كثير اللي على كـتـفي وصل حتى حـدود الغيـم***وحاول بعـدها نكـــران صــوت الحـق من بـــدري
كثير اللي عطيته من هنا عمـــري وخذت الضيم***سـقـيته من عروقـي والتحــــف يـوم الشتا صـدري
وكثير اللي حملته في رموشي وكان له تكريم***وكانت خـنـجرة رد الجــميل اللي طــــعـن ظـهــري
وترى مانتي بالاولى اللي في زماني تـهـــيم***ترى قبلك كــثيـــر اللي بـلـوني وطولـو صبـــــري
ومع اني قوي ايمان بس الشر له تعمــيــــــــم***مدام الله كتبلي الــهـــم وخـــــلاني معه أســــــري
رضيت الهم والاحزان والفـرقـى وكـثـر الضـيـم***وكل انـسـان أقــداره تــجـيـه بـدون مايــــدري
وهذي حـكـمـة الرحمان في عباده وله تعـظيم***والا انتي ؟ خلاص اليوم جاك فراق في شعري
كرهت حيل من قلبي ولا باقي لكم تكــــــريم***رميتك ما ابي حبك بعـيـش الباقي من عـمري
فــمـان الله لاتبكي انا ادري فالبعد تألـيــم***رضيتي لي معاناتي رضيتي أعيش بك قـهـــــــري
ومن يرضى لي الأحزان مهـما كان له تكريم***انا ارضاله معاناته كثــــــر ماخفيتـــــــه بـصـــدري
عطيتك كل ما أملك من الأشواق والتحشيــــم***وانتي عارفه وااالله ..........ماحـبـــك أحــد كثـــــري
ولكن جت لك الفرصه وخنتيني وخذت الضـيم***وهاذاني طلبت الحــق أبي فراقك لـجــل أســــــري
فمان الله لاتزعل كفاني في الـعـمر توهـيـم***وداعا يا شقا نفسي بعيش الباقي من عـمـــــــــري
تقبلو تحياتي..
اخوكم
لغة القلوب