توهـــــــــــــا ابتدت قصتـــــــــــــي ( من تأليفي)

08-06-08, 04:16 AM

توهـــــــــــــا ابتدت قصتـــــــــــــي

(ملاحظة: ترى هاي القصة ن الخيال .... يعني مالها أي صله بالواقع.... خخخخخخخ.... واذا ما عجبتكم قولو .... عشان ما اكمل في التأليف..... وسلامتكم)

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

القصة تبدأ عند بنت الثانوية العامة، أم ال 18 سنة، أسمها ســـــــــــارة، قمة في الجمال والدلال، بيضــــــه وشعرها أسود.... " تعرفون بعد البطله لازم اتكون حلوة خخخخخخ" ، بنت شاطرة ومجدة في الدراسة، يعني بالعامي دحيييييييييييييييحة مثل ما ينقال......

أمها وأبوها راضين عليها دوم " منو قدج ساروه تراهم دوم يدعولج بالخير والتوفيق"، لكن ظروفهم المادية ضعيفة وايد، وهم ميسوري الحال، فسارة حليلها تبذل كل جهدها عشان تنجح واتييب نسبه عالية وتدخل الجامعة، وبعدين تشتغل شغلانه ترفع راس أمها وأبوها، واتساعدهم في مصرف البيت، سارة عندها أخو اصغير اسمه محمد وعمره 4 سنوات .... ( العمر كله يا محمد)....

*** نبدأ يوم من يوميات سارة في المدرسة ويا شلتها ***

** الصـــــبح **

سارة: صباح الخير يا بنات الشلة الكرام.

ميثة ( واسم الشهرة ميثوه): سارو ويهد... انتي خليتي فيها كرام، وين دفتري الي للحين ما ردتيه ها؟؟؟ حشى ذليتني وهذا أنا الي عطيتج الدفتر.... لو دفترج ما ادري شو كنتي بتسوين، (للتوضيح: ترى سارة مستعيرة دفتر ميثوه مال الرياضيات لأنها كانت غايبة أسبوع ماخذه اجازة مرضية .... بسبت الجدري .... سلمات يا سارة)

مريم (واسم الشهرة مريوم، والبست الفريند لبطلتنا سارونه): هلا فديتج وصباح الورد والفل والياسمين وتوه ما نور المكان يا غناتي ترى لج وحشة فديتج.

وصدت مريوم صوب ميثوه عسب اترد عليها ( تراهم ديج ودياية خخخخخ): ميثوه بلاج انتي على البنت ما يسوى عليها خذت دفترج.

سارونة: تتثاوب

ميثوه: هلااااااااااااا والللللللللللله.... ونطق الحجر... دفترى هذا ياوخيتي واذكرج ترى الامتحانات نهاية الفصل قربت والصراحة هاي المرة عزمت انجح مليت من الرسوب

مريوم: عداااااال يالغشاشة .... ترى جي والا جذاك براشيمج وياج .... نجاحج في مخباج لو ما زختج المراقبه خخخخخخخخخ

ميثوه: هاي الي تباني اغسل شراعها وأعلقها في الساحة ( هدي ميثوه خخخخخخ)

مريوم: نعم نعم نعم... وجربي وشوفي منو يغسل شراع الثاني ويلعقه في الساحة وانا بنت امي وابوي.

ساره: بعد مرة تتثاوب ( ههههههههه يحليلج سارة ..... شكلج ما راقده عدل)

مريوم: أقول سارونه ما عليج من ميثوه ولا تزعلين منها، ترى ميثوه تعرفين سوالفها، بس قلبها ابيض.

سارة: عن شو تتكلمين!!!! وليش حتى الأزعل؟؟؟ أصلا شو السالفة؟؟؟

مريوم وميثوه صادين لويوه بعض ومندهشين .... وقالوا: هاااااااااااااااااااا؟؟!!

ميثوه: هدني عليها هاي.... احر ما عندي ابرد ما عندها

مريوم: يتهنى الي عم بتفكر فيه .... سرحان ابشو يا حلوووووو.

