الفصل الأول
الجزء الثاني

في الصباح ع الفطور ....عبد الرحمن/وين ندى ليه ماناديتوها ..نجاة/ خلها تنام طول الليل مانامت وبعدين عندنا عزيمه اليوم عشانتسمر مع البنات ..ديمه/مانامت وهي ماقدرت تفتح عينها من النوم على قولتها .. نجاة/ والله ماأدري رحت لها الساعه ثلاثه الصبح حسيت انها لسه مانامت ..طلال/ يمكن كان معاها نوم بس المكان تغير عليها وماعرغت تنام
عمر/ لا والا يمكن تبغى امها.. طالعوا كلهم في عمر مصدومين من اللي قاله مع انهم عارفين ان ندى اكيد مانامت لأنها تبغى اهلها ..
نجاة بعصبيه/ انا امها ..عمر/ كيف..سكته فراس /خلاص كمل صحنك ..ديمه انا بروح اشوفها..نجاة /لا خليها ..ديمه/ بمر عليها إذا شفتها صاحيه قلت لها تجي وإذانايمه ماراح اكلمها ...وقامت
عبد الرحمن/ ناقصكم شي ..نجاة/ لا..انا كلمت المحل وحجزت فطائر ومعمول وشوي حلويات ..بس اهم شي العشاء ..عبد الرحمن/ لا تشيلين همه ..انا كمان وضبت اموري ..فراس/ ليه هذا كله احسكم مزودينها ..طلال /المشكله ماراح يجي الا اعمامي .. نجاة/ احنا سوينا هذا كله عشان ندى تعرف قد ايش هي غاليه علينا.. فراس/ وليتها تقدر ..طلال/ يالله انت ليه متشائم لهالدرجه ..مع ان البنت باين عليها حبوبه ..فراس / استنى عليها شوي وتكشر عن انيابها
عبد الرحمن/ الله يصلحك ..تفألوا بالخير تجدوه ..وبعدين احنا قابلنا الناس اللي كانت عندهم وماشاء الله عليهم ونعم..
***********************
ديمه/ منارتي ..غرغتي ملعوزه مري عليها ..منارتي/ اوكي ماما .. دخلت على ندى اللي سريرها ملعوز بالورق ../متى صحيتي فكرناك نايمه..ندى/ لا صاحيه من الساعه ثمانيه ..ديمه/هههههههه ماشاء الله ذكرتيني بجدتي ...تصحون كذا في الطائف..ندى بأبتسامه/ لا مسكينه أمي تتعب وهي تصحينا ولا نقوم لها الا الظهر ..ديمه/ يبغالنا جلسه طويله تحكيني عن حياتك في الطايف والحين ياله تعالي نفطر اكيد جوعانه..ندى *أي يابطني أي والله جوعانه ماني متعوده اقعد هالوقت كله ماأكلت ..بس ماأبغى انزل*/لا مو مشتهيه روحي انتي ..ديمه/ اقول قدامي بلا دلع بنات ..أمي صحيه مره والوجبات الثلاث الرئيسيه ياويل اللي يتأخر عنها ..يللا قدامي ..ندى/ طيب بس استني لحد ماأغير البيجامه .. ديمه/ طيب لا تتأخرين ..اخذت معها ملابسها ودخلت تغير في الحمام
ديمه استغلت غياب ندى عشان تشوف الأوراق المنثوره على سريرها وش مكتوب ..أحذت ورقه وقرت

أهاتى دموعى صرخاتى
ماذا أقول لقلب قد أنكسر
ولروح أصبحت تعيش في الغربة
تصارع أمواج اليأس
دون جدوى
تمارس لعبة التحديق بعين الأمل
والركض خلف ظلال الشمس
تكتم آهات ودموع خلف إبتسامة زائفة
ترسمها على ملامح قد قتلها الحزن
ليتني أستطيع أن أتنفس من خلال الآه
لكتبت عن الليل الذي أقضيه وحدي
ولنا التوي ألما وابكي وجعاً
ولا يسمع صدى أنيني الا جدران الزمن الراحل
وظلام الليل الذي يلفني بأحضانه
وأنابين الحين والحين أشعربأنياب تنهش نبضي
ويد تحمل فأساً تهدمني
ويد أخرى تحاول أن تبنيني
ماذاعساني أن أكتب
أنا موجوعٌة حد الألم حد النزف
أمالي أفراحي تعبر مثل الغيم
ومع الفجر الطالع تتلاشى
أحيا بين حطام نفسي
ورماد يأسي وأتفتت من جديد
أتكرر حتى الظلمة
كالطفل الذي تاه في زحمة المارين
يبحث عن طيف والديه
يسمع أصواتهم من بعيد فيهيم بالبكاء
ولا أحد يعير له أهتماماً
ولا أحد يحس به وبمدى الرعب الذي يشعر ه بداخله
كلما حاولت أن أعيد ذاكرتي أغرق بموج النسيان
لا أظن أن تتلاحم أجزائي
ولا أعتقد أن تتجمع أشلائي
تركت بعضي هنا مودعاً
وفي نفسي تصرخ أحلامي
تبكي خيبة أيامي
كالعصفور الذي تجمد في الريح
يتعثر ويسقط ويموت
لا أستطيع التحلق من جديد
كل ما بداخلي قد تحطم وانكسر
