أخواتى الأعزاء




تجيب عليها الدكتورة : جيهان النمرسى

دكتوراة فى مشاكل الشباب وقضايا الزواج
مستشار نفسى واسرى بالقنوات الفضائيه

نسعى من خلال هذه السلسلة ان نضىء شمعة وسط هذا الظلام وان نجد بارقة امل وسط صعوبة هذا الطريق ونرجو من الله ان نكون اليد التى تمد لك العون عندما تبحث عن دليل والله الموفق للجميع





للاستشارات النفسيه ارسل مشكلتك على البريد التالى





بسم الله الرحمن الرحيم

أخواتى الأعزاء

طبعا الموضوع اللى هاكلمكم فيه موضوع شائك وغريب وكلنا بنخاف نتكلم فيه لكن لازم نتكلم مش معقول هانحط راسنا فى الرمل ونعمل نفسنا من شايفين ولا سامعين الموضوع بسيط بس بيخوف وانا دايما بحب اكلمكم باللغة العامية لان مواضيعى عاوزاها توصل لكل الناس المثقف والغير مثقف على الأقل المثقفين والمتعلمين يقدروا يدوروا ويلاقوا اللى بيدورا عليه لكن الغالبية بيبقى نفسها حد يدلها أو يقولها تعمل ايه ومتلاقيش طبعا كلكم نفسكم تعرفوا انا هاتكلم عن ايه النهاردة

أنا هاتكلم عن تجربة يمكن تكون حقيقية ويمكن تكون خيال بس انا افضلها خيال عشان صحابها ميزعلوش منى

هى خيال بس ارجوا منكم تفهموها وطبقوها عشان نقدر نفهم بناتنا عاوزة ايه؟؟؟؟؟؟؟

الأم بتدورعلى بنتها فى الشقة عادة بتكون بتتفرج على التلفزيون هى حساسة ورقيقة وبتحب الأفلام الرومانسية

الأم بتندة عليها وتسمع صوتها جاى من غرفتها وهو كله دموع

الام : مالك ياحبيبة ماما

البنت: مافيش حاجة

الأم: والدموع دى كلها منين

البنت : ابدا مافيش ياماما

الأم: طول عمرنا متعودين ع الصراحة مع بعض ومبنخبيش حاجة عن بعض

البنت: ايوة بس أنتى بتخبى ياماما

الأم: انا؟

البنت: أيوة

الأم: ليه ياحبيبتى بس

البنت:أنا لما سألتك أنتى حبيتى قبل كدة مردتيش وهل كان فى حد فى حياتك قبل بابا حبيتيه ومتجوزتهوش مردتيش وعلى طول بتكلمينى عن البنت الأخلاق المؤدبه الى الكل بيحترمها عشان هى جد ومبتكلمش أولاد

ألا فى حدود الضرورة البنت اللى بتتكلمى عنها دى ياماما مش مودجودة البنت المؤدبة فى الزمن دة بيقولوا عليها معقدة واللى مبتكلمش مع الأولاد الا فى حدود الضرورة بنت لخمة ووحشة ومنبوذة وصحابها البنات بيتريقوا عليها عشان معندهاش بوى فريند ياماما انا وحشة مافيش حد بيقولى حتى صباح الخير نفسى أحب وتحب وأحس أنى بسمع كلام حلو وأن فى حد بيسأل عليه وبيحبنى أنا مش صغيرة أناعندى 15 سنة كل صحابى عندهم زمايل وصحاب وبيكلموهم أشمعنى أنا وفى منهم اللى قايل لمامته وفى اللى مخبى عنها وامهاتهم ميعرفوش عنهم حاجة وصحابنا 13،14،لحد 18سنة ليهم صحابهم وبيخرجوا ويتفسحوا معاهم أشمعنى أنا

أنتى نفسك ياماما كان ليكى زمايل وأصدقاء مش ليكى اصدقاء فى الشغل وبيتكلميهم وبيتصلوا بيكى