ميثوه طبعا اشوي وبقطع شعر راسها من قهرها على مريوم خخخخخخ يحليلج يا ميثوه محد حاس فيج.

ساروه: امس طلع عيوني حمود لين ما نام، وما صدقت حصلت لي فرصة انقل الدروس من دفتر ميثاني، فسهرت لين الساعة 3 بالليل طبعا وانا احاول افك شفرة ميثوه ( خخخخ تقصد خط ميثوه). بس تراكم وايد دروس اخذتو في هالاسبوع. ايوا ذكرت ميثوه اعطيج دفترج تراه وياي الحين الله يهديج ليش ما ذكرتيني، هاج الدفتر ومشكورة فديتج والسموحة على القصور.

ميثة: حبيبتي مسموحة، ( وفي خاطرها اتقول: وأنا شو كنت اقول من الصبح يالمغفيه)

مريوم: ههههههاااااااااااااااااااااااااااااااااااااااااااا ااي

ميثوه: ههههههههههههههه .... والله انج تحفة مريوم شو هاي الضحكة، جنج من سنه ما ضحكتي.

سارة:!!؟؟ ليش؟؟ (طبعا مستغربة ليش يضحكون.... وانا بكملها ويا مريوم وميتوه ضحك ههههههههههههه)

مريوم ويا ميثوه ( مع بعض): لأنج حمارة في الجيش... ( سكتو شوي ... وبعدين ضحكو) ههههههههههههههههههههههههه

*** خلنا انشوف شو قاعد يصير في الصف، وفي الحصة الأخيرة الي هي حصة الانجليزي***

مس رنا ( مدرسة انجليزي وهي مصرية): Hi girls

البنات:Hi miss

مس رنا: Girls; I would like to inform you all that this is the last weak tell the final exam and…

( المس وهي ترمس حمده ياسة اترمس ميثوه بصوت واطي ... تراهم يالسن عند بعض)

حمدوه: شو هاي لازم اتذكرنا بالأرف ولوعت الجبد.

ميثوه: اششششششششششش اششششششششش خلينا نسع شو اتقول

حمدوه: شو اتقول يعني غير انا نحن متأخرين في الدروس ولازم انخلص باقي الدروس قبل لا يخلص الاسبوع.

مس رنا:and we still late, so we should have to push ourself more on order to finish the remaining lessons.

(سمر من بنات الصف الشطار واتحب سارة وايد)

سمر: Ok miss, but why you don't delet some of those lessons.

مس رنا: Sorry I can't my dear. I wish if I could that would be much more better for me even.

( بنات الصف يتحرطمون.... كالعادة )

مس رنا: Silent please & lets finish what we started yesterday.

*** وبدأت مس رنا بالشرح (صج مدرسات خخخخخخ ) وخلصت 3 دروس في حصة وحدة... وسألت البنات اذا كان عندهم حصص احطياط .... عشان تاخذهم فيها .... والبنات قالو لا.... لان مدرسات الثانيات حجزو الحصص قبلها خخخخخخ ( حشى مب حصص .... غرف في فندق هاي)... مساكين ما يتهنون بالحصص هاي الا ومدرسة خذتهم .***

***خلصت الدراسة وبدأت الامتحانات، امتحان ورى امتحان يمر، تعرفون الثانوية العامة وامتحاناتها. والقلب يدق معالية من الخوف خخخخخ، والكل يترى موعد النتايج. ***

ياترى بنات الشلة كم بتكون نتايجكم؟؟؟ وانتي سارونه بترفعين راس امج وابوج والا ؟؟؟وهل بتفرحين قلوبهم؟؟؟ وان شاء الله بعد ما اتخلصين بتكملين دراستج والا ووين بتكملينها؟؟؟

(اتريوا البارت الياي وانا وياكم اتريا لووووووووووووول ( كيف جي انا الي الف .... سوري خاذاني الجو... بس قبل قولوا تبوني اكمل والا لا؟؟؟)