وتلاشي وأنتهى حتى أنتهيت
********************
خرجت ندى من الحمام وهي مبتسمه/ يللا نمشي انا جاهزه ..طالعت ديمه اللي كانت تطالعها بنظرات ما فهمت معناها وانتبهت ع الورقه اللي بيدها ..قربت منها وأخذتها وجمعت الأوراق الباقيه..وكملت/ لا تهتمي .. كنت اتسلى ..ديمه/ طيب ليه ماكتبتي شي مفرح ..ندى/ أنتي ماقريتي الأوراق الباقيه يمكن فيها شي مفرح ..ديمه/ لا انا عارفه انها نفس المعنى ..ندى/ يللا جوعانه ابغى افطر ..ديمه/ ندى.. أنتي ماشفتي أمي وأبويه اش سوى لما عرفوا بوجودك كأنهم بشروا بالجنه وفرحوا فرح مو طبيعي فوق ما تتصورين ..ندى/ طيب ليه تقولي لي كذا.. ديمه/ انا حاسه باللي انتي فيه واعرف انه شي صعب ..بس كمان لازم ماتلومين أهلي ع اللي صار لك ..لأنك مو عارفه ظروفهم ذاك الوقت و..قاطعتها ندى/ ديمه خلاص يللا ننزل ..ديمه/ ندى ابغى اطلب منك طلب ماراح اقول عشان خاطري لإني عارفه انك ماتحملين أي مشاعر تجاهي لا كره ولا محبه ..ندى بنفاذ صبر/ قولي..ديمه/ تكفين لا تجرحين امي ..ولاتكسرين فرحتها بك ..ندى*تحسبيني هبله قال ايش فرحانه فيني لو فرحانه كان مارمتني */احاول ..ديمه/ ريحتيني ..يللا ننزل .بادلتها ندى الأبتسامه ونزلوا
**********************
في بيت ابو ياسر ....نوره/ عيشه روحي صحي البنات ..عيشه/ مادامسهر مافي نوم وماما سمر في صياح علي انا تقول روه برى ..
راشد/ خلي البنات ينامون.. وش تبغين فيهم ..نوره/ ابغى سمر تقوم تذاكر ..والله لو جابت نسبه زي وجهها لأوريها ..راشد/ لا تخافين على سمر.. شطوره ماشاء الله عليها ..نوره / بنشوف ..راشد/ إلا متى تبغون تروحون اليوم ..نوره/ تقريباً المغرب ..راشد/ كان تتقدمون عشان تساعدونها ..نوره/ مايبغون مساعده ..ماشاء الله على نجاة ..من يوم طلع الحكم لصالحهم وهي مستعده لهذا اليوم ..وما ندري وش تطلع هالبنت ..راشد/ انشاء الله يكون فيها خير بس عاد لازم تتعبهم في البدايه لين تتعود عليهم
**********************
ندى/ صباح الخير.. الكل/ صباح النور ..اول ماجلست جت عينها على فراس *أي بطني يمغصني لو ادري ان هذا الدب فيه كان مانزلت *.. نجاة/ صحيتيها ..ديمه/ لا والله جيت وهي صاحيه تقول انها صحيت من الساعه ثمانيه ..نجاة/ ليه يمه لا يكون ما أرتحتي .. ندى/ لا الحمد لله بس خلاص شبعت نوم ..عبدالرحمن/ سمي حبيبتي.. طلال ناولها خبز ..وانا بروح الشركه وانت ياويلك تتأخر ترى وراك شغل وش كثره .. طلال/ الله يعينني ..المفروض تعطيني اجازه اليوم ..عبد الرحمن/ تحلم ..قم بس ..وكمل/ مع السلامه..نجاة/ في حفظ الله ..عمر/ ماما اعطيني خبز ..نجاة ناولة عمر الخبز /الا ياندى تجهزي اليوم مسوين عزيمه عشان تتعرفين على قرايبك ويتعرفون عليك ..هزة ندى راسها بالإيجاب
نجاة/ اجل انا بكلم الكوفيره عشان تجي ..ندى/ لا ماله داعي الكوفيره ..نجاة/ لا والله لازم اول مره يشوفونك ..ندى/ انا ماأبغى .. ديمه /خليها تجي تسوي لك استشوار ومكياج خفيف يعني حق عزيمه بسيطه ..ندى وقفت/ تبغونها لكم كيفكم بس انا ماراح اخليها تسوي فين شي ..طلال /خلاص يمه ندى معاها حق مالها داعي ..وبعدين ندى حلوه كذا ماله داعي تشوهونها بالألوان ..ام طلال بكسرة خاطر /طيب بس اجلسي كملي اكلك .. ندى/ لا خلاص شبعت ..طلال / اقول اجلسي بلا شبعت شايفتنا بزارين عندك .. يللا خلصي خبزك بعدين قومي ..ندىابتسمت وجلست .. وقف فراس اللي ماتكلم من وقت ماجلست ندى/ انا رايح المستشفى ..تامرين شي يمه .. نجاة/ لا بس خلص شغلك وتعال وياويلك تاخذ مناوبه في الليل .. فراس/ لا اكيد راح احضر العشاء ..طلال / وانا جاي معك ..نجاة/ الله يحفظكم
