ياللي بأساليب الخيانه تفننت
=
وش رجعك عقب الجفا والقطاعه؟؟

فارق عيوني وابعد ارجوك لاهنت
=
دامك تصنعت المشاعر صناعه

لعبت لعباتك بتمثيل واتقنت
=
وألفت كذباتك بفن وبراعه

وخليتني بالنار يومك تمكنت
=
وقعدت ادوّر في هواك الشفاعه

لآن الحجر من حالتي وانت مالنت
=
لأني اعطيتك غلا عن قناعه

غدرت بي واخلفت ضني بك وخنت
=
وخذيت حبي لك مجرد اشاعه

لاتقول ابرجع بالهوى مثل ماكنت
=
ضاع الهوى وانت السبب في ضياعه

يوم اني اسهر الليل وين انت
=
يوم اتحرى جيتك كل ساعه

ياللي مع الأيام ضدي تلونت
=
يامن تفنن في وسايل خداعه

بك من تواصيف الغدر لاتمسكنت
=
كنه اخوك من الصدر والرضاعه

يالمعدن اللي حكك الوقت بيّنت
=
بيّن صداك اللي خذيته بضاعه

ربتني الدنيا على يديك وايقنت
=
ان ماكل من يطمح طموح استطاعه

اليوم عقب اللي جرالي تمعنّت
=
والحر بعيونه يبين انطباعه

كانك مع العاذل وهمي تعاونت
=
عندي شهاده بالصبر والشجاعه

وان كانك اسلوب التحدي لي اعلنت
=
ابشر برجالٍ يشمٌر ذراعه

انا طبعي وبأطباعي آمنت
=
من عافنا يحرم علينا اتباعه

واللي معي صادق بعيني له اسكنت
=
عندي عن اسلوب الخيانه مناعه

تدري؟؟ مدامك للهوى اليوم ماصنت
=
اقولها بوجهك وكلّي قناعه

يلعن ابو رجلٍ يذله هوى بنت
=
إذا تخلى لأجلها عن طباعه

سلمت انااااملك يالغاااااالي

يعطيك الف الف عاااااافية اخوي

تحياااي لك

صـح آلسـآنك آخــوي مشـآغب

سلـمت يـديـنك عـلى آلـنـقل آلـرٍئع

آخوٍوٍوٍك

شمـــوٍخ آنــســآن

مشاااااااااااكير يا حلوين

صح لسانك

ياقلبي

وتسلم على الكلمات الحلوه

واصل ابداعك

تحياتي لك

كنتـ أحبكـ