مهرة وينك والله تاخرتي كثييييييررر
بلييييييز نزلي البارت

مهره مااصارت

حرام عليج بسررعه نزلي البااااااارت

السلام عليكم

أسفه على التأخير بس أنقطاعي عن المنتدى كان غصب عني

واللحين راح أنزل البارت وانشاء الله في القريب أنزل البارت الثاني

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ

الجزء الثالث
في بيت أبو تركي ...أم تركي/ها يابنات أنبسطتعوا....شذا/إيه الحمد لله من زمان ماتقابلنا..الجده/ ماشاء الله على ندى ..أحلام/ ماشاء الله في الجمال ..لكن السوالف ماتسولف زين ..حنين/وحده عند ناس ماتعرفهم وش تبغينها تقول..أحلام /تكفين إلا أنتي لا تردين علي..حنين/ليه عشان قلت الصدق..إنت ماراح تقتنعين الين ماتجربين تكونين مكانها..أحلام /الله لا يقولتخيلوا أطلع مو بنتكم والله لأنتحر...رايد/ليه يعني أبد ماقالت ولا كلمه..أمل/ إلا سولفت بس قليل..ياحرام لو تشوفونها ..الحزن باين على ملامحها..الجده/ وليه تحزن أم طلال ماتدري وش تسوي لها عشان تسعدها ..تحمد ربها..رايد/حلوه تحمد ربها..الحمد لله على كل شي بس هي في موقف لا تحسد عليه ..تركي /صدق ماعندكم سالفه..بروح أنام أحسن لي..وخلو البنت في حالها...الجده /اجلس سولف معنا شوي ..تركي/ والله من زين السوالف ..وراي شغل بكره ..تصبحون على خير...الكل/ وانت من أهله..رايد/إيوه أحلام كملي حش..أحلام/ بس..هذا أنتقادي..أمل /تكفين ياأنتقادي وش ذا الأنتقاد زي وجهك..أحلام/ شكرآ ..يعني حلو..رايد/ والله إن تركي صادق .بروح أنام أنا كمان..الجده /وانا لاحقتك بعد..أم تركي /وأنا بعد..أحلام /يللا نطلع فوق نكمل حش...
************************************************** ************
فيصل/ آه ..والله راسي مصدع أبغى أنام..سمر/ لا لا تنام خلنا نسولف شوي..أبو ياسر/أقول روحوا ناموا بلا سوالف ..وإلا نسيتي إن وراك إختبارات..فيصل/يللا سمر روحي نامي وأحنا بنسولف..سمر/ والله ماأنام إلا بعد ماتنامون..أم ياسر /كيف شفتوا ندى..أبو ياسر/لا ماشاء الله عليها..بس لوماكانت مخطوبه كان خطبتها لفيصل والله ماتتفوت..فيصل/ الحمد لله أنها مخطوبه ..لأني ماأفكر في الزواج..أم ياسر/مخطوبه توي أدري ..نجاة ماقالت شي شكلها مو راضيه على الخطوبه..أبو ياسر/الصدق أنا قلت لطلال يفسخون الخطوبه..وبقول كمان لعبد الرحمن..سمر/ليه ياأبويه ..والله ندى ابتدعي عليك..شكلها متعلقه فيه..أبو ياسر/أهلها تو لقيوها ..وإذا تزوجتابترجع أكيد هناك وكنك يابوزيد ماغزيت فالأفضل إنهم مايزوجونها..سمر/صراحه أنا كان ودي اسألهاعن خطوبتها بس استحيت..فيصل/ انتي تستحين.. وش صاير في الدنيا..سمر/ بس تبغون الصدق هي حبوبهبس اللي قاهرني فيها انها ماتسولف زين عن أهلها إذا سألتها تجاوب على قد السؤال وتسكت..فيصل/مسكينه الحين ماخليتواشيء ماتلقفتوا فيه لا انتم ولا بنات عمي ولا أحلام وحنين..الحمد لله ماني مكانها..أبو ياسر/ خلاص أقطعوا السالفه وروحوا ناموا وأنا أولكم يللا تصبحون على خير ..كلهم/ وانت من اهله...
************************************************** ************
يوم الأحد الساعه 10 في الصباح .. عمر / يللا ندى جهزتي كلنا ننتظرك تحت .. ندى/ ايه خلاص يللا مشينا ..
لما ركبوا السياره ... فراس/ يللا شوفيني تركت شغلي عشانك.. اليوم المرضى بيدعون عليك .. طلال/ يعني بتذلها على هالمشوار .. فراس / لا بس اعلمها
ديمه/ شوفي ياندى هذا بيت عمي ابو ياسر .. عمر/ اللي يشوفك يقول بتوريها برج ايفل فرحانه انتي وشكلك ..ديمه/ لا يا شيخ وانت وش عرفك ببرج ايفل .. طلال/ هو صادق الحين تاركه المناظر الحلوه .. وتورينها بيت بيت عمك ابو ياسر .. ندى/ كانت سرحانه في هالمدينه الكبيره اللي ماتعرف فيها شي وتذكرت كيف لما كانوا يركبون مع ابوها كانوا يعلمونه اللي تقول لف يمين واللي تقول يسار لأنهم كانوا حافظينها شبر شبر
عمر/ ندى ..ندى ..ندى (بصياح)...ندى/ هانعم ..عمر/ لي ساعه اناديك ابغى اوريك
النادي اللي اروحه .. ندى/ وينه حبيبي .. عمر/ خلاص عديناه .. ديمه/ قولي وين سرحانه ندى/ ابد بس سرحت في المدينه ..اللي مو عارفه فيها شي .. ديمه/ شوي شوي وتحفظينها

على الساعه وحده الظهر وصلوا المزرعه...
