الصراحه هذي اول مشاركه لي في المنتدى واول مره اكتب قصه اتمنى انها تعجبكم .....
السلام عليكم كلمه او تحيه تنقال في كل مكان تبعث الطمأنينه والسلام في النفوس لكن يا ترى هل تكون هذه التحيه مصدر قصة حب وهل تكون هذه القصة مصدر بؤس لبعض شخصيات هذه القصة... في قصتنا هذي التحيه راح تكون مجرا اخر... القصه احداثها بين الكويت و البحرين
.................................................. ..................................
(بيت مريم)
مريم :بنت عمرها 18 حبوبه وهاديه و الشي اللي تبي تسويه لو تضحي بعمرها شخصيتها قويه وتعرف ربها
ام مريم (ساره):مره حبوبه وطيبه وعلى نياتها عندها بنتها مريم بالدنيا كلها بعد ما استشهد ابو مريم في الغزو ضحت بحياتها بتربيتها وعايشه عند اهل زوجها راشد و هي من البحرين متزوجه ولد خالتها من الكويت
ام راشد :مره طيبه حيل وتحب بنت اختها وتحب مريم وتساعد ام مريم في تربيتها
ابو راشد: انسان حبوب وطيب بس شوي عصبي وما يرضا على مريم شي وهي تحبه وهي الوحيده اللي تقدر تراضيه اذا عصب
(بيت ابواحمد)
سعد:عمره 21 ولد صايع ساقط في الثانويه العامه سنه بعدها نجح يدرس في جامعة الكويت كلية علوم اداريه سنه ثانيه ما في بنت بالكليه ما شافته وانعجبت فيه حلو و مزيون
منيره: عمرها 19 تدرس في كلية الاداب تخصص انجليزي بنت خجوله و خوافه و ما تعرف شي اسمه جذب تخاف من كل شي و رقيقه درجه مو طبيعيه وينقص عليها بكلمتين
ابو احمد : رجال مقتدر و عنده شركات واعمال تترس الديره
ام احمد: مره اجتماعيه وطيبه ومن تقعد بمكان الا كونت صداقات
احمد:29 متزوج وعنده بنت غلا 5سنين وولد مبارك 9شهور
مها :مرت احمد انسانه حبوبه وطيبه و متزوجها احمد عن قصة حب هي كانت بنت الجيران وشافها وحبها وتزوجها منيره تعتبرها مثل اختها وكل اسرارها عندها
(بيت ابو خالد)
ابو خالد :اخو ابو احمد و شريكه في الشغل انسان عصبي في الشغل لكن في البيت ما في احن منه
ام خالد :انسانه طيبه و حبوبه ورفيجة ام مريم وجيرانهم
نور : عمرها 18 وطيبه ورفيجة مريم الروح بالروح
خالد :20 يدرس في جامعة الكويت كليه العلوم الاداريه مع ولد عمه محمد بس هو عكسه تماما صج الله خلق وفرق هو احلى من سعد بس انسان اخلاق ويحب بنت عمه منيره وهم شبه مخطوبين لبعض
(ابو محمد )
ابو محمد : خال مريم من البحرين انسان طيب بس بنفس الوقت عصبي ومحد يقدر يكسر له كلمه
محمد : عمره 19 ولد مغرور والشي اللي يبيه يجيبه
دانه:عمرها 19 واخت محمد التوأم بنت حبوبه وطيبه وكل اللي يشوفها يحبها من اخلاقها وهي عكس اخوها تماما
ام محمد :مره مدلعة ولدها لاخر درجة وكل اللي يبيه اهي تسويه له لو تدري انه غلط
هنادي : عمرها 22 متزجه وعندها ولد سمته راشد لاسم ابو مريم لانه هي كانت تحبه نفس ابوها ولانه طيب عمره 5 شهور
خليفه :زوج هنادي رجال و النعم فيه طيب وكريم وعنده خير ويحب هنادي
.................................................. .........................................
