☆ مشاهد من الحياة ☆
المشهد الاول
وحدة مزيونة بالحيل.......و حبيبة ...
بس تخون!!!!
وش تسوي بجمالها؟؟
بياخذها الزمان و تبقى عجوز.....
عادي........طاح الحطب.......... و حلوة الحياة
المشهد الثاني
غني و ظالم .........
يطرد المساكين......و يستغل الأضعاف
مغرور و فاسق......
و مجلسه عامر.......
كلن يبهر له........
و مع ذلك يجمع حسنات.......من كثر اللي يسبونه
عادي ........طاح الحطب .......... و حلوة الحياة
المشهد الثالث
يدرس و يشتغل.........
لاجل يبني مستقبله.......
تزوج و جاب عيال......ثم تقاعد
صار يسكن في مكان.....و أم عياله في مكان
والسبب العيال......
صار دار المسنين بيتهم............
عادي ........طاح الحطب.......... و حلوة الحياة
المشهد الرابع
تغازل و تاخذ ارقام...........
و تطلع مع هذا.....و تواعد هذاك........
و يوم طاح الفاس في الراس.......
بكت........
و راحت تشكي لامها غدر الزمان.......
لمستها امها وقالت
ولا يهمك .....سفرة لمصر.... وشوية سيولة
و ترجعين بنت......
عادي........طاح الحطب. ......... و حلوة الحياة
المشهد الخامس
مرفوع الكفن أبيض ......
وصاحبه وسط البياض.........
بعضهم يبكي.......و بعضهم عادي
دفنوه.....و تبكبكوا شوي
و اخر الليل سكارى.........
عادي........طاح الحطب. .......... و حلوة الحياة
المشهد السادس
سيارة مسرعة........
و تدعم لها واحد........
مسكين هندي..........
و العسكري صديق الطايش.......
والخطا نصه على الهندي......
والباقي على أبو الطايش..........
و في الليل.....الطايش يلعب ورق
عادي........طاح الحطب. .......... و حلوة الحياة
المشهد السابع
غرشة ماي......
ما تضره .......طايحة في السيارة
يناظرها بغضب.......زعلان منها
و يفتح الشباك .....ورمها وسط الطريق
واذا اجتمع مع الشباب قال:
متى بنتحضر؟؟؟؟؟؟
عادي........طاح الحطب. .......... و حلوة الحياة
المشهد الثامن
اهم شي الثوب نظيف.......و الغتره مكويه......
و القلم ماركة......والساعة تضوي......
و النعال جلد(( الله يعزكم)).......والسيارة كشخه......
و تلفونه ما يسكت......
إما بنات.....
أو البنوك تبي فلوسها.......
عادي........طاح الحطب. .......... و حلوة الحياة
المشهد التاسع
سطحية .......و مغرورة
غبية......و متكبرة......و يا ريتها حلوة
تبي زوج مواصفات......
ما يقول لا.......ويكره الاستراحات
لازم وسيم.....و انيق.....و متعلم.....و دخله ممتاز
و يحب السفر.........
و بعد سنين......تلاقي نفسها في الانترنت
تدور واحد يقبل بها.......
عادي........طاح الحطب. .......... و حلوة الحياة
المشهد العاشر
فتح الكمبيوتر......
و دخل للمنتدى......و كلامه ما يتعدى ان الموضوع روعة و رهيب
و هو ما قراه و لا يعرف الكاتبه........
بس يبي يزيد المواضيع موضوع .......
ويزيد همومنا هم.........
علشان يصير صاحب الألف موضوع......
و يتميز........
والمشكلة انه يتميز...........
عادي........طاح الحطب. .......... و حلوة الحياة
المشهد الأخير
الكذب اثم.........ومع ذلك نستخدمه
و ندري ان هذا حرام........و مع ذلك نجربه
نتذكر السهرة و الفرح و السفر.......
و ننسى الجالسين على كتوفنا.........
و نتناسى ان معهم كتاب يسجل افعالنا و نياتنا.......
كل شي محسوب.......
حتى النظر......
نسينا ان ورانا يوم......علاماته قربت
ومع ذلك كلنا ناسين.......
أن بقيت على حالك تتناسى .......لازم تعرف
إن ذاك اليوم مهوب عادي
وانت الحطب
و ما به حياة
نزف المشاعر
الإهداءات
07-14-06, 04:02 AM
☆ مشاهد من الحياة ☆
العرض العادي
المواضيع المتشابهه