كانت كبيره مره اللي مايعرفها راح يضيع فيها ... ديمه/ يللا ندى تعالي اوريك المزرعه .. ام طلال/ اول شي كلوا لقمه بعدين روحوا .. ديمه لا ما عندنا وقت ...
ديمه كانت توريها كل مكان في المزرعه وتحكيها مواقفهم فيها .. اما ندى كانت ميته من الضحك وضحكتها ماليه المكان ... ابو طلال / الحمدلله باين عليها مبسوطه .. صراحه فكرة جيتنا للمزرعه حلوه وراح تساعدها في التأقلم على الوضع هنا .. ام طلال/ ايه الله يحفظهم
عمر/ ندى ديمه ماما تقول تعالوا كلوا .. ديمه/ يللا جايين .. طلال/ ها فريتم ع المزرعه كلها .. لا باقي بس محل الخيول ...فراس / طيب يللا كلوا عشان نروح كلنا ...بعد ما خلصوا اكل... طلال/طيب ندى بما انك صرتي وحده من العائله .. تفضلي هذي هديه مني
جوال بدل اللي معك .. انا سمعتك ذاك اليوم تقولي سماعته خربانه ... فراس/ وهذي
هديتي ..لاب توب عشان إذا تزوجت ديمه تتسلين فيه وما تتمللين ...ديمه/ وهذي هديتي * كانت عباره عن سلسله ذهب على شكل قلبين داخله في بعض ومكتوب فيها حروفهم بالأماس * انشاء الله تعجبك .. ولبسته لها ...عمر/ ماشاء الله ليه ماقلتولي اشتر لها زيكم
.....ندى بأبتسامه/ صراحه ماأدري اش اقول ... مشكورين ليه تعبتم انفسكم ماكان لها داعي ... ديمه/ العفو ... يللا نروح محل الخيول
لما وصلوا ..... ديمه/ يللا نسوي سباق... طلال/ يللا ...ركب طلال وديمه على خيل .. فراس/ يللا ندى تعالي معي... ندى / لا لا لا ... ما ابغى ... فراس/ بسم الله عليك ليه انفجعتي ...ندى/ لا .. بس اول شي ما أعرف .. ثاني شي ..أخاف.. فراس/ ما يبغالها شي ...ندى / لا ...فراس/ كيفك .. خليك جالسه هنا يالخوافه... عمر/ انا الحكم ..يللا 3..2..1 ابدأ...انطلقوا بسرعه كبيره ندى كانت لما يسبق طلال وديمه ..تصيح على فراس يسرع.. واذا سبق فراس تصيح على ديمه وطلال ... عمر/ ندى انتي مين تشجعين .. ندى/ كلهم.. بس لا تعلم اللي يفوز هو فريقي
انتهت الجوله بفوز فراس .. ديمه/ يللا ندى خذي جوله والله وناسه .. ندى/ لا ..انا بس بشجع.. فراس/ مو بكيفك يللا تعالي خذي جوله .. ندى/ طيب بس ماتسرع .. فرلس/ طيب تعالي...
ركبت ندى مع فراس ...عمر / 3..2..1.. ابدأ...ندى / لا ما نبغى سباق ... فراس لا تسرع انا خايفه... كمل فراس وما عطاها وجهه ..فتحت ندى عيونها اللي كانت مغمضتها من الخوف شوي شوي ...ولما فتحتها الخوف ماراح من قلبها بس كانت مبسوطه ع النهايه ... ندى/ فراس يللا اسبقهم ... فراس/ توك تقولي لا تسرع ... ندى/ اللي يشوفك يقول سمعت الكلام ... بما انك مسرع ...اسبقهم يللا بسرعه... فراس/ عشانك اول مره تركبين راح افوزك ...