********************
في بيت أحمد في الطائف....عبد الله/يمه عندي خبر..مدري يعجبك وإلا لا ..منيره/قول عساه خير..عبد الله /صراحه أنا ترقيت لمنصب أعلى من أللي أنا فيه..منيره بفرح/مبروك هذا خبر زين يعطيك خيره ويكفيك شره..عبد الله بتردد/ بس ..منيره/بس أيش ترى مافيني للأخبار الشينه..عبد الله/صراحه نقلوني كمان..منيره/ وين عسى مو بعيد..عبد الله/ اممم الرياض..منيره بعصبيه/ أيش.. والله ماتروحها أنت فاهم ..الله لايعيده منصب مانبغاه رده لهم ..عبد الله/ يمه أسمعيني ..منيره/ ماأبغى أسمع شي يكفي أختك راحت تبغى تروح أنت كمان ..أنا ماني موافقه..عبد الله/ أنا وافقت عشان ندى ..هم خيروني بين الرياض والشرقيه وأنا أختر ت الرياض..منيره/ قلت لا يعني لا..عبدالله /يمه أنتي عارفه أنه صعب على أني كل يوم أروح من الطائف إلى مكه وأنا صبرت عشانكم..وصراحه أنا لو ما جاء هذا النقل كنت راح أخذ شقه في مكه..منيره/ ماهي مشكله تاخذ شقه ..مكه قريبه..عبد الله/ يمه الله يسعدك ..أول شي القرار صدر خلاص وثاني شي ندى هناك لوحدها محتاجه أن واحد منا يكون قريب منها وأوعدك أني أكلمك كل يوم
جنى/ الهام الحقي عبد الله بينقل الرياض..الهام/ قولي والله ..تعالي خلينا نشوف..منيره/ عبد الله لا تحاول أنا قلت لا..راح أخوك عبد الرحمن من قبل والحين ندى وتبغى تروح أنت كمان وجلست تصيح ..جلس عبدالله عند رجولها/ عبد الرحمن الله يرحمه محتاج دعواتك بس ..وندى أنشاء الله تكون مبسوطه هناك..وأنا في كل إجازه أكيد راح أجي..الهام/ أمي لا تزعلين نفسك هذي حال الدنيا خليه يشوف مستقبله
منيره/ أبوك يدري ..عبد الله/ القرار نزل من أول الأسبوع وقلت له من يومها ..منيره/ وافق..عبد الله/ صراحه فرح لأني بروح لندى ..هاه وش قلتي ..منيره/ متى بتروح ..عبد الله /أذا وافقتي الأسبوع الجاي عندي أجازه
بروح أدور شقه هناك والأسبوع اللي بعده بداوم..منيره/ سوي اللي يريحك ..وأنا الله يعينني..عبد الله /الله لايحرمني منك ياأحلى أم في الدنيا
**************************
الساعه 2 في الظهر في بيت أبو تركي ...شذا/ تكفين يمه خلينا نروح بعد العصر مباشره..مريم/ شذا أنا قلت لا ولا عاد أسمع صوتك ..شذا/ خلينا نروح نساعدهم..مريم /صادقه تساعدينهم ..إلا ترجينهم ..وبعدين أنا كلمت خالتك نجاة وقالت أنها ماتحتاج مساعده لأنهم مخلصين ..شذا بيأس/ يا الله ..الجده/ خلاص روحي عن امك وتجهزي من ألحين لأنك ما بتخلصين إلا مغرب..قامت شذا وهي تسب وتشتم في نفسها ..الجده/ أقول أنقلعي ..صدق ماعاد في بنات
وكملت/ وش قالتلك نجاة يوم كلمتيها ..مريم/أبد طاير عقلها بهالبنت اللي يشوفها يقول ماخلفت غيرها..الجده/ والبنت..مريم/ والله مدري تقول ماعليها ..الجده/ ياالله الله يهنيهم
************************
ندى كانت ترتب أغراضها في الدولاب..دق عمر الباب ودخل /ممكن أدخل ..ندى/ ماشاء الله خلاص دخلت ..إلا قول أتقدم زياده
..تعال وش عندك..عمر/ صراحه أنا عندي سؤال وأبغاك تجاوبيني عليه ..ندى/ تفضل قول..عمر/ أنتي وين كنتي أنا سألت ماما وقالت أنت صغير وماراح تفهم ..وديمه كاالعاده قالت لي أنقلع عن وجهي ..أبتسمت ندى/ تعال أجلس..لما جلس كملت/ أنا كنت عند أمي وأبوي في الطائف..عمر بأستغراب/ أمك ..بس ماما تقول أنك بنتها وأنك أختي ..ندى/ طيب أنا عني أمين وحده ولدتني ووحده ربتني ..عمر/ طيب ليه ماما ما ربتك ..ندى/ ماأدري اللي أعرفه قلته لك..عمر/ يعني ماما ما كانت تحبك وودتك عند أمك الثانيه ..ندى/ لا مو كذا ..عمر/ طيب ليه توك جيتي ..ندى /عمر الله يصلحك لا تسأل خلاص ماأعرف شي ..طالعت فيه وقالت بمزحه/ شكلك ماتبغاني أكون أختك ..عمر/ لا والله أنا فرحان أنك أختي ..ندى/ طيب خلينا نغير السالفه..قلي أنت تدرس ..عمر/ أيوه أنا ثاني أبتدائي وأصدقائي فهد ووليد ..وبدا يحكي عن بطولا ته باالمدرسه
