نــفـــسـي عــزيـــزهـ
لغير الواحد الموجد أبد مـا ينحنـي راسـي
أنا نفسي عزيزه ما خلـق منهـو يوطّيهـا
ولا أقبل على نفسي أنـزّل قـدري وباسـي
يهون الجرح واتنازل عن الدنيا ومـا فيهـا
كريم النفس والنخوه سكبها " الوالد" بكاسـي
و " أمي " أرضعتني الجود وارخت في تفانيها
حسبت إنك حبيبي وكل عشقي وأهلي وناسي
حسافه.. كنت في عيني ولكن .. شوف تاليها
تبيني أوهبك عشقي .. وإنته دالـه وناسـي
ألا يـا ناكـر العشـره ولا تفهـم مباديهـا
تجاهلت الغلا والحب وهان بعينك احساسـي
فديتك يوم كنت أول فروض الحـب توفيهـا
ولكنك تغيـرت وخبرتـك شامـخ وراسـي
ألا وش غيرك قلي .. سواتك مـن يسويهـا
عجزت افهم سبب بعدك وليه إنك علي قاسي
تعلمت الجفا منـك ولا ادري وش خوافيهـا
تحيّر قلبي بهجرك وتكسر بالهـوى فاسـي
وتوغر بي جروحٍ ما لقيـت اللـي يداويهـا
سهامك أثرت فينـي وخلـت كـل جلاسـي
يهابون الهوى سبة سهـامٍ منْـك أعانيهـا
تغير طبعي وشكلي وحتـى تعبـت انفاسـي
وقصة حبنا أكـره تجيـب النـاس طاريهـا
كرهت الحب واشواقي وعشت بظل هوجاسي
وصدق العاطفه فينـي تـدوّر مـن يدفيهـا
أحس البرد بعظامي .. وكلي منّـك يقاسـي
عجيبه .. كيف ما همّك همومٍ منْك أقاسيهـا
أبي أعشق بديلك مستحيل أستسلـم لياسـي
فشلت بتجربه وحـده .. ولا أنـوي أثنّيهـا
وبالقا غيرك يقدّر .. واحصّل فيه نوماسـي
عسى الله يجبر الخاطر .. ونفسي ما يدنّيها
فمان الله أنا برحل ولابي عقبـك امواسـي
أنا نفسي عزيزه ما تـدوّر مـن يواسيهـا
لحفظ الملف الصوتي اضغط بزر الفأرة الأيمن على الرابط أدناه واحفظ الهدف باسم ..
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
![$$ [قصيدة صوتيه] نفسي عزيزه $$](shoog_Style/iconimages/t3385_rtl.gif)
الإهداءات
11-25-06, 10:17 PM
$$ [قصيدة صوتيه] نفسي عزيزه $$
العرض العادي
المواضيع المتشابهه