الجزء الاول
في بيت ابو راشد
الغرفه ظلمة و الباب مسكر و الكمبيوتر مفتوح ومريم السواد تحت عيونها مبين عليها التعب و السهر
ونايمه
الساعة 8:30 الصبح ام مريم تشوف بنتها جذي و هي تعبانه اخذت الغطا وغطت بنتها عن برد المكيف وهي تبي تطلع تلفون مريم يرن ردت ام مريم الا هي نور
ام مريم : الو
نور وهي فرحانه: الووو .. هلا خاله شلونج ؟؟ ابشرج ابشرج
ام مريم و هي تبي تعرف شسالفة : خير ان شاء الله ؟؟؟
نور : ابشرج انا ومريووم نجحنا
ام مريم و هي عيونها تدمع: صج و الله كلوووولوووش
طبعا مريم اللي نايمه صحت من صوت امها وهي تشوف امها تبجي وماسكه التلفون
مريم : يمه شصاير؟؟؟؟ شفيج تبجين ومنو هذي اللي اللي تكلمينها
ام مريم وهي ما تقدر تتكلم تاشر على التلفون عشان تاخذه مريم
مريم و هي ما خذه التلفون : الوووو منووو
نور:انا نوور شفيج مريوم
مريم وهي خايفه :هلا نور شصاير ؟؟
نور : ابشرج حنا نجحنا
مريم وهي الدنيا مو شايلتها من الفرحه : صج قولي و الله
نور : و الله العظيم انا 85.3 و انت 88.7 شعليج يا الخاينه انت اعلى مني هههه
مريم :. صج والله الف مبروك علينا و الله ابشارتج هذي اغلى شي عندي
نوور : أي والله الف مبروك علينا المهم خلصنا الثانويه وافتكينا
ام مريم اشرت لبنتها عشان تعطيها التلفون :اقوول نور انا و الله نسيت لابارك لج السموحة يا بنيتي
نور: لا و الله يا خالتي و الله اني عاذرتج وهذي امي عندي بعد تبي تبارك لج
ام خالد: الوو هلا و الله الف مبرووك نجاح بناتنا يا ام مريم
ام مريم وهي فرحانه : الله يبارك فيج أي و الله الف مبروك علينا عقبال تخرجهم من الجامعه ان شاء الله
ام خالد : اميين و اشوفهم عرايس ان شاء الله
طبعا الملقوفة نور وراها بصوت عالي تقول: اميييييييييييييييييييين
ام مريم: يلا يا ام خالد انا لا زم اروح اللحين و ان شاء الله الغداعندنا اليوم ( هم كانو متعودين كل جمعة يتغدون عند بعض عاده قديمه يعني عندهم)
ام خالد : لا و الله اليوم انا ما اقدر لازم اروح لبيت ابو احمد حماي عنده عزيمه والله
ام مريم : انشاء الله اجل اليوم لازم نعشي البنات في احد هالمطاعم
ام خالد: ان شاء الله
في الفتره اللي ام مريم تكلم ام خالد.. مريم راحت تبشر جدها و جدتها
وهم كانوا فرحانين درجه مو طبيعيه لنجاحها و العجوز تقصد عشانها وترقص ومريم ترقص معاها
وام مريم نزلت من الدرج وهي تضحك على هالمنظر وهي تتذكر لو ابو مريم اليوم معاهم و تنزل من عيونها دموع و تشوفها مريم وعرفت سبب هالدموع .. مريم اللي عمرها ما شافت ابوها لان امها كانت حامل فيها لما استشهد كان ودها لو يوم واحد تشوفه لكن ابو راشد و ام راشد ما قصروا معاها ولا حسسوها بفقدان ابوها بس امها ودموعها اهي اللي تحسسها بفقدانه
مريم وهي تقرب من امها: يما شفيج؟؟
ام مريم : ما فيني شي هذي دموع الفرح يا بنيتي
مريم : يما امانه و لو كانت دموع شنو ينقالها دموع يما لو تحبيني لا تبجين
ابو راشد : بسج يا ساره لا تخربين على البنت فرحتها