دخلت ديمه/ وش تسوين .. لما شافت عمر كملت/ عمر اللي يقرقر والله ماعاد يسكت ..عمر /يااللقافه ..أنا أسولف لندى أنت وش عليك..ديمه/ أسفه والله ماعليش أزعجنا سموك بس أمي تناديلك تحت.. عمر/طيب خلاص ياندى أنا بروح وأكملك بعدين..ندى طيب خلاص..ديمه/ أكيد يحكي لك عن بطولاته ..ندى / أوهو اللي يسمعه يقول عنتر بن شداد ..ديمه/ هههههههه
قامت ندى تكمل ترتيب ملابسها ..ديمه/ أش تسوين ..ندى /زي ماأنتي شايفه أرتب أغراضي في الدولاب..ديمه /خليها ع الشغاله..ندى/ لا خليني أتسلى فيها ..رفعت كم بلوزه وشافت صندوق كبير شوي ..وكانت تتأمله ونسيت ديمه اللي معاها*آه ياماجد وينك فيه حرام اللي تسويه فيني ليتك بس تحددلي موقفك بدل منت تاركني كذا والله حرام عليك *
ديمه/ ندى ..ندى ..ندى/ نعم ..ديمه/ وين رحتي ..ندى /لا معاك ..وأخذت الصندوق المليان بهدايا ماجد وحطته في زاويه بعيده شوي في الدولاب ..عشان تنساه شوي ..ديمه/ وش بتلبسين اليوم ..ندى/ والله مدري ..شوفي أنا عندي هنا طقمين ..طاعت لها طقمين ..الأول كان عباره عن تنوره طويله لونها أبيض مطرزه بورود سوداء منتشره بشكل أنيق وبلوزه بنفس اللونين بموديل رووعه..والثاني عباره عن تنوره قصيره لون بني محروق وله قصات من أطرافها حلوه مع بلوزه بيج حلقها وسيع وبأكمام طويله
..وكملت/ وألبس هذا البوت مع القصيره ...هاه وش رايك.. ديمه بتردد/ صراحه روعه الثنتين ..بس ..ندى / بس أيش ماتناسب العشا..ديمه/ لا مو قصدي بالعكس ..بس ..سكتت ندى أستنتها تكمل لما حستها مرتبكه قالت /يللا بس أيش ..إذا مو حلوين قولي والله ماأزعل ..ديمه/ لا والله حلوه وذوق بس أنا أقول ..سكتت شوي وكملت/ صراحه أمي شاريه لك فستان لهذي المناسبه ..أستني ..وطلعته لها ..شوفي والله يجنن ..تكفين ألبسيه ..ندى /ياالله أحسكم مكبرين السالفه ..هذا عشا عادي ماله داعي الفستان ..ديمه/ طيب هو فستان سهره بسيط..والله حلو..تكفين لا تكسرين في خاطر أمي..زفرت ندى /أفكر..بس لا عاد تقولين لي لاتكسرين بخاطر أمي ..تراك مزعجتني بها من الصبح ..ديمه /لأنك مو عارفه اش سوت أمي في الفتره من يوم عرفت أنك بنتها لحد ماجيتي وإلا ماكان لمتيني ..ندى/ خلاص لا تفتحين لي موضوع جديد ..ديمه/ يعني بتلبسينه..ندى/ قلت أفكر..ديمه/ لا قولي أيوه..ندى بنفاذ صبر/ خلاص بلبسه ..ضمتها ديمه من الفرحه / مشكوره ياأحلى أخت باالدنيا ..أكيد أمي بتفرح ..يللا عن أذنك أنا بروح أشوفها لو ناقصها شي ..لما طلعت ديمه ..طالعت ندى في الفستان /أوف الله يعينني
*************************
شذى كانت غرفتها ملعوزه بالملابس ..دخلت عليها أحلام /هيه انتي وش هالعوزه ..وش تسوين ..شذى /محتاره مدري وش البس ..أحلام/ حرام حزنتيني ماعندك ملابس ..شذى/ حلومه لا تستهبلين.. فككري معي وش البس ..بيأذن المغرب وانا ماخلصت ..أحلام /خذي هذا الوف روعه ..شذا/ هذا حلوا علي ..أحلام / ايه حلو .. وبعدين انتي وش عندك وش السالفه ..شذا/ ماعندي شي حرام اتكشخ
..خلاص روحي مشكوره.. أحلام / والله ماأدري عنك يللا انا كمان بروح البس
*********************
في بيت ابو ياسر.... نوره /يللا يابنات تأخرنا ..سحر/ خلاص يمه انا جاهزه ..سمر/ وانا بعد ..وكملت / سحر كيف تتوقعين شكلها ..سحر/ اممممم اتوقعها سمينه شوي شعرها طويل مسويه ظفيرتين .. ههههههه.. سمر / ههههههه لا ومعاها حلاوه مصاص ههههههه ويخبطون يدين بعض... فيصل / اقول امشي انتي وياها ..نفسي اسمعكم تمدحون أحد
*********************
دخلت ديمه على ندى/ وااااو وش هالجمال هذا ..سحبتها مع يدها/ أمشي معي..ندى/ وين ..ديمه/ عند أمي ..
