتكفا قبل لا أتكفن .. يابوي فكلـي عينـي
بأمر الله يمكن ألمحك وأرحل في عيني ضي
وودع وجهك الطاهر مع دنيـاي وسنينـي
وخل الناس تحملني وترفع راسي ورجلـي
وتأخذني على قبري وتكسب أجرهـا فينـي
وأذا جيت القبر يا بوي نزلني شوي شوي
ووجهني لبيـت الله .. وقبلـه المصلينـي
وحط الطين وأدفني وعز اللي يعـزي فـي
ثلاث أيام يابـوي .. يواسـوك المعزينـي
ورابع يوم يا بوي تذكر .. ضحكتي وعنـي
تذكر وش كنت أقـول يـوم أنـك تنادينـي
تذكر يوم كنت أنام في ظل النخـل والفـي
تجي يمي تصب الما..على وجهي وتصحيني
تذكر جرة الموال وصوت فـي حبالـه كي
تذكر يوم أغني لك قصيدي وانت توحينـي
تذكر ضحكتك لا قلتلك يابوي عشقـي هـي
تذكر كم قصيدة خافيـه مـا بينـك وبينـي
تذكر كل شي كان وأذكر.. يـوم أنـا حـي
ولكـن أسالـك بالله يـابـوي لا تبكيـنـي
الإهداءات
12-18-06, 11:32 PM
يابوي لا تبكي وأنا موجود
العرض العادي
المواضيع المتشابهه
