بلغوا لاهل الرياض ازكى التحيـه والسـلام
من حنين العاشـق الـي ماتعمـد بالخطيـه
وابلغوا ورد المروج ارقى عبـارات الكـلام
وقبلـوا كفيـه والفرقـا مشابهـة المنـيـه
من سبب فرقاه حتى العيـن جافاهـا المنـام
دمعتي في محجـري كنـي مفـارق والديـه
واصبح العالم ظلام(ن) في ظلام( ن) في ظلام
وأصبحت روحي حزينه والحزن سيطر عليه
المصيبه اني عشقتـه مـن محبـه واحتـرام
والمصيبه انه تركني مثـل مجهـول الهويـه
عشت قصه حب والله ماحصل فيهـا حـرام
غير اغني بسمهـا احلـى لحـون السامريـه
ون بغيت اوصف محاسنها فهي بـدر التمـام
ولا يوصفها الحديث من الحـروف الأبجديـه
طهرها طهر الـذي مابيـن زمـزم والمقـام
وغيظها غيظ الذي عاشو عصـور الجاهليـه
طفلة ماتعرف الا غن لي ياليل سلـم ياسـلام
وانا اجر إلها مواويلي ضحى يـوم وعشيـه
غصب عني علمتني ويش هو درب والغـرام
وغصب عني ماعد اعشق من بعاديهـا بنيـه
والله منساها يكـون الـدوح ينسـاه الحمـام
والا بيت الجـود تهجـره الـدلال الشاذليـه
ون بغيت اروح وخطبها على نهـج الامـام
مهرهـا غالـي ولا يكفـي مهرهـا مالديـه
(المصيبه انـي فقيـر ولاانـي بقـد المقـام
واكبر مصيبه عليـه بنهـا بنـت(ن) غنيـه
ارحموني وخـذو عمـري مهرهـا يالكـرام
واتركوني ربع ساعه تمسـك ايديهـا يديـه)
الإهداءات
10-26-06, 01:52 PM
اهــــــــــــــل الرياض
العرض العادي
المواضيع المتشابهه