نجاة منارتي روحي بخري قسم الرجال وانتي ياسيتي خلصتي قسم الحريم ..سيتي / ايوه مادام ..نجاة / طيب كملي شغلك بالمطبخ .. خلاص الحين جايين ..
ديمه/ ماماتي ..نجاة /هلا ..ولما شافت ندى كملت/ماشاء الله ايش الحلاوه هذي تعالي ..قربت ندى.. باستها نجاة /أقري على نفسك ..الله يحميك ياروحي
كانت لابسه فستان هادي لونه نيلي فيه حزام تحت الصدر لونه فضي لتحت الركبه وكمه كت ..لبسة معاه بوت بنفس الون
دخل طلال وابو طلال .. صفر طلال يوم شافها /اش هالجمال .. نجاة/ قل ماشاء الله لا تعطي اختك عين ..طلال/ بسم الله عليه فجعتيني ..يمه خلاص بقول ماء شاء الله ..عبد الرحمن / تعالي قربي خليني اقرى عليك مانبغى نفقدك مره ثانيه ..ندى / لا خلاص انا بقرى .. عبد الرحمن/ اقول قربي ..انا قلت بقرى يعني بقرى .. وبعدين انتي اقري مره ثانيه.. مسكها وجلس يقرى عليها..ديمه/ خلاص .. ابويه تراهم جو
عبد الرحمن كمل قرايه ومشى بها لحد فوق وهو يقرى عليها
دخلت الجده .. ديمه / هلا والله وغلا بتيته الحلوه .. الجده/ هلا والله وغلا بحبيبة قلبي ..الا وين اختك .. ديمه/ جده ليه مستعجله .. فسخي عبايتك وارتاحي وانا أجيبها لك .. نجاة/ هلا عمه حياكم تفضلوا ..
شذا/ يللا وين أختك .. ديمه/ لحظه شوي ..ندى جالسه مع ابويه وبعدين باقي عمتي نوره وبناتها ماجوا وكمان عمتي ياسمين ..شذا/عيال عمي راشد ماعمرهم جو بدري ..ديمه/ لا خلاص شوفيهم جو
**********************
بعدما خلص قرايه عليها00عبد الرحمن/ماخليت شئ ما قلته انشاء الله مايجيك شئ 00ابتسمت ندى ونزلت راسها00عبد الرحمن/ندى حبيبتي00لاتزعلين00انتي بنتي مستحيل اخليك عايشه في مكان وانافي مكان ثاني00الي صار لك مقدر ومكتوب لك00من رب العالمين00اذا قابلتيهم حاولي تنبسطي معاهم وخلي الحزن اناماأقول انسي اهلك الي ربوك بس00سكت لما جات ديمه/أظن خلصت قرايه00حتى لو انك بتقرى القران كامل امداك خلصته والسوالف بعدين ياله ندى00
عبد الرحمن/خذيها بس سمي عليهااذادخلت 00وقفت ندى /عن اذنك00ديمه/بسرعه ترى جده رجتني وين اختك جيبي اختك ندى/والله خايفه ومستحيه حاسه بداخلي شئ غريب00ديمه/شئ عادي ماعليك00
لما تتعرفي عليهم راح تحبيهم قابلتهم نجاة حتى نص الدرج/ياله تعالوواخذت ندى ودخات بها المجلس00لما دخلت تهافت الجميع/ما شاء الله لا اله الا الله ماشاء الله00ندى /السلام عليكم00نجاة/تعالي سلمي علي جدتك00الجده ياهلا والله ومرحبا ما شاء الله00ماشاءالله00لااله الا الله
كيف حالك 00ندى/الحمد لله 00سلمي على باقي الحريم منهازميلات امها وجيرانها00ديمه/تعالي اعرفك ع البنات شذى شافتهم جايين لهم/حلومه شوفي وش حلاتها تهبل 00ملامحها بريئه00احلام/ياشين الفلسفه00ندى طالعت في البنات بابتسامه00ديمه/اعرفك على مهابيل العايله..هذي شذا بنت عمي عبد الله الله يرحمهوهذي أختها أمل..سلمت عليهموكملت ..ديمه/وهذولا المهابيل اللي جونا أمس أحلام وحنين..وهذي سمر وأخيراً سحر بنات عمي راشد أخوات ياسر ..وعلى فكره هذولي الثنتين مافي أحد سالم من لسانهم..جلست ندى بعد ماسلمت عليهم..سمر/ الحشه اللي أول ياست ديمه ماعاد أبغى أسمعها..وإلا ياويلك مني ومن اللي بسويه فيك ..ديمه/والله ينخاف منك شريره..