في نفس الوقت ... ابو طلال وام طلال جالسين على طاوله قريبه من مكان السباق ... كان جوال ندى يدق ...ام طلال اخذته كان المتصل " ست الحبايب " ام طلال انقهرت وتغيرت ملامحها لما وقف الدق ام طلال مسحت المكالمه عشان ما تشوفها ندى لما ترجع ... ابو طلال/ مين ... ام طلال/ الناس اللي كانت عندهم في الطايف ... ابو طلال/ طيب وش تسوين .. ام طلال / امسح المكالمه عشان ما تشوفها ... ابو طلال/ لا خليها
عشان لما ترجع تكلمهم ... ام طلال/ من قال اني ابغاها تكلمهم .. انت مو شايفها قد ايش مبسوطه ... إذا كلمتهم راح تفتكرهم وتحزن... ابو طلال/ مصيرها بتكلمهم .. وبعدين احنا مالنا حق نمنعها عنهم ... ام طلال/ لا لنا حق .. احنا اهلها .. مو هم المفروض خلاص تنساهم ابو طلال/ لا انا مو معك .. انت الحين عشانك شايفتها مبسوطه يعني خلاص نسيتهم
كانوا جايين من بعيد يضحكون .. ابو طلال/ خلاص سكري الموضوع .. لما وصلوا لاحضوا ان امهم معصبه ...طلال/ يمه فيك شي ..ام طلال/ لا حبيبي ما فيني شي تعالوا اجلسو
ا************************************************* **
أحلام تقلب في التلفزيون/ اف طفش..شذو خلينا نروح عند ديمه وندى... شذى/ هذا وانت مو بالعه البنت تبغين تروحين ... أحلام/ ما عليك مني يللا خلينا نروح ... شذى/ لا وين نروح ... راحوا المزرعه... أحلام/ قولي والله ... كان دريت كان رحت معهم ... شذى/ الحمد لله انك ما دريتي .. كان غثيتيهم ...أحلام/ احترمي نفسك ...طيب خلينا نروح السوق نشتري لزواج ديمه .. والله طفش .. شذى/ ok.. روحي استأذني من جدتي وامي وتركي وإذا وافقوا قولي لي والبس ... أحلام/ شوفوا النذاله الحين انا اسوي
كل هذا وانتي بس تلبسين تروحين .. شذى/ مو عاجبك اجلسي .. انتي الطفشانه مو انا .. أحلام/ ايه هين مردوده
*****************************************
ديمه وندى جالسين يسولفون ع المسبح ... ندى/ ديمه... ديمه/ نعم امري ... ندى/ ما يأمر عليك عدو ... اممممم صراحه عندي سؤال ... بس إذا ما تبغي تقولي كيفك ... ديمه بأستغراب/ اسئلي ... ندى بتردد/ ليه فراس ذاك اليوم عصب مني لما درى اني مخطوبه؟!... ديمه بأبتسامه/ لا عادي... هو أخوك كمان يعني انتي لازم تعرفي وبعدين بصراح هانا ابغى وحده تساعدني عشان نفك عقدته ... ندى مبتسمه وفي خاطرها الحمد لله بتقولي والا كان مت بحسرتي ... ديمه/ اسمعي يا ستي ...فراس قبل سنتين راح عند واحد من اصحابه في بيته ... وبالصدفه شاف اخته ... ومن بعدها ماكان على لسانه الا سيرتها ... مره يمدح جمالها ومره قامتها .. المهم زن على امي لحد ماراحت وخطبتها له .. هم وافقوا وبعد فتره ملكوا .. وعاد اش اقولك التلفون ما كان ينزل من اذنه سوالف ليل ونهار
هو تعلق فيها مره .. وهي كذلك على قولتها ... وقبل زواجهم ب 3 اشهر ... راح فراس عند واحد من اصحابه لشقته كان يبغى كتب من عنده .. صاحبه هذا كان واحد صايع بمعنى الكلمه كل يوم مع وحده ... فراس ما كان عارف ان في الشقه حريم ... ودخله الصاله .. يعني على بال مايجيب الكتب من داخل ... بس للأسف الشقه كانت مراقبه ... وفجأة جات الشرطه وأخذتهم فراس انحبس اسبوعين على ما أذكر ... وهيه لما عرفت بالسالفه فسخت الخطوبه ... مع علمها ان فراس ماله دخل .. بس تقول جماعتي يعيروني فيه .. مسكين فراس يومها كان راح يموت من القهر من كثر ما تعلق فيها ....ومن بعدها كره شي اسمه زواج ......
ندى/ طيب انا وش دخلني ... ديمه / أقول بس ما تزعلين .. ندى/ قولي ... ديمه/ صراحه انا كلمت فراس ذاك اليوم ... وقال انك راح تكوني مثلها .. لما تشوفي العز هنا .. تصيري خلاص ماتبغي عيشتهم ... ندى/ فراس غلطان ... انا ماأبدل ماجد بكنوز الدنيا كلها ... ديمه/ ياحظ هالماجد ياليت تحبيني ربع ها بس ربع ماتحبينه ... ردت ندى بأبتسامه بس .... ديمه/ ساعتك روعه من فين جبتيها ... على كثر ما الفلف في الأسواق ماشفت زيها ... من وين شاريتها .. ندى/ ماشريتها جتني هديه ... ديمه/ وانا اقول ليه ما تنزلينها من مين... ابتسمت ندى لذكرى الساعه وذكرى من جاب الساعه .. ندى/ هذي الساعه لها معزه خاصه بقلبي ... ديمه بفضول / اش السالفه يللا قولي ..
ندى/ هذي من ماجد... صراح هانا لما خطبني ماجد ما كنت ابغاه بالمره ... بس لما أستخرت ارتحت له .. ووافقت .. جلسنا فتره مخطوبين كان يومياً يسأل عني .. ويخلي أخته حنان تكلمني في اليوم مرتين ثلاث ..بس كان عادي عندي ماكنت اهتم ... في يوم جلسنا انا وأخته نتصفح في المجلات .. وانا اتصفح قريت اعلان للساعه .. عجبتني مره قلت لحنان / الله شوفي هذي تجنن .. نفسي القى كذا في السوق .. هي هزة راسها وسكتت .. بعد اسبوع زارنا ماجد في البيت .. وجابلي نفس الساعه اللي بالمجله اللي هي هذي ... صراح هانا لما شفتها انصدمت وحسيت ماجد صدق يحبني ومن بعدها حبيته وصرت اموت بطاريه.. يعني هذي الساعه هي اللي خلتني احبه .. عشان كذا انا ماأنزلها ... ديمه/ الله يازينه شكله يموت فيك ... ندى ابتسمت وسكتت
ندى كانت متأكد هان ماجد يموت فيها ومستعد يسوي أي شي عشان يسعدها بس كان قلبها ناغزها حاسه انه راح يصير شي مو زين بالنسبه لهم ... وعشان كذا تحاول قدر الأمكان ماتفكر فيه.........