ام راشد وهي تحس باحساسها بفقدان ولدها و زوج ساره: ساره يما بسج وتضمها
ساره سكتت و طالعت بنتها بنظره كلها حب شوق لانها تحظنها وهي ماده ايدها عشان مريم تحظنها :بنتي كبرت يا ناس والله كبرت و رفعت راسي
مريم و هي تحظن امها: نذر علي يا يما اني ما راح في يوم اوطي راسج قدام الناس و اخليهم يقولون ساره وراشد(وهي تبجي) جابو بنت عن عشرة رجال
وهي مخلصة كلمتها هذي رن تلفون البيت
ام مريم رفعت بنتها من على صدرها و قامت تشيل التلفون
ام مريم : الوو
ام محمد: الوو هلا و الله بساره شلونج؟
ام مريم:هلا و الله بام محمد شلونج يا وخيتي شعلومج؟
ام محمد: والله علومنا تسرج انت شعلومج شعلوم مريووم ها طلعت نتيجتها؟؟
ام مريم : أي و الله وابشرج ناجحه و نسبتها 88.7
ام محمد: الف مبرووك كلووولوووش
ابو محمد وهو مار يسمع زوجته تلولش جاها و هو ياشر بيده :شصاير؟؟
ام محمد: ابشرك يا بو محمد مريووم نجحت
ابو محمد وهو يسحب التلفون من يد زوجته: الف الف مبرووك يا ساره الف مبروك والله مريم نفس بنتي و الله اني فرحت لها
ام مريم : الله يبارك فيك يا خوي
ابو محمد:اقول يا ساره هي عندج اللحين؟؟
ام مريم: أي لحظه
مريم وهي خاطفه التلفون:الووو
ابو محمد: الوو الف مبروك يا بنيتي و لو اني زعلان عليج ( هو يحب يلعب مع البنات و يجاكرهم)
مريم : افا و الله يا خالي تزعل علي انا ليش
ابو محمد : اعرف نتيجتج من الغريب (و هو يوطي صوته) من ام محمد
مريم و هي عرفت شنو يقصد خالها انه ام محمد عنده ويبي يتناجر معاها: هههههههههههههههههههه و الله خالتي ام محمد ما هي غريبه
ام محمد : ساحبه التلفون : اقول عطني عاد خلني ابارك للبنت
الوو الف مبروك يا بنيتي على النجاح
مريوم : الله يبارك فيج خالتي الا دانوو وين؟؟
ام محمد : دانه اللحين نايمه الحين اقعدها عشانج
مريم : لا و الله يا خالتي خليها على راحتها
ام محمد: خلاص يا بنيتي عطيني جدتج و جدج ابي ابارك لهم
مريم : ان شاء الله
وباركت ام محمد لهم وسكرت التلفون وراحت مريم لغرقتها وهي قاعده على السرير يدق تلفونها.... شطالعت التلفون مكتوب دانه يتصل بك
مريم : الوو ... هلا و الله بالنايمه
دانه : هلا فيج الف مبرووك والله فرحت لج اسمحيلي و الله امس ما قدرت اشبك معاج على الماسنجر لان هنادي وولدها المزعجين عندي
مريم: الله يبارك فيج معنه عذر اقبح من ذنب
دانه: وشلوون يعني؟؟؟؟؟؟؟
مريم: هنادي وولدها اصلا ما منهم ازعاج حصلج رشووود ينام عندج
دانه صوت تلفوها عالي وهنادي كانت عندها وتسمع كل شي سحبت التلفون من يد دانه
هنادي: فديييييييييييييييييييييييييتج يا مريوووم والله مو دانووه الف مبرووك يا قلبي كلولووووولوووش
هني ولدها قعد من الصوت
هنادي: اقوول يالله الشيخ راشد قام ويبحي انا بروح تحت عند امي وخذي راحتج انت ودانه يالله باااي
مريم : يالله يا قلبي بايااات
وتكمل مريم السوالف مع دانه و الضحك
.................................................. ....