شذا/ أحلام شوفي تشبه فراس صح..أحلام/اهه..الحين المدح اللي أول عشانها تشبه فراس..شذا /لا مو عشان كذا ..أنقلعي أنتي شرهتك على اللي يكلمك..قربت من حنين/حنين وش رايك مو تشبه فراس..حنين/ ايه بسم الله عليها فيها شبه كبير منه بس هي أحلى..وبعدين أنتي وين شفتي فراس..شذا/ها..لا ماشفته بس أفتكره زمان ..حنين/امممم قلتيلي تفتكرينه زمان..شذا/ ليه أنتي مو مصدقه..حنين/لا مصدقه أنا قلت شي..شذا/*يمه منكم صدق شريرات*التفتت لسمر اللي بدت تسولف مع ندى /والله يمدحون جو الطائف ..ندى /الطائف كل شي فيه حلو ..ديمه/عن أذنكم طلال ينادي ..أحلام /كاالعاده ياسعاده أكيد ياسر يبغى يشوفك..التفتت ندى لديمه اللي تطالعها بعيون كلها رجاءإنها ماتروح وتخليها/شوي وأجي لاأجي وأنـتم أذيتم أختي ..أمل/ أقول فارقينا..بلا تسوين شخصيه علينا..ديمه/شفتي ياندو المعاناه اللي أنا فيها كل واحده لسانها يلوط أذانها
****************************ديمه/هلا طلال وش بغيت ..طلال/ بدري كان قعدتي شويه ..ديمه/ يعني أرجع..طلال/ أقول قدامي بسرعه يسور يــبـغي يشوفك ..ديمه/ طيب.. طلال/ فرحانه أنتي ووجهك ..طيب قولي لا ..قولي أستحي على طول طيب صدق ماعاد في بنات
****************************دخلت ديمه / السلام عليكم..ياسر/ هلا والله وغلا بحبيبة قلبي..ديمه/ الحمد لله أنت شلونك..ياسر/من شفتك صرت بخير../ديمه ليه كنت تعبان..ياسر/ايه والله تعبان من كثر ماأفكر فيك ...ديمه أستحت ونزلت راسها..ياسر ياحبي في اللي يستحون..وكمل/إلا وشلونك مع أختك الجديده مبسوطه..ديمه/ أكيد أنامو بس مبسوطه إلا بطير من الفرحه ..تصدق ياياسر أمس لما راحت تنام كنت أستنى الصباح عشان أسولف معاها..ياسر/ هيه.. تراني أغار..ديمه بأبتسامه /غرت من هاالكلمتين بس ..وش حال لو قلت لك أني أبغى أأجل الزواج ..ياسر/ إلا هذي وإلا ترى بدعي على أختك ..وبعدين الشهرهذا كنه سنه ..دخل طلال /أقول ماكنكم زودتوها..يللا ديمه أدخلي عند البنات ..ياسر/ لحظه ديمه خذي هذي وناولها كيس ..هديه بسيطه عشان أشاركك فرحك بوجود أختك..ديمه/ تسلم ليه تعبت نفسك..ياسر/ لا تعب ولاشي أ نا كم عندي ديمه..ديمه/ مشكور..طلال /خلصينا ..ديمه/ طيب يللا ياسر باي ..ياسر/ باي
قرب ياسر من طلال /أعوذ بالله منك ..ياأخي ماعندك إلا أحنا كان رحت دورت لك شغله ..طلال/ أقول أمش عند الرجاجيل ..ولاعاد أسمعك تقول أبغى أشوفها...
****************************
دخلت ديمه المجلس اللي فيه البنات وانبسطت لما شافت ندى ماسكه بطنها من كثر ما ضحكة على خبال شذا واحلام ../ انا جيت ..سحر/ وانا أقول ليش الأكسجين قل .. ديمه/لا ياشيخه ..أحلام/ يللا ورينا وش جاب لك ياسر ..ديمه/ وش دراك انه جاب لي شي ..أحلام/ شي معروف ..لكم سنتين مخطوبين وكل ماقابلك جاب لك هديه يعني أكيد راح يجيب لك اليوم ..ديمه/ ايه صح ..يللا نشوف اجل ..لما فتحتها كانت عباره عن ساعه من ماركة Chopard روعه كانت في علبه عوديه فخمه ومنثور حولين الساعه ورد طبيعي ..أمل/ وااااو روعه ..سمر/ أثاري أخوي ذوق وانا مدري..سحر/ المسكين من الصبح وهو يفرفر في السوق ..أكيد بيجيب شي ذوق ..ديمه/ الذوق للذوق ..ها ياندو وش رايك ..ندى/ روعه..الله يهنيك ..صراحه مره ذوق..