ديمه/ الا صدق هو يكلمك .. ندى/ لا .. احنا عندنا مانكلم حتى لو كنا مملكين الا في النادر بس أخته كانت دايم تدق عليه ... ديمه/ كانت ليه الحين ماتدق ... ندى/ لا .. لها فتره قاطعه... قطع حوارهم صياح عمر اللي كان مخبي يده ورا ظهره/ ندى جبت لك هديه .. ندى/ لي انا... عمر/ ايه ..هي هديه بسيطه لأني ماجهزت لها من قبل .. بس لما شفت اخواني اعطوا قلت لازم انا اعطيك اليوم كمان... يللا غمضي عيونك وأفتحي يديك ... ندى/ OK وسوت مثل ماقال ... عمر/ فتحي ... ندى بس شافت اللي على يدها جلست تصيح /عمورها شيلها .. ونفضت يدها لحد ماطاح الجندب .. وجلس عمر يلاحقها بالجندب / ندى خذيه شوفي وش حلاته .. ندى كمات جري وصاحت في عمر/ عمر بعده عني .. ديمه ساعديني .... اما الباقين كانوا يتفرجوا فيهم وهم ميتين ضحك على شكل ندى المفجوع وعلى عمر اللي يلاحقها بكل براءه...
******************************
وصلوا البيت على الساعه ثلاثه ونص وكلآ راح غرفته هلكان ..ندى قالت /مابقي على صلاة الفجر شي وقررت تصلي وبعدين تنام ..فتحت دولابها عشان تاخذ بجامه ...لما فتحته شافت الصندوق اللي فيه هدايا ماجد مركون على جنب.....بعدته عنها عشان تنسى ماجد اللي مايغيب أبد عن بالها
أعذريني يا الهدايا ........ لوهملتك في الزوايا
ماني متحمل أشوفك. ........واللي جابك مومعايا
أعذريني يا الهدايا
اللي جابك وينه عني ........ياترى زعلان مني
مادرى أني في غيابه ..........كم شكيته للمرايا
راح وخلاني لحالي ..........شفتي ويش سوى لحالي
خبريني ويش أسوي .........لو عشق قلبه سوايا
قولي لو هو حب غيري ........ويش يكون أسمه مصيري
غير أموت أنا في مكاني ........وأترك الدنيا ورايا
أعذريني ياالهدايا
**********************************
أتمنى أن البارت ينال على إعجابكم........أدري البارت قصير بس أننشاء الله البارت الجاي يكون طويل وفيه أحداث حلوه

مشكورة مهرة
بس اتمنى ماتتاخري علينا

الجزء الرابع.....
ودارت عجلة الزمان .. واليوم مر على وجود ندى في بيت اهلها "اسبوعين " كاملة مختلطه مابين الحزن والسعاده وما بين الألم والأبتسامه ... عرفت مقدار الحب اللي يحملونه لها ... والطيبه اللي تملئ قلوبهم ....
عمر/ ندى تعالي العبي معي بلاستيشن ... ندى/ لا حبيبي .. ماني لاعبه انا كل مره العب فيها انهزم ... ديمه/ انا راح انتقملك منه .. وأبهزمه .. عمر/ لا يا شيخه .. الصراحه حزنتيني .. ديمه/ اقول يللا شغله ... انا البرازيل ... عمر / انا الأرجنتين ...
أمل كانت تدق على جوال ندى ... ندى/هلا أموله ... أمل/ اخبارك .. ندى/ تمام ماعلينا انتي كيفك ...أمل/ الحمد لله بس حبيت أقولكم لا تتأخرون اليوم.. تعالوا قبل المغرب ... ندى/ ok .. انشاء الله ... راح اقول لهم .. أمل/ طيب انا بقفل عشان اكلم الباقين ... باي .. ديمه/ اشتبغى امل.. ندى/ تقول تعالوا قبل المغرب ... ديمه/ أكيد وراها شي .. يللا عمر بعدين نكمل لعب .. انا بروح اصلي العصر وألبس ... عمر/ قلتلك من اول انتي مو كفو تهزميني .. يللا روحي ... طلعت ندى وديمه يلبسون ....
الساعه خمسه العصر ... سيتي/ ماما ندى بابا فراس يبغى انتي .. ندى/ يللا جايه..
نزلت ندى / امر فراس ... فراس / تعالي في ضيف لك في المجلس..ندى / ضيف مين؟!.. فراس/ تعالي وتشوفينه .... ندى/ ابليز فراس .. قول مين .. والله قلبي ناغزني .. فراس/ لا تعالي .. والله بتفرحين..... راحت ندى مع فراس لما دخلت المجلس تفاجئت ...............كل المشاعر اللي داخلها من شوق وحنين وحب تحررت ... كانت راح تطير من الفرحه لما شافته
ندى/مـــــــــــــــــــــــاجــــــــــــــــــــــــ ـــد
اشتقت لك شوق السجين اللي انظلم
مشى درب الشقى والضحكه بشفاته عدم
يبكي وله والناس تحسب بكيته جرح وسقم
وحيد والذكرى الم
لا هو لقى من يفهمه ولا هو درى ليش انظلم
يا الله قد ايش وحشه هذا الصوت وصاحبته ... ماجدمارفع راسه لأنه عارف لو رفع راسه وشافها ماراح يكمل اللي جاء على شانه ..