في بيت احمد
ام احمد قاعده تتكلم في التلفون وعندها مها و سعد قاعد يلعب مع ولدها مبارك ومنيره تاكل غلا
سعد : هذا (وهو ياشر على مبارك) ابوه وينه؟؟
مها وهي تضحك: ابوه راح الشغل مع ابوك اليوم عندهم جرد ما ادري شنو ولازم يروحون مبجر
منيره: الله يعينهم و يواجرهم
سعد زهو يبي ينرفز مها: وانت شنو شغلتج قاعده على هالصبح
مها: لا و الله يا سعد اصلا انا مثال للمرأة السنعة قاعده اهتم واربي اطفالي اجل نفسك ساقط في الجامعة واهلك مو دارين عنك
سعد: ولييييه هذي ما تقضب لسانها .... ويلف صوب اخته :كلع منج انت اللي قايله لها
منيره وهي شوي تبجي : انا شدخلني و الله ما قلت لها شي
مها: ما عليج منه هو بس يتحرش و الله ودي اعرف انت من الصبح لي الليل في الكليه شتسوي
سعد : و الله انت مالج شغل فيني انتي ربي اطفالج على قولتج ومالج شغل في احد
ام احمد: لا حووووول الله انا من اخليكم دقيقه الاقيكم متهاوشين
سعد: و الله مو مني من هالبنات اللي ما يخلون واحد مزيون نفسي يتريق
ام احمد: و اخيرا شفناك يا المزيون وينك من امس وتوك راد؟؟
سعد: يما حياتي وهو يحب راسها انا كنت عند رفيجي وخذتنا السوالف
ام احمد: الله يهداك يا وليدي عند رفيجك ليه هالحزه الناس شتقول ؟؟
مها: الله يهداك شنو هالسالفة اللي ما تخلص الا الساعه 9 الصبح
منيره: سالفة هنديه هذي
سعد وهو يتمصخر:ههههههههههه اضحكو منور قطت نكته
مها وهي تقطع السالفة : منو على التلفون خالتي؟؟؟
ام احمد: هذي ام خالد تقول انه بنتها نوور نجحت
مها و منيره:صج الف مبروك
منيره:و الله انها تستاهل اليوم العصر ان شاء الله راح نروح نباركلهم
ام احمد: منوور الله يهداج البنت اكيد تبي تجي اليوم عندنا نسيتي اليوم الجمعة وابوج عازم عمج عندنا
منيره: يوووه والله نسيت
سعد : يالله يما انا بروح انام
مها: وين وين في احد ينام الحزه هذي انت ما تسمع امك اليوم عندنا الغدا
سعد: الغدا مو الريوق بنام ساعتين وبقوم اوكي
منيره: هذا وجهي لا نمت
سعد وهو يطالعها بنظرات : اقول اسكتي احسن لج زين
صعد سعد لغرفته
ومهاوي فيها فضول تبي تعرف شسالفه بين منور و اخوها
مها: منوور شسالفه ؟؟؟
منيره: اقولج بس توعديني ما تقولين لاحد
مها: افا عليج انا كاتمت اسرارج قولي
منوور: السالفه وما فيها انه في وحده بالجامعة جتني وقالتلي ان سعد يكلمها وورتني رقمه و يوم قلتله قالي انت مالج شغل واذا درى احد بهالشي ما تلومين الا نفسج... و الله اني اقولج وانا خايفه انه يدري
مها: ما عليج انا وعدتج .... الله يصلحه هالسعد
منيره: والله ما تدرين شكثر ارتحت لما فضفضتلج
مها : افا عليج انا نفس اختج
منيره : أي والله انت نفس اختي و لو عندي اخت ما راح تجي معزتج
مها : تسلمين و الله
منيره:الله يسلمج ... يوووه نسينا نوور الحين تبي تزعل
مها : دقي عليها بسرعة
منوور :الو هلا نور
نور: الوو منو هزي نور ما في احد هني نيم نور
منيره وهي خافه : الو ام سوري انا يغلط
نوور:ههههههههههههههههههههههههه والله انت من صوتج تبين تبجين
منوور: يا الخايسه خرعتيني
نور: تستاهلين توقعتج اول وحده تباركين لي يا الخاينه
منور: اسفه يا قلبي تعرفين مهاوي وسوالفها تنسي الواحد اسمه