*********************
في بيت أحمد في الطائف.... الهام/أمي مين كلمتي..منيره / هذي عمتك حصه تقول ابجي اسمر عندكم ..الهام/اف يالغثى ..كان قلتي لها مشغولين ..والله ماني فاضيه لسوالفها الشينه.. منيره/ عيب هذي عمتك ..روحي رتبي البيت يللا ..الهام/ طيب بس إذا جت لا تقولين أطلعي عندها وإذا سألت عني قولي نايمه ..منيره/ وبناتها انشاء الله من يجلس معهم ..الهام/كمان بتجيب بناتها ..الله يعيننا عليها .. خليني اروح اكلم ندى احسن
**************************
حنين /يالله بس اخ واحد ..ندى/ كانوا اثنين بس واحد مات..حنين/ مات ..الله يرحمه اش سبب موته ..ندى/ دقيقه ارد ع الجوال ..وقامت/هلا الهام ..الهام/السلام عليكم ..ندى/أهلين وعليكم السلام كيفك ..الهام/ ماني بخير ..ندى ليه سلامتك ..الهام/ العمه الغثيثه بتجي عندنا تسمر..ندى/ههههههه حصه.. الهام/ايوه اضحكي ..انتي عندك مبسوطه وانا اقعد اسمع في قرقرتها ..ندى/ الحال من بعضه انا كمان جالسه مع المحقق كونان ..ماخلت صغيره ولاكبيره الا سألت عنها ..الهام/ هههههه..ندى/ لا تضحكين يا نذله ..الهام/ تستاهلين ما حد قالك تضحكين علي ..الا اش هالأزعاج عندك ..ندى/ عائلتهم متجمعين مسوين عشاء ..الهام /الله وناسه ..ندى/ وناسه الله يسامحك ..والله احس اني محاصره بنظراتهم ..اللي تطالع فيني بحزن على حالي واللي بكره ..الهام/ ياحبك تظنين ظن السوء بالناس ..ليه ماقلتي نظرة حب ..ندى / لأن مافي هالنظره..
ديمه/ ندى تعالي عمي راشد يبغى يسلم عليك ..ندى/ طيب لحظه..وكملت لألهام/ الهام حبيبي يللا باي ..يبغوني اسلم على عمهم ..الهام/ ياسلام وناسه ..بس تميلحي عنده يمكن يكون عنده عريس ..ندى/ لا والله ..انا مستغنيه عن عريسه انتي ناسيه اني مرتبطه.. الهام/ ارحم يامرتبطه ..انا أقصد إذا شافك سنعه يقول ابخطب أختها أكيد زيها ..ندى/ ايه قولي من أول انك تسعين لمصالحك الخاصه ..يللا بس اقلبي وجهك ديمه شوي وتكفخني ..الهام/ طيب يللا باي ..حتى أمي تبغاني ارتب البيت للعمه الغثيثه..الاصدق تبغيني اسلم لك على عمتك.. ندى/ لا تكفين من حبي فيها ..يللا باي ..ديمه/ يللا تعالي عمي من أول يستنى ..ندى /يللا
***********************
راشد/ طلالوه .يللا بسرعه وين أختك ..طلال/ خلاص ياعم شفهم جايين..ندى وديمه/ السلام عليكم ..راشد/ وعليكم السلام ..ماشاء الله ..لا اله الا الله ..أخباركم..ديمه/ الحمدلله ..راشد/وانتي يا ندى..ندى/ تمام الحمد لله ..راشد/ خلاص هذي عريسها عندي ..طلال / راحت عليك ..عريسها موجود..راشد/ صدق .. منهو..طلال/ قريبهم من الطائف ..راشد/ أفسخوها..انتم مابغيتم تاخذونها من هناك ترجعونها كمان .. ندى وقفت/ عن أذنكم..راشد/ أجلسي شوي باقي ما سولفنا.. ندى* والله من زين السوالف يشيشهم علي ويقول نسولف*/ لا عندي شغله هناك ..ديمه/ يللا ياعم وانا كمان أستأذن ..راشد/ خلاص براحتكم.
