(( مــســكــيــنــه .. ))


لو منتي إللي هويت أشفق على حالي
ولو كان غيري حبيبك قلت مسكينه


من غيرك إللي كفو تستاهل وصالي
أو منهو إللي كفو غيري تحبينه ؟


قولي غرور وكبر وأرد طوّالي
من كان مغرور في حبك تلومينه ؟


تصدقي تو طعم العمر يحلالي !
وش كان طعمه ! ياجعلك ماتذوقينه


أبشع من المر بس أتذوقه حالي
ماكان عندي خيار وقلت يازينه


قبلك كأن الليالي مالها والي
تجرجر بقلب محسوبك من إيدينه


من حب نوف لشهد لمنيره لسالي
ياكثرهم بس فعلاً طلعو عينه


لكن بعد مالقيتك صرت متعالي
وأنادي أحلا بنات الكون : يالشينه


من كثر ماقمت أسولف بك على ظلالي
تكونت فلسفة (رجلي برجلينه)


رافقني بكل درب لوعدك الغالي
وإذا تأخرت ثارت بي شياطينه


وشلون ألومه وحسنك سبّة هبالي
وإنتي بعد لو سمحتي لاتلومينه


لوميني إن ما رفعتك للسما عالي
لو ماغدا الشعر يزهابك وتزهينه


لاصرت أنا شاعرك وإنتي هوى بالي
نذرٍ علي أذهل الشعر ومحبينه


وسلامتكم

تسلم يالغالي
وصح لسانك
احلا مافي القصيده ان اسم جدتي فيها<< خخخخخخخخخخخخخخ
تقبل مروري شموخ

ههههههههههههههههههههههههههههههههه

صــح بدنــك

ومشــكورهـ اخــتي شمــوخ علىا المــرور

واكيــد اسم جدتك ؟؟؟؟ << ما ابي اقــوله



اخــوك ربــعي عتيبــه

ربعي عتيبه

صح لسانك ولافض فوك

انتظر جديدك دائم

تقبل مروري