كل الناس .. المثقفين .. والعلماء .. والمادري من ..!!!

اقلامهم والسنتهم شغاله .. تحل مشكلة العنوسه والعزوبيه ..!!

ينصحون الاباء .. خفضوا المهور .. خلوا المهر ريال .. لدرجة اني صرت اتخيل هالعروس تقول : باااااااااااء ..!!!

من يشتري .. من يشتري .. خذ فلانه .. واختها مجاناً ..

لا .. بعد صار فيه مواسم تخفيضات ..!!!!




اللي ابي اعرفه شي واحد ..

اللي سووا الاحصائيات والدراسات .. سألوا كل بنت .. من هالبنات ..؟؟؟؟

ماخطر على بالهم ان يمكن مافيه مشكله ..

وان بعض .. وقلت بعض عشان ماتقوم الدنيا بوجهي ..

ان بعض هالبنات .. مايبووووووووووون يتزوجون اصلا ..


انا ..

اكبر وااهم مثال ..

عايشه حياتي .. كل شي عندي بيرفكت .. ماشالله علينا الله لايغيرها علينا من حياة ..

ادور شي ناقصني .. يمكن ينقصني .. مالقيت ..!!!

مابي لاازيد .. ولا انقص بحياتي شي ..

ممممممممممممم .. طيب ليش اتزوج ..

وكل من قلتله كذا ..قب فيني كاني بتزوج على ابو عيالي ..


لا اريد اني اطولها وهي قصيره .. لذلك .. بايو ..

__________________________________


الكلام الي مذكور فوق .. هو كلام أحـدى البـنات في أحـدى المنتـديات وكان هذا نص كلامهاا

وأكيـد أنكم فهمتو كلامها ومضمون كلامها ...!!!

فنقلي لكم الموضوع بنفس الصور ... عشان تدرون وش تتكلم عنه البنت بضبط من رفض الزواج وبشده وتطرق للبعض الاسباب في الرفض ..!!!

والمطلوب منكم ؟؟؟

ما ابي كلمـة شكر .. أو الله يعطيك العافيـه ..!!

لاني ناقل موضوع ابي اشوف وجهة نظركم في الموضوع من كل نواحيه ..

من المؤيد لكلامهاا واسباب انه مؤيد ومن المعارض لكلامهاا واسباب المعارضـه

بغض النظر عن نظرتك لـ أي عضو يرد قبلك ويقول وجهة نظر تمشي علي كلامه وترد علي

فرجاء ابي اشوف وجهة نظرك الي تخصك انت في الموضوع ..

وش ترد عليه أو وش توافق فيه مع التوضيح ...

والي ماعنده من هالشي فرجاء يتفرج ويطلع لانه نقاش بحت ..

بنتـظركم ...,,,,

انا اقولك ليه هي رافضه؟؟

لانها ملك نفسها..
في عند بعض البنات ان الزواج قيود..

ويمكن لحياه اهي عاشتها ..

او لاسلوب الحياه بين امها وابوها اخذت فكرتها عن الزواج..
انه قيود وكبت للحريه وسلب لشخصيه هي حاربت للحصول عليها..

او من قصص اللي حوالينها عن الزواج وانه نكد..
وما اخفي عنك يجونني بنات من صديقاتي اللي تزوجو
ويقولون لي لا تغلطين وتتزوجين..
لما اسال ليه تنرسم نظرات بعيونهم تخليني اتشائم من الزواج..
اكتفي بالسكوت ولا اثقل (عاد انا نشبه ) بعدين ارجع واسال؟؟
وتجيك انواع الاسباب اللي تسد النفس من الزواج..

وفي بعد انها لقت اسلوبها الخاص بحياتها ولا تبي احد يخرب عليها او انه ينافسها على انه يحط نفسه الوصي عليها ويتدخل حتى برايها..

لكن ارجع واقولك انه لو جا نصيبها بتوافق..
وبتغير كل وجهة نظرها ..
هذي طبيعة الحياه البشريه ..
المراه للرجل والرجل للمراه..
محد يقدر يستغني عن الثاني..

وصدقني مافي احد يسوي كذا الا ان كان تعرض بحياته لشي..
لان مافي مبدا من الهوا..

وغالبا مايكون الكلام سهل ينقال وصعب يتنفذ..

اكتفي بكذا ونشوف راي باقي الاعضاء..

الف شكر لك على الموضووووع ..
طرح ممتاز.. وقضيه حساسه..

مع خالص الود ..
هيام..

بصراحه انت حطيت موضوع ساخن بديرتنا وبديت بغلاء المهور المؤدي لعنوسة البنات
وقلت بكلامك هذا سبب والسبب الثاني انه

امكن البنت نفسها ماتبي تتزوج وهذا جايز والبنت اللي انت جايب نص ردها مو ناقصه شي وتفضل تعيش حره من غير زواج

وانا حااقولك وجهة نظري ....

ربي خلق الجنسين لبعض المراه للرجل والرجل للمراه
وهذا مسار الحياه كلام طبعا ماعليه غبار

بس امكن البنت هذي لسا في نشوة مرحها وحبها الزايد للحياه
الا مايجيها يوم وتتمنى انها تصير ام وتقول يالتني تزوجت

ولاا مكن مااحد تقدم لها فحسمت امرها وقررت تعيش حياتها بالطول
والعرض بس السؤال اللي متى ؟؟

انا اوؤمن بتوزيع الارزاق زي مافي واحد غني في فقير وزي ماجا هذي نصيبها وتزوجت
هذي حكم عليها بالعنوسه بدون اسباب كذا قدر ...

بس صدقني امكن هي كانت راده رد سريع من غير تفكير اذا كان عندها المال والوظيفه والشباب ...زي عيالها صح ..

مافي شي دايم وقال الله تعالى ((المال والبنون زينة الحياة الدنيا)) يعني مانقدر نعيش من غيرهم...

والا امكن تسمع عن زيجات تعيسه فققرت ان تحمي نفسها والله اعلم

واحب اقولك ياملحي
لا تجادل الأحمق..
فقد يخطئ الناس في التفريق بينكما
اتوقع اخير انها كانت مجرد حماقه من البنت

تقبل مروري واسفه على الاطاله

محلي ملحهـ

كلام . .جميل . . ومميز . . اعتقد في . .

غلا . . المهور . . الخاسر الوحيد . . هي البنت . .

لان . . المعيشه . . اصبحت . . صعبه على . . اي شخص . .

في . .الحياه . . هذي. . وخاصه . .في . .السعوديه . .عندنا . .

يعني . . من . . انادر . . تجد شاب . . عنده . .القدرة . . انه . .يدفع 100000 او 70000

اقوول . . من . .النادر . . في شباب . . اكيد . . يقدرون . . بس مو الكل . .

عشان. . كذا اشوف. . ان. . البنت. . هي من. . تخسر. . بطلبهاا. . مهر. . غالي جداً . .

لان . .الرجال . .مايبي . . يتزوج . . وبعد . .الزواج . . يوسوس . . في الديون . .

وانا. . ماقصد. . ان البنت . . تزوج بلاش . ! ؟ لا المهر . . مهم بس . . بحدود العقل . .

يعطيك العافيه

سلمت يداك

انتضر جديدك

تقبل مروري

اشكر الي ردو وعطوني وجهة نظرهم ...

وراح ارجع واعلق علي كلامهم

بس مع الاسف الشديد الباقين ما عندهم وجهة نظر ..

ولا بس تميزهم في عدد المشاركات ...!!!

لي رجعه قريبه عشان اعلق علي كلامكم