لما طلعوا التفت لطلال/ وش فيها ..طلال/ ماتدري ..تبغى تفسخ خطوبتها وتبغاها تجلس ..راشد/ وانا صادق .. طلال/ والله هذا الموضوع مو بكيفنا كلنا ودنا تفسخ الخطوبه ..بس المشكله انها مملكه يعني لو ما طلقها هو بكيفه ماراح نقدر نسوي شي .. راشد/ الله يكتب اللي فيه الخير ..طلال/ امين ..يللا حياك للعشا .. راشد الله يسلمك
**********************
ديمه/ ندى لا تهتمي ترى عمي راشد طيب وماكان يقصد ..التفتت لها ندى/ ماراح اسمح لأحد يفسخ الخطوبه ..ديمه/ لا تعصبين الحين عندنا ضيوف ..يللا بس تعالي نتعشى
************************
فيصل/ ياشباب المجلس امتلا ارانب ..رائد/ استح على وجهك وقوم شيل الصحون ..ابو صالح/ واقول لكم ..وأدخل وراء العمود ..انا أقعد أفكر وش اسوي عشان انقذ صديقي واروح أخذ حجر وادقه في راس الجندي الاول وانط على الجندي الثاني واطخ بالمسدس الجندي الثالث.. فيصل/ والله جاركم هذا صدع براسي تكفون لا عاد تعزمونه .. بس يشلخ علينا ..اللي يشوفه يقول كيانو في فلم ماتريكس .. فراس/ ههههههههه والله سواليفه اليوم بسيطه انت ماشفته امس مسكني عند باب المسجد ويقول ذيك السوالف اللي مايصدقها الورع الصغير ..مساعد/ انا بدخل عند البنات شوي وإذا راح دقوا علي ..
**************************
دخلت ندى غرفتها ..زفرت بقوه / الله يسامحك ياماجد ..كذا تسوي فيني ..والا يمكن يظن زي فراس اني صرت من عائله غنيه وماعاد ابغاه.. وي.. أحسن شي ارسله رساله ..أخذت الجوال وارسلت
عسى ماشر ؟؟.. وش لونك ؟!
أظن مايصير تهجرني !!
أظن مايصير..
إذا انته ترى ناسي ..اعتبره انا تقصير
وش هوله كذا ترحل ...
علمني وش الطاري ؟!!
جاوبني بديت أغير؟!!
وين }الحب{..و}الأحساس {
وين }الشوق{..و }التقدير{
حراااااااااااااااااام >>>
تغيب عن عيني !!..
وتتركني لهمس الغير ّ!!..
انا ماأتحمل>> الهجران ..
انا ماأتحمل >> التقصير
انا ماأرتاح الا أعرف وش اللي من وراي يصييييير؟!!..!!

"الله يسامحك وينك ما تسأل "
بشوف أخرتها معك يا ماجد ..والحين انزل قبل مايسوون لي سالفه
************************
مساعد/ خلاص كلكم جاوبتم ريحونا..يللا عني سؤال ثاني يقول متى تمنيتوا إنكم أرانب..أحلام/ مساعدبلا أستهبال اسأل أسئله زي الناس ولا أسكت أحسن ..مساعد/ أقول أتحداك تجاوبين ..ندى سلام..مساعد/ هلا والله وين كنتي ..ندى/ هناك..مساعد/ وين هناك ..ديمه/ خلاص قالت لك هناك يللا كمل أسئله..مساعد/ صدق ماتستحين أحترميني أنا عمك..عزام/ نندبابا يدول متى يبعى يصيل أنب .. ندى/ والله ماني فاهمه منك شي..حنين/ يقول متى تمنيتي أنك أرنب..ندى /ههههه ومن وين جايبين هاالسؤال..سحر /السيد مساعد يستهبل علينا.. مساعد/ والله ماأستهبل يللا أتحداكم تجاوبون ..سمر/ إذا شفت الجزر صاح مساعد/ صــــــــــــــــــــــح..أمل/ الحين هذا الجواب صدق أنك سخيف أسمحلي ياعمو ..مساعد/ صدق أنكم ماتستحون ..أروح عند أبو شلاخ أفضل ..ديمه/ من أبو شلاخ..مساعد/ جاركم أبو صالح.. أحلام/ ههههه حتى زوجته نسميها أم شلاخ....ديمه /أرخي صوتك لا تسمعك ..لميس/الحام..الحام..صاحت/الـــحـــام..أحلام/ وجع..نعم وش تبغين ..مساعد/ أقول لا تصيحين على بنتي ..أحمدي ربك أن لموسه تنازلت ونادتك..أحلام/ لاوالله..وأنتي خير وش بغيتي..لميس /جده تبغاك..أحلام /بس..الله يرجك..مساعد/ لا تدعين على البنت ..وجاء بيضربها صاحت وهربت..مساعد/بنات مايجون إلا بالعين الحمراء ..ألتفت لندى وكمل/ لذلك خليك مؤدبه
****************************
أيش راح يصير بعد العزيمه هل تتقبلهم ندى كأهل لها ؟!

نشوف في البارت القادم

تسلمي مهرة ع البارت الجديد
بإنتظار المزيد بلهفة وشوق
تحياتي

تسلم يدينك على القصه

بأنتضار الجزء القادم

ويعطيك العافيه

واااااااااااااااو القصة مرة حلوة بس متى ينزل الجزء الثاني شوقتينا لــــه

واااااااااااااااو القصة مرة حلوة بس متى ينزل الجزء الثاني شوقتينا لــــه