ماجد/ كيفك ندى ... ندى لما شافت ماجد زي كذا خافت / الحمد لله .. أنت وش أخبارك ليه ماعد سألت عني .... ماجد/ تمام الحمد لله...
كانوا ساكتين بعد ثواني ندى كانت عارفه ان ماجد جاء هالمره عشان يزعلها مو عشان يفرحها زي كل مره /ماجد اش فيك ..تكلم مو من عادتك تسكت...
ماجد/ رفع راسه وطالع في ندى بحزن... يالله قد ايش نحفت وجهها موزي اول كله حيويه وفرح تبدلت بملامح الحزن...... شال عينه عنها وكان يطالع كل شي في المجلس الا هي .. ماكان حاب يشوفها زي كذا وما يسوي لها شي ..لا وكمان هو جاي يزيدها أخيراً تكلم/ ندى .. بصراح هانا مدري ويش أقول بس انا جاي عشان .. وسكت .. ندى/ عشان ايه .. ماجد/ صدقيني يا ندى انا ماراح احب في حياتي وحده مثل ماحبيتك انتي أحلى شي صار بحياتي ..بس ...... وكمل بتردد / احنا لازم نفسخ الخطوبه ... ندى مو مصدقه اللي أنقال ... مستحيل اللي قدامها يكون ماجد اللي عرفته .. ليه يحطم أملها فيه .. ليه يكسر قلبها الي مايسكنه غيره..كانت تطالعه وتطالع فراس وأخيراً رجعت لوعيها.. ندى ببرود/ok نفسخها بس ليه... ماجد/ صدقيني انا مجبور على هالشي بس لما طلع لك أهل جدد ..أهلي ما عجبهم الوضع وخيروني ما بينهم وبينك .. ندى .. أهلي يقولون أحنا ما نضمن ان ما يطلع لك أهل مره ثالثه كمان يعني أحتمال ... وسكت .... ندى/ احتمال ايش كمل..
ماجد/ انا أسف ما بغيت أقولها .. بس عشان أحطك في الصوره .. احتمال انك تكوني بنت .............. كمل ماجد بتردد / مو شرعيه
فراس/ اقطع وأخس صدق انك ماتستحي... فوق مو أحنا عزيناك واكرمناك في بيتنا تسب بنتنا .. ندى أشلاف منك ومن عشره أمثالك .. روح الله لا يردك .. أصلاً انت الخسران مو ندى .. وبعدين الظاهر ان المحكمه سوت تحليل د0ن 0 ا واثبت انها بنتنا ... ندى توها تستوعب ان فراس يخاصم ماجد / فراس ابليز اهدأ .. سكتت وطالعت ماجد تستناه يكمل اللي جاء عشانه...
ماجد/ أسف ندى............ انتي طالق..طالق ..طالق...........
ندى بكل برود نزلت دبلتها من اصبعها ورمتها عليه/ لا تظن اني راح ابكي عليك انت واحد ما تستاهل حتى تمر ببالي ..وإذا زعلت راح أزعل على احلمي اللي انبنت على واحد مثلك.. ندى ماعاد فيها كانت دموعها تنذر بالانهيار راحت وخلتهم.. فراس كان مستغرب وفرحان باللي سوته ندى كانت قويه قدامه مع انه توقع انها راح تجلس تصيح وتترجاه مايتركها ...
ندى طالعه مع الدرج بسرعه ... ديمه/ ندى انتي وين كنتي ..يللا احنا جاهزين ..ندى/ روحوا لحلكم انا مو رايحه معكم.. سيتي ..سيتي .. تعالي معايه
أم طلال / وش فيها أختك ... ديمه/ ماأدري الحين نسأل فراس..
دخلت ندى غرفتها وأخذت الصندوق اللي فيه هدايا ماجد طالعت في الساعه اللي بيدها ونزلتها .. كانت أول مره تنزلها من يوم جابها لها حطتها في الصندوق وقالت لسيتي تعطيها فراس يعطيها لماجد...
.*************************
ندى كانت تتأمل يدها اللي صارت خاليه من الخاتم والساعه ... راحت ناحية الشبك وشافت ماجد طالع ومعاه الصندوق .. كانت تصيح من قلب خلاص ياندى ماجد رايح للأبد...
قبل لا تروح ..
أمانه قول ش الدبره
قبل تملأ فضاءاتي حزن وجروح
ويصير الكون أضيق من ثقب ابره
قبل لا تروح ... وتنكرني بليا روح
وتترك هالجسد ميت بلا أحساس
وتتركني عيون الناس
ويصبح أخضري اليانع .. حزن ويباس
وقلبي ينكسر حيره.. أمانه قول ش الدبره
*****************************
ندى كانت تصيح بقهر .. مو مصدقه اللي صار معقوله ماجد خلاص انتهى من حياتها .. ماجد اللي كان أملها فيه يرجعها لطائف .. ماجد اللي ماكان يغيب عن بالها راح .. كان كل شي تفكر فيه يكون هو المحور الأساسي له .. وهذا كله راح ...
ارسلت له رساله على جواله
سامحني لو غلط قلبي عليك وقال أحبك ....
وأعذرني لو قسى نبضي عليك وردد أسمك....
وأغفر لي زلت عيون تمنت انها بلحظه تشوفك ....