نوور : يا حليلها
منور: كاهي عندي تبي تباركلج
نور: اوكي
مها: الوو هلا بالناجحه ع البركة
نور: هلا فيج يا قلبي الله يبارك فيج عقبال غلاوي و برووك
مها: الله يسمع منج عقبال زواجج انت ومنوور
نور: اميييين و لا تنسين مريووم معانا
مها : أي والله يا حليها شصار معاها
نور: الحمدلله نجحت
مها : امانه باركي لها و سلمي عليها
نور : ان شاء الله
مها : نووور أنت تجين اليوم عندنا عل الغدا اوكي
نور : اكيد يا قلبي وين منوره ابيها بسالفه
مها :اوكي يا قلبي باي منيره معاج
نور :هلا منور ما سألتي شصار معاي
منيره و هي خايفه : أقول شفري لا يسمعنا أحد الحين و وننفضح هههههه
نور :ههههه يا الخوافه أقول الولد صدق السالفه و يبي يشوفني ما يدري انه راح اجي بيته اليوم ههههههه
منور : الله يخليج لا تقطين نغزات عليه كافي اللي سواه فيني اليوم
نور :أنت ليش تخافين منه الحين المفروض هو اللي يخاف منج يا الهبله
منيره : و الله أنت ما تعرفين سعد إذا عصب و الله ما يعرف منو جدامه
نور :ويه و الله خابينه في هالسعد هذا .... أقول أقول أنا طالعه الحين ابي اروح حق مريم اتريق معاها و الله ما اكلت شي من الصبح وابي اروح عندها تبين شي الحين راح اشوفج ع الغدا اوكي
منيره : اوكيك باي
...................
في بيت أبو محمد
محمد توه قاعد من النوم و ماله خلق أحد
يطالع أخته بنص عين :أقول أنتي وين أمي ؟
دانه :و عليكم السلام اخوي شلونك ؟؟
محمد :الحمدلله بخير وين أمي
ينادي يما ... و محد يرد
دانه: لا تعب نفسك أمي مو هنيه طالعه
محمد :هذا وقته اللحين تطلع وين طالعه ؟
دانه :طالعه مع ابوك يشترون هديه حق مريم
محمد من سمع اسم مريم استانس :ليش شفيها مريم ؟
دانه :ناجحه من الثانويه
محمد :اوكي اهي مطوله؟
دانه:ما ادري...
هنادي وهي طالعة من المطبخ : اهلين حمود شلونك ؟
محمد: هاا هنادي وولدها عندنا اليوم
هنادي : صح النوم انا من امس وانا هني انت اللي وينك من زمان ما شفناك
محمد و هو يمسك ولد اخته ويلعب معاه : و الله موجود بس تعلافين االمعهد و اشغاله
هنادي : و الله المعهد ما خلاك عن السوالف البطاليه اللي انت فيها
محمد وهو معصب : اقول اخذي ولدتج وانا بروح لغرفتي اكمل نومي واذا جت امي خليها تجيني
هنادي: ما تشوف شر
محمد في الغرفة: انا ليش جذي ليش اسلوبي صاير مو حلو مع الناس حتى مع اقرب الناس لي ((محمد انسلن حنون بس دلع امه له خلاه يصير جذي واصحاب السوء اللي مرافقهم )).... انا ليش لما اسمع اسم مريم يتغير كل شي فيني اه يا مريم لو تدرين انا شكثر احبج
.................................................. ........
في الكويت وبالتحديد بيت ابو راشد :
مريم قاعده تشرب عصير مع نور وقاعدين يسولفون
مريم: انت ليش متغيره هالايام
نوور: هااه لا متغيره و لا شي ليش؟؟؟
مريم : حاسه انج مخبيه شي علي
نور : يا حياتي يا مريم صج انج تقدرين تقرين افكاري
مريم : شصاير؟؟؟؟
نور : انا بصراحه
يا ترى شنو الشي اللي نور مخبيته عن مريم هذا اللي راح تشوفونه في الجزء الثاني ان شاء الله [/color][/size]
الإهداءات
07-12-08, 01:01 AM
سلام العشاق
رد: سلام العشاق
...