صبح صبح

ياعم الحج

اهلا بكم في صفحتي ترفيه ومنعنشه من جديد , الصفحـه التي تغير لك مزاجك ...

مع ( ياملحي ملحهـ ) اضحك وانت مرتاح..

صحيح العنوان عن هيام .. لكن القصـه ليس لهاا علاقـه في هياام

يعني ارتاحي يا هياام مهيب فيك ..

هي تتكلم عن شخصيـه قـديمـه اسمهاا ( عجـوز القايـله )

الموهم مالي في المقـدمات .. نعطيكم القصـه علطول ..

أذكر يوم كنت صغير منسدح با الصاله وحاط راسي ع المركى

وجالس تحت التلفزيون ومشنقل رجليني ع الدولاب

اناظر بباي هو وحرمته زيتونه

ترا ما اتابعه عشان أقز سيقانها اذا صارت تركض ويلحقها الدب ذاك

ابو لحيه ( بلوتو )

المهم شفت معهم العجوز اللي تطير بعصى المكنسه مهبوله العجوز

تأثرت فيها ايام الطفوله

حتى مره كنت فوق جدار البيت بجيب الكوره

لقيت مكنسه وحطيتها بين سيقاني وعضيت طرف الثوب من قدام

وطبيت من فوق الجدار بس الغريبه اني ماطرت مثلها

يله تسمى محاوله ويسجل اسمي با التاريح مع الزلابه عباس بن فرناس



المهم نرجع لسالفة العجوز

العجوز هذي الله يسلمكم ذكرتني بعجوز القايله

القايله هي : الساعه ثنتين الظهر با الصيف يعني با الشتاء ماتسمى قايله

ذبحونا اهلنا بها الخزعبلات ..

قال ايش قال عجوز القايله تحب لحم البزارين وكل يوم تاكله الظهر

يعني ماعمرها تغير وتاكل نواشف خخخخخخخخخخ

حسبي الله على من كان السبب وربي سببت لي عقده نفسيه

كنت اذا ناوي اروح للبقاله احط نعالي تحت اباطي واعض ثوبي

وادعس طبلوني

حتى ما اقدر التفت وراي < احس اني بشوفها

كل هذا ليش عشان اهلي مايبوني اطلع الظهر

طيب قولو أنثبر مافيه طلعه ليه تخوفونا


اخواني الكبار دايم يخوفوني صرت حتى وانا نايم اتحلم فيها

حتى اني صرت ما انام بغرفتي انام عند ماما وبابا < أنواع التخريب


الموهم ::..

اللي قاهرني ورافعن ظغطي اذا قابلت واحد من الشله العصر

اقوله طلعت من البيت الظهر؟؟ يقولي : لا اقوله : ليش ؟؟

يقول عجوز القايله عند بابنا ..

لعنبو بليسك وش جابها عند بابكم واخواني يقولون انها عند بابنا حنا


ابقولكم سر :

مره من المرارير وعلى حين غره



المهم جاني اخوي اللي اكبر مني

قالي عطن خمسه تريل << يعني خمسه ريال

قلت له مامعي << ملعون الجدف عارف ان ابوي معطيني عشر تريل

قام ومسكني مع يدي قام يزهم على عجوز القايله

يقول هاه تعطينن ولا اخليها تجي وانا مسيكين اصيح وانادي امي يماااه يمااااااه

شوفي ولدتس يبي يذبحن ( وامي بسابع نومه )