وأحل عني بعيد ولا يهمك ............
وأتركني في مهب الريح أعاني بين جرح البعد عنك وبين حبك
وعذبني كل مامريت يمك وأطعني الف طعنه لو خيالي مر بك او جاك زاير
وأن لمحتني بطيفك أصرخ وقول .."كرهتك ".... ولا يهمك
وانسى أني كنت أحبك ... وأتركني ولا يهمك...
ليه ياصوت الندم تصرخ علي ؟!...
ليه يادمع الألم تقسى علي ...؟!
ليه يانبض الوهم تخطي علي؟!...
وشهو ذنبي اللي ارتكبته ... غير دمع في غيابك كم سكبته
وكم ذكرتك في ظلام الليل وحدي وقلت حبيبي وأنتظرتك
بس لومره غلط فكرك وجابني لك
أصرخ وقولي كرهتك ولا يهمك
وأنسى اني كنت أحبك ... كان قلبك نادم اني كنت أحبه
وكان صدرك ضاق لأني صرت قربه
لو سمحت ... <أصرخ وقولي كرهتك ..."ولا يهمك"...>

وصلت ماجد الرساله .. لما قراها انقهر هو عمره ماكرهها بالعكس هو ماعرف طعم الحب الا معاها .. كان فسخ الخطوبه موت له... مو عارف أشلون يعيش بدونها ... حلمه وحطمه بيده .. أرسل لها
أبسألك هو أنا أستاهلك....
أستاهل الدمع اللي جرح وجنتك
أستاهل أني أعشقك
أبسألك عن حالنا أنتي وأنا .. ياللي أحس أنك أنا
حالنا ماهو غريب .. أنا نكون متأكدين أن الفراق ماهو بعيد
بالرغم من جرح السنين .. عشقنا دايم يزين
ماهو غريب ... اني لو مره في همي سهيت.. وبكلمه جرحتك
قبل ماتتألمين ... اللي ينزف هو دمي
أبسالك ماهو غريب ... أستاهلك
أبسألك لو قلت لك ان الحنان اللي في قلبك ينبت من الصخر الزهر
وأن النهار اللي في خدودك يخلي النسمه عطر
وأن العذاب اللي في عيونك يعلم الناس الشعر
لو قلت لك اني أحبك أكثر من هموم البشر
وكثر الجفا.... وكثر السهر
لو قلت لك وأنك أقرب من عيوني للنظر
كل اللي أقدر أقوله واللي ما أقدر أقوله
أستاهلك...............
حبيبتي بجاوبك ....... للأسف مابه أحد يستاهلك
صدقيني يا ندى انتي أغلى شي بحياتي
*******************
ندى بس وصلتها الرساله زاد صياحها أكثر .. لأنها تأكدت أن ماجد فعلاً يحبها وانه مجبور يتركها بس .. لييييييييييييه يصير لي كذا
************************
فراس/ وين ندى... أم طلال / فوق تود يمه طلعت لها تعال قلي وش السالفه.. جلس فراس يحكي لامه اللي صار ديمه دخلت على ندى شافتها تصيح قربت منها / ندى وش فيك وش صار ... ندى ضمت أختها وكملت صياح ....
فراس توه داخل الغرفه/ شوفوا البكايه اللي يشوفك تحت يقول ولا همها .. ديمه/ فراس وش السالفه.. أمل تدق على جوال ندى .. وندى مو راضيه ترد.. أخذت ديمه الجوال وردت ... أمل/ ندى وينكم ..هذا وانا أوصي تجون قبل المغرب ..الحين بيأذن وانتم باقي ماجيتم ... ديمه/ راح نتأخر شوي.. أمل/ مي نديمه.. ليش وش عندكم .. وبعدين وين ندى ... ديمه/ تلبس ... جانا ضيف وأخرنا ... أمل/ طيب .. بس كلهم تجمعوا لا تتأخرون.. يللا باي.. ديمه/باي..
ندى/ انا مو رايحه معكم روحوا لحالكم ... ديمه/ لا وين نروح لحالنا .. فشله البنات ينتظرونك ..فراس/ روحي ياديمه كملي لبس وندى الحين بتجهز... ديمه عرفت انها تصريفه وطلعت ...
فراس/ ندى ليه تسوين في نفسك كذا .. اصلاً ماحد يستاهل هو تخلى عنك وانتي لازم تنسينه ... ندى/ كسبت الرهان... فراس/ لا ماكسبته.. انا قلت انك انتي راح تفسخينها مو ماجد .. بس طلع حتى الرجال مايعرفون يحبون.. ندى/ فراس انا مقهوره مو مصدقه ان اللي جاء هو ماجد اللي اعرفه.. ليه انا اللي يصير لي زي كذا.. ليه يطلع لي اهل ثانين وليه الزمن يبعدني عن كل شي أحبه .. عن أهلي وناسي ..وقرايبي وأصحابي وعن مدينتي وعن كل شي حبيته...أنا صايره زي الدميه كل واحد يحرك فيني زي مايبغى ... وانا مافي يدي شي غير اني أرضى .. تدري اني الحين أتمنى اني أكون في حلم وفجأه راح أصحى منه .... فراس / أخس عليك ياندى ... الحين كل هذا في قلبك وانا اللي كنت فاكر تحبينا وانك خلاص انبسطتي معنا..
