ليتك قبل لا انتفارق / طحت من عيني
عشان لامن نسيت .. انساك بالمـرّه
لكنك اقرب ل( دمي ) من شرايينـي
وغلاك له في ضلوعي كـرّه وفـرّه
اصارحك .. لان مايعنيـك يعنينـي
واعاتبك .. وانت لعيون الغـلا قـرّه
خابرك مهما افترقنا ما انت ناسينـي
وانا اتذكـرك فاللحظـه 100 مـرّه
اسمك لحاله عن اللي جـاي مغنينـي
منقوش فالقلب نقش ٍ في صفا الحـرّه
الله يسامـح خـطـاك ولايخليـنـي
ان كان الاحساس ماعندك منه ذرّه !
وشلون ياللي مصافينـي / تجافينـي
عـزالله ان الليـال السـود مفـتـرّه
لكن وش اقول والا ويش في يدينـي
مدام عهد المواليـف انكشـف سـرّه
من ضيقة الصدر فيني مـا يكفينـي
تعـيّـن ! زرار ثـوبـي يالله ازرّه
ان كـان ماجيتنـي يابهجـة سنينـي
غديت مثـل الشهيـد محمـد الـدرّه
ما أظن تبقـى عناوينـي عناوينـي
يموت فيّ الغرام ب( خيره وشـرّه )
مجبور في واقع ٍ ماهوب مرضينـي
هذا مصير ٍ عليه النفـس مضطـرّه
خذ همي وشوقي وجرحـي وسكينـي
ل( عالم ٍ ) ينتظرك .. ودربك يمـرّه
شف عاد قلب ٍ قسمته بينـك وبينـي
عانه تقفّاك .. واقتصّك على الجـرّه
الله يوفـقـك .. والله لايعنـيّـنـي
الحب .. ماعاد ابي بحـره ولا بـرّه
للمبدع : مشعان البراق
من ما اعجبني 
الإهداءات
09-24-08, 03:49 AM
خابرك مهما افترقنا ما انت ناسينـي
رد: خابرك مهما افترقنا ما انت ناسينـي
العرض العادي
المواضيع المتشابهه
