ومن الشعر الشعبي الكوميدي ... اللي ما يخلو من الدقات ..
حبيت شايب لا تقولـون لـي ليـه
لقيت عنده ما أبـي العـزّ والجـاه
حصّلت كل الحبّ من قلـب يعطيـه
هو حبّي الاول ولاخـر وانـا افـداه
قرب على التسعين لا شـي يشكيـه
سلفه يـدّق بـلا اشتـراكٍ وتحمـاه
مهما طلبتـه قـال حاضـر ولبّيـه
يركض على شاني ولا همّـه شـراه
لو هو لبـن عصفـور لابـدّ لاقيـه
يفرح اذا مـن قلـت يـارب تجـزاه
وان ضاق صدري بان حزنه بعينيـه
ورحت اتمشـى فيالبساتيـن وايّـاه
يجمع لي أجمل ورد من نقوة ايديـه
والشوك عن دربي يشيلـه بيمنـاه
واذا رجعنا البيـت فالأنـس يحييـه
شال الهجيني والرقـص دوم يهـواه
وان كان ابي "ديسكو" فلا هوب خافيه
"البريك داون" يضبطـه مـا تعنّـاه
يا بنـت خـوذي شايـبٍ لا تعدّيـه
خاتـم بيـدّك والمخاليـق تخشـاه
وش لك بـورعٍ تايـهٍ فـي مفاليـه
امـا سهـر والا دشـاره وبـلـواه
والا فقيـرٍ راتبـك مــا يخلّـيـه
والا غنـي والبخـل دوم بخـطـاه
قضبة عمى يا ويل من طاح بيديـه
فسيارته مـن كثـر كرفـه تشكّـاه
ولا تاخذي شاعرترى العشق يغريـه
يا سرع مـا يقلـب لحـبٍ تحـرّاه
ولا تقبلي راعي "تـداول" وتشريـه
فكره مع الاسهـم عشيـقٍ وليـلاه
فالشايب اللـي كبـر جـدّك تمنّيـه
لو قـدّر الله مـات فالـورث ذكـراه
من بعدهـا تشريـن زوجٍ وتغنيـه
دام الشبـاب اليـوم فقـره توطّـاه
ويصيـر لـك ظـلٍ وطفـلٍ تربّيـه
برويتبٍ مثـل الموظـف ولا احـلاه
ههههههههههههههههههه
تبقى وجهة نظر
الإهداءات
10-13-06, 06:04 AM
بنــــت حبـــت شااااااايب ليــــــــــه!!!!!
العرض العادي