وقمت وعطيته العشره قالي ابروح للبقاله وارجع لك الباقي

بس على مين تلعبها << اتقوو شر من قرب للأرض

مشيت وراه اراقبه لقيته يشتري تتن من البقاله هع هع هع

اخيرآ مسكت عليه شي


جيته قلت تتن يا الداشر هااا عاد ابوي قايلي لي لاتمشي مع دشير

والله لعلم والله لقووول

يله هات الخمس تريل واطلبك خمسه بعد

قالي أقول ماودك تصير رجال ؟ قلت إله ودي اصير رجال كيف ؟

قالي تعال خذ لك زقاره ترا تصير رجال وقووي

تصير اقوى واحد با الحاره كلهم يخافون منك


سرحت شوي بكلامه واتخيل شكلي وانا امشي با الحاره وهم ينحاشون

يمين ويسار جاااااكم ابوحميد انحاشوووو جاكم القوي

قلت يله هات زقاره بس قل قصم واحلف بصلاة امك وابوك ماتعلم احد

حلف لي بعدها اخذت الزقاره وولعها لي وقمت ادخن


وكانت هذي اول مره احط فيها زقاره بين اصابعي

بعدين قالي ياويلك ياقردك الحين امي تشم ريحة التتن معك وتدري

والله تعلقك با المروحه << وينك ياكوفي عنان تنقذني


انا قمت اصيح قلت له وش اسوي دبرني لاتنكبنا

قلي وش اسوي ولا ترا اعلم عليك انك انت اللي خليتن ادخن

قال انزلع وياويلك تعلم ترا اقول لعجوز القايله

تراها صارت صديقتي

انا سمعت طاري عجوز القايله وانا اللي احط رجلي وووينك يالنحشه

نعالي طارت فوووووووق وغبرتي وراي

المهم قمت ادور با الحوش ياربي وش ذا البلشه شلون اخلي ريحة التتن تروح

ليش ماحنا زي الاجانب كل شي فررري < اقنور

المهم طرت ببالي فكره قمت وطلعت برا وجلست امردغ نفسي بحووض

الشجره اللي عند بابنا << قام يتشقلب على التراب



بس صار وجهي اشهب كن منفقع بوجهي فيش كهرب


يوم رجعت للبيت قالت امي ياولدي العزيز قلت نعم ياماما

<< تراها ماقالت يا السربووت

من سوا فيك كذا وش في ثوبك صاير كنه رواق خيمه

قلت يمااااه يمااااااااه

قالت قل وش فيك لا اصطرك بسلك الكهرب حق مكينة اللحم المفروم

<< سلاح امي المشهور


جيت بعلم على اخوي

وتذكرت باللحظه الأخيره انه قالي ترا اعلم عليك عجوز القايله

قلت لها يمااااه عجوز القايله ضربتني واخذت عشرتي

قالت امي تكلم زين لا اصطرك اي عجوز ؟؟

قلت والله يمه عجوز القايله ضربتني انتي مو تقولين لاتطلع الظهر

عجوز القايله تاكلك .. قالت : ايه قلت لك

قلت انا طعت من البيت جوعان ورحت للبقاله ومسكتني عجوز القايله

بغت تاكلني وكفختها وجيت للبيت اركض


امي طلع فوق راسها نخله

قالت ياوليدي شلون شكلها عجوز القايله ..؟

قلت لابسه ثوب اسود وشعرها ابيض ومعها مكنسه نزلت من فوق

من سطح ابو سالم جارنا ..


قالت بسم الله عليك ياوليدي رح نم خذ هذي عشره بس لا تعلم احد بسالفتك

<< تدري انها نصبه بس ماتقدر تقولي شي

لانها هي اللي قايله عجوز القايله تاكل البزارين خخخخخخخخخخخخخخ

::

:

للمعلوميـه فقـط ..

هذي من نسج الخيال ... والهـدف منهاا .. الضحـك و خزعبلات الافكار

وأن شاء الله تعجبكم ...,,

كـنت هناا ^_*

ولي رجعـه بتعلـيق علي كلامـك .. ^_^

ياشين قصص الاهل والكذب علينا
اذكر من اول احب اطلع مع العيال وكانوالبنات يصنعون الكعك من التراب وانا وععععع طموحي اكبر كنت العب كابتن ماجد طبعا انا عمر لاانه دلخ
وبالاحتياط....بس امي نشبه ودايم امي تبي تمسكني تردني البيت انواع الجلد ماينفع
الموهم قالت يابنت ترا ان طلعتي بيسرقونتس العسكر((اخاف على نفسي)) وحنا كنا في القاعده
وخبركم العسكر كل صبح يسون التمارين يركضون من عند بيتوتنا حول ثلاثين واحد
فاامي تقووووووووووول يابنت وينتس تعالي اخبيك ترا يدورن عليك وانا امووووووووووت من الخوف
ولاسمعت صوت البساطير((بوت العسكري))يجين شوط بظهري واتسمر مكاني وبس ما على لساني الا يمااااااااااااااااااااااااااااااااااااااااااااه
بيخذوني
حرام ومنكذا يما فكرت دايم اني اهرب في الطعس اللي في الشارع اللي ورا دايم اطلع فوق الطعس يقال اسوي خطة الهرب ((اموت وادري ليه البزارين دايم يبون يهربون)) بسيكلي ابو3 كفرات ولاسمعت العسكر ادحر بسكلي اصك الامبير على 4000 واحس وقتهاااااا
محد قدي بدخل بيتنا طيران من فوق الجدار ................ولا وصلت اقووووووووول محد اسرع مني ويما وقتها اقول لاابوي اتحداك تسبقني انت بالسياره وانا بسيكلي ...فهو دايم يناظرني ويقول اقول انظبي ودي البسطار في الجزامه خخخخخخ
وقعدت المعاناه معي الين المتوسط وسبق وصارحت هيام بخوفي من العسكر خخخخخخخخخ وهي تخاف من ؟؟؟

تصفــــــــــــــــــــــــــــــــــــيق حار لملحي على هالقصص الروعه
ودي اساله سؤال مدري ايش يبي بس جا على بالي
تعرف النيته الشجره ((فسوة العجووووووووووووز)) كانو اهلك يقولون لك شي عنها ...

تقبل مروري

ههههههههههههههههههههههههههههههههه

قصه ولا اروع

خيوووووووووووووووووو

بس ترى من حق البنيه المطالبه

بتعويض على اسمها

يعني اذا بتنزل موضوع لا ترحمها

وعلى العموم قصه راعه كتواجدك الاروع

وتقبل مروري
د.عافك الخاطر