ليه مكلمش صحابى ع النت للصبح ليه مديش نمرة تليفونى لحد ليه كل حاجة عيب

ليه ملبسش اللى نفسى فيه ماهم بالتلفزيون لابسين البادى والجينز والميكاب كله تمام

ليه بتخنقونا وانتم زمان كان نفسكم فى اللى احنا عاوزينه أنا زهقت ياماما

كل حاجة عيب وحرام طيب مانا ممكن أعمل كل اللى أنا عاوزاة بدون ماتعرفى وكتير امهات ماتعرفش عن بناتهم حاجة وعادى

ليه كل ماحب اتكلم معاكى فى أى موضوع مالكيش رغبة فيه تزعقى وتشخطى؟

ليه كل ماحب أقعد معاكى تتاوبى وتبقى عاوزة تنامى ومرهقة من الشغل والبيت؟

وليه دايما مبتضحكيش ووشك مكشر ومضايقة وزهقانة ولما أسألك مالك ياماما تقولى مافيش؟

ليه فاكرة على طول انى مبفهمش وانك لو كلمتينى مش هاعرف اسمعك

وأن صحباتك الستات هايفهموكى اكتر منى؟

وليه مع كل مشكلة على طول تتصلى بيهم وتكلميهم وتشكى وتحكى ويتردد جوايا صوتك لو كلمتك

مش هاتفهمى حاجة مع انى سامعة المكالمة وفاهمة كل كلامكم فيها؟

ليه دايما بتقولى عليه صغيرة ولما أكبر هافهم كل حاجة؟

ليه سهل أما أنرفزك تحدفينى بحاجة أو تهزأينى؟

ليه دايما أما تتخانقى مع بابا أحس انك بتكرهينا وتطلعى ضيقتك عليناوتبكى وتلعنى اليوم الى أتجوزتى فيه وخلفتينا فيه؟
وليه اما تكونى مبسوطة أو سعيدة تمسكى التليفون وتكلمى صحابك وتضحكى وتهأهاى وبعد ماتقفلى التليفون تتبدلى معانا لوجه تانى؟

ماما أنا كبرت أرجوكى جاوبينى على أسئلتى

ماما من حقى أفهم كل اللى بيدور فى الحياة

ماما من حقى أحب واتحب حتى لو معرفتيش أو حتى لو ماقلتش للشخص اللى بحبه أنا بحبك

من حقى أحلم ويكون عندى فارس احلامى وأنام واحلم بيه

ماما من حقى أنا قشك وأختلف أو اتفق معاكى فى الأراء

ماما من حقى يكون لى أصحاب بنات حتى لو ماأعجبتيش بيهم

ماما من حقى أتكلم بالتليفون زيك ولمدة كبيرة بدون ماضيقينى وتقوليلى كفاية رغى

من حقى موبايلى يرن من غير ماتقوليلى مين؟؟

ماما أنتى بتبكى وبتضحكى فى نفس الوقت ليه الدموع ياماما ؟

الأم فى عقلها ماكنتش أعرف أنك كبرتى كدة؟

ماما أنا بحبك ومقدرش على زعلك

ماما انا سحبت كل الحقوق بتاعتى بس أبوس أيدك متبكيش

الأم :تبكى وتفكر أن عليها الرد على كل التساؤلات

نعم يجب عليها الرد

يجب الرد



والى لقاء بالرد

د.جيهان النمرسى



والله موفق الجميع مع تحياتى وأمنياتى بحياة هادئة آمنة
دكتورة جيهان النمرسى


للاستشارات النفسيه ارسل مشكلتك على البريد التالى



من مواضيعنا السابقة

*
***نصائح زواجية***
*
أطفالنا
*
!!!أليك أيها الرجل
*
أستشارات نفسية
*
الجزء الأول
*
الجزء الثانى
*
الجزء الثالث
*
الجزء الرابع
*
الجزء الخامس
*
الجزء السادس
*
الجزء السابع
*
الجزء الثامن
*
الجزء التاسع
*

تسلمين على طرحك المفيد

الصراحه بين الاباء وابنائهم ضروريه

خاصتا في زمانا هذا

الله يعطيك العافيه دكتورتنا الغاليه

تقبل مروري و احترامي لك

اميرة الحزينه

روعه يا الغلا
موضوع قيم
سلمت الايادي يارب

نتظر جديدك المميز بشوق
دمتي بخير

هلا وغلا
مشكووووورة جدا
والامهات اليوم بتحكى وتتكلم وتلرد على اسئلة اولادهم