ندى/ فراس انا اسفه .. صدقني اني أحبكم زي ماأحب أخواني في الطائف وأكثر بعد .. أنا لما جيت هنا كنت خايفه من الناس اللي راح أقابلهم وكنت ناويه ماأكلمكم أبد بس تفاجئت بطيبة قلوبكم وقلبي حبكم بدون أمري .. لا تلومني انا مقهوره من اللي صار اليوم .. فراس/طيب تبغيني أصدق انك صدق تحبيني يللا تجهزي عشان نروح .. والله البنات لو يعرفون انك انتي اللي أخرتينا ليشرشحونك ... ندى/ والله مالي نفس أسولف مع أحد .. فراس/ مافي تبغيني أصدق انك تحبينا تجهزي .. انا بنزل واستنى عشر دقايق إذا مانزلتي أعرف انك أكبر كذابه في العالم...ندى/ فراس .. شكراً.... ابتسم فراس وطلع...
أم طلال/ هاه فراس كيفها الحين ...فراس/ ماأدري هي زعلانه مره .. أم طلال/ حسبي الله عليه كسر بخاطرها يمكن أني مابغيت الخطوبه ..بس بنفس الوقت ماأبغاها تزعل .. فراس/ ماعليه يمه .. ندى قويه وأكيد راح تنسى
بعد عشر دقايق نزلت ندى.........
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
في بيت ابو تركي ..... الجده/ غريبه عبدالرحمن وعياله تاخروا ... العاده هم أول من يجي ... مريم/ أمل كلمتهم ويقولون عندهم ضيف أخرهم ... الجده/ ضيف.. منو .. مريم/ والله ما أدري ... سكتوا على دقة الجرس ... مريم /أكيد هم...
قامت أحلام تفتح الباب / أخيراً... ما بغيتم .. كان قعدتوا شوي .. وش أخركم
سكتت على ضحكت فراس /شفتي ياندى انا قلت بيشرشحونكم .... أحلام/ ضحكت من سرك بلا ... كان أرسلتهم مع السواق وجلست انت مع الضيف .. وتركت طبايعك اللي مالها داعي ... مسوي الأخ محافظ ... قاطعتها ديمه/ هي انتي خلاص .. أتركي الهذره الزايده ودخلينا ..أحلام/ والله لو ماكان أمكم معكم ما كان دخلتكم ... يللا تفضلوا حياكم الله
ــــــــــــــــــــــــــــــــــــــــــــــــــ ــــــــــــــــــــــــــــــــــــ
أم ماجد/ أبشرك يابو ماجد ... ماجد تو مكلمني ويقول أنه خلاص طلقها ... أبو ماجد/ ايه زين الحمد لله .. أم ماجد/ وأنت بعد صلاة العشاء .. أطلب المهر من أبو عبد الله ... أبو ماجد/ لا والله ما أسويها .. الصراح هانا استحي من أبو عبد الله .. هو رجال ونعم ونسبه يشرف بس لو ما صار اللي صار والله ل... قاطعته أم ماجد/ أقول ريحنا بلا تستحي .. الحياء ما راح يفيدك .. أنت لازم تطلب الفلوس ... أبو ماجد/ أكيد أبو عبد الله لو درى أن ماجد طلق البنت بيرجع الفلوس بنفسه .. وتبغين الصدق .. أكيد أم ندى داعيه لها في ليلة القدر انك ماتكوني أنتي عمتها... أم ماجد/ ليه أنشاء الله وانا أشفيني ..أبو ماجد/ سلامتك مافيك شي .. دخلت حنان /سلام يبه ...أبو ماجد/ هلا بنيتي .. وعليكم السلام ... أم ماجد/ يللا حنان شدي حيلك ودوري عروس لأخوك ماجد ..طلق مرته خلاص ... حنان/ أبشري يمه .. بعدين انا حاطه عيني على وحده تسوى مية ندى .. أم ماجد/ منو... حنان/ بعدين تعرفينها
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
بعد صلاة المغرب في بيت أبو تركي .... مريم/ حياكم الله تفضلوا بيت الشعر ... احنا مسوين حفله بسيطه .. نوره/ حفله .. وش المناسبه .. الجده/ المناسبه .. بنتي ياسمين حامل ... الكل صاح وجلس يصفق وقاموا يباركون لياسمين .. ندى تساسر ديمه/ ما شاء الله اللي يحمل عندكم تسون له حفله ... ديمه/ هههههه لا يا هبله ياسمين حاله خاصه ... ندى/ كيف يعني ... ديمه/ ياسمين لها ثلاث سنوات من تزوجت ما حملة .. وعمتها كانت تدبر لها المكايد عشان كذا أحنا فرحانين ... يللا تعالي نبارك لها .. بعد ما باركوا لها ... ديمه/ الا صدق من جاء اليوم.. وزعلك .. ندى/ تكفين لا تذكريني .. ديمه/لا والله أنت اللي تكفين.. من أول أبغى أسأل بس تو وجهك أنفرد ... يللا قولي .. ندى/ ماجد .. ديمه بأبتسامه/ أحلــــــــــى .. بس ليه زعلانه المفروض تكوني فرحانه .. أيه عرفت شكله حدد مو الزواج وأنتي ما تبغين تفارقينا .. صح .. ندى/ ياليت .. ديمه/ أجل أش فيه قولي ..ندى/ جاء... يفسخ الخطوبه .. ديمه بصياح /أيــــــــــــش .... التفت الكل لديمه بأستغراب ... نجاة/ ديمه أش فيك .. ديمه تطالع ندى ومو منتبهه لأمها ..ندى بأبتسامه/مافي شي .. ودقت ديمه..ديمه/ ها.. ما في شي .. نجاة/ طيب يللا أمشوا ..جات شذا تجري من بعيد /وش عندكم تتساسرون .. ندى/ مافي شي .. الا كيفكم أنتم الصراحه وحشتونا من زمان ما شفناكم .. مشت مع شذى وسحبت ديمه معاها
