دخل رجل على زوجته وهي مشغولة بالبيت وناداها :
هو : يافلانه
هي : عونك
هو : تعالي اباج لو سمحتي ؟؟
هي : وش عندك ؟؟
هو : تعالي وبخبرج
هي : ياحبيبي مشغوله اكوي ملابسك
هو : خلي الكوي وتعالي
هي : انزين
ثواني وهي جايه بلبس روعه وريحتها اروع وابتسامتها ماليه وجهها
هي : عونك .. امر؟
ناظرها بابتسامه صفراء وقال : تراني اعرست عليج!!!!!
جلست على الكرسي وهي تناظره وقالت بصوت يرتجف وقالت :وش قلت؟
هو : اقول تراني اعرست عليج يالله قومي خذي لج ملابس وروحي عند هلج
ابسافر انا وزوجتي الثانيه كم يوم وراجع !!!!!
ناظرته هي مصدقه مب مصدقه وبدون سابق انذار هب في وجهها وقال قومي الان وحطي لك كم خلق
ويالله تراني انتظرج .بالسياره لاتتأخرين علي.....
طلع وهي تناظره الا مبققه عيونها دهشه من الخبر وحيره من اسبابه !!
دقايق معدوده وهي تفتح الباب وتركب معه وبصوت يكاد يختنق قالت : لو سمحت ممكن تجييب الشنطه؟
نزل من سيارته واخذ شنطتها وحطها بالمقعد الخلفي .....شغل السياره وتوجه لبيت اهلها شوي وهم واصلين للبيت
وصلوا البيت وقالها تفضلي انزلي .....
فتحت الباب ونزل قبلها واخذ الشنطه وجاء من عند بابها ومسك يدها
وقالها حبيبتي تراني مااعرست عليج و لاهم يحزنون بس ترا ابوج مات !!
هي بدون شعور قالت :
أشواااااااااااا