وين انت ياحمدان امك تناديك
وراك ماتسمع شكايا وندايا
يامسندي قلب على الدوم يطريك
ماغبت عن عيني وطيفك سمايا
هذي ثلاث سنين والعين تبكيك
ماشفت زولك زاير ياضنايا
تذكر حياتي يوم اشيلك واداريك
والاعبك دايم وتمشي ورايا
ترقد على صوتي وحضني يدفيك
ماغيرك أحد ساكن في حشايا
واليا مرضت اسهر بقربك واداريك
ماذوق طعم النوم صبح ومسايا
ياماعطيتك من حناني وبعطيك
تكبر وتكبر بالأمل يامنايا
لكن خسارة بعتني اليوم وشفيك
وأخلصت للزوجة وأنا لي شقايا
أنا ادري انها قاسية ماتخليك
قالت عجوز ك مابيها معايا
خليتني وسط المصحة وانا ارجيك
هذا جزا المعروف وهذا جزايا
ياليتني خدامة بين اياديك
من شان اشوفك كل يوم برضايا
مشكور ياولدي وتشكر مساعيك
وادعي لك الله دايم بالهدايا
حمدان ياحمدان امك توصيك
اخاف ماتلحق تشوف الوصايا
اوصيت دكتورالمصحة بيعطيك
رسالتي واحروفها من بكايا
وان مت لاتبخل علي بدعاويك
واطلب لي الغفران وهذا رجايا
وامطر تراب القبر بدموع عينيك
ماعاد ينفع الندم والنعايا












اعاذنا الله واياكم من عقوق الوالدين

لا حول ولا قوة إلا بالله

عقوق الوالدين ذنب عظيم

أخوي ربعي

مشكووور علىا القصيدة

دمت متألق

تقبل تحياتي

اعوذ بالله من العقوق..
كلمات مشبعه بالالم والحسرات على امل خائب بابن عاق
وعلى صورة ارتسمت في خيالها شوهها ابنها بنكرانه لام ربت وتعبت..

(*•.¸(`•.¸ربعي عتيبه¸.•´)¸.•*)
ابدعت بطرحك لهذه القصيده
تقبل مروري
هيـــ القلوب ـــــــــام

لا حول ولا قوة إلإ بالله

رضى الله من رضى الوالدين

كيف يطلب رضى الله وهو ما أرضى امه

اللي تحت رجليها الجنه

تسلم على القصيدة


تقبل مروري

اسير القلوب

اقتباس المشاركة الأصلية كتبت بواسطة اسير الشوق لا حول ولا قوة إلا بالله عقوق الوالدين ذنب عظيم أخوي ربعي مشكووور علىا القصيدة دمت متألق تقبل تحياتي

مشــكور اخــوي اســير عــلىا المــرور الذي شــرفــنا في القــصيــدهـ


وتقــبل تــحياتي


اخــوكـ


ربــعي عتيبـــه