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
في مجلس الرجال .. عبد الرحمن/ انا رايح بكره للعمره روحوا معنا .. أحنا نوقف في مكه وأنتم كملوالجده .. وبعدين نلحقكم .. راشد/ والله فكره حلوه.. بس جده الحين حر .. لو نوقف في الطائف أحسن ..عبد الرحمن/ والله الطائف أحلى أكيد .. بس .. ماينفع .. لو رحنا الطائف بتشغلنا البنت تقول ودوني عند أهلي .. وأحنا ماودنا .. راشد /أجل خلاص جده .. جده .. الا ماقلت لي بتزوج البنت والا بتفسخ الخطوبه ... عبد الرحمن / والله ما أدري انا قلت بكلمه من دون ندى ما تدري واقنعه يتركها بس متردد أخاف تزعل .. رأشد/ ما عليك منها تزعل شوي وأبترضى .. أحسن من أنك تزوجها وترجع الطائف وكنك ما سويت شي ... رائد يكلم فيصل/ اما أبوك مايترك الأقافه... فيصل/ أحترم نفسك تراه عمك .. فراس ماله داعي تكلمه يبه .. عبد الرحمن/ ليش .. لا تقول حرام يحبها والا من ها لكلام ... فراس/ لا .. هو جاء اليوم العصر وفسخ الخطوبه .. عبد الرحمن / والله صدق .. الحمد لله جات منه .. بس ليش .. فراس/ مافي نصيب .. دخل عمر وهوشايل صحن معمول وسلة حلاوه / خذ تركي ..ياسمين تقول وزعها على الرجال .. طلال والله فيها الخير يوم أفتكرتنا .. فيصل/ فرحان أنت ووجهك .. هذا ما يجي ربع اللي يبلعون فيه جوه ... عبد الرحمن/ الا صدق وين متعب ليه ما جاء .. رائد/ أمه عيت .. جلسوا السباب يضحكون .. راشد/ عيب ياولد هذا زوج عمتك .. تركي بنظره حاده/ رائد قم جيب القهوه .. رائد / انشاء الله ... وكمل لفيصل / قاهرني .. ينعني اني أنا الكبير...
ــــــــــــــــــــــــــــــــــــــــــــــــــ ــــــــــــــــــــــــــــــــــــ
في بيت الشعر... كان المسجل مرفوع ع النهايه والبنات يرقصون ويصفقون ..ابتسمت نجاة لديمه اللي ماسكه يد جدتها وتلرقص فيها والوناسه بتطلع من عيونها والتفتت لندى اللي كانت تصفق ومكتفيه بأبتسامه بسيطه .. قربت منها/ أنشاء الله مستانسه.. كان رد ندى نظره خاليه من أي تعبير.. كملت نجاة/ أهم شي تنسينه.. واستمتعي بوقتك مع البنات.. ندى بنظره حاده/ أحتمال اني أنسى ماجد أو بالأصح أكيد اني راح أنساه لأني بنت أبوي و ما أرخص نفسي للي ما يبيني بس المؤكد أني ما راح أنسى غلطتك في حقي لأنها ماتغتفر... رفعت جوالها اللي كان يدق ومشت خارج المكان وخلتها... نجاة كانت متسمره في مكانها ومتفاجئه من اللي قالته ندى ... انتبهت على ديمه اللي تجرها عشان ترقص معاها
ــــــــــــــــــــــــــــــــــــــــــــــــــ ــــــــــــــــــــــــــــــــ
ندى/ الهام من علمكم .. الهام/ أم ماجد كلمت أمي وقالت لها .. بس أهم شي أنتي لا تتضايقين.. ندى/ آآه يالهومه لو تدرين قد أيش مقهوره... ماني قادره استوعب اللي صار ... صدقيني انا لو عندكم ما أنقهرت زي كذا.. ألهام/ ياقلبي.. لا تزعلي نفسك وأعرفي أنها خيره من رب العالمين.. ندى/ والنعم بالله .. بس محتاجه أني أطلع اللي في قلبي .. أحس أني بأنفجر .. أنا حتى ماأقدر أبكي .. ولا أصيح لأنهم حوالي ... محتاجه لحظن أمي .. أبكي على صدرها وهي تمسح على شعري .. محتاجه لكلام أبوي عشان يصبرني ويزيد من قوتي .. والله محتاجه لكم ... الهام/ ندى ..... ندى/ الهام.. أذا تحبيني أدعي اني أموت .. ألهام/ندى.. أش فيك .. أنتي مو كذا .. تدعين على نفسك بالموت عشان واحد ما يستاهل .. ندى اللي أعرفها تحب الحياة ولما كنا نزعل تضحكنا .. وتقول الدنيا ماتسوى .. وش صار لك ..ندى / لا تلوميني من اللي صار لي .. ألهام/ لا ... الومك .. أنا الحين بقفل لأن الرصيد خلص بس أبغى أذا كلمتك بكره تكوني مبسوطه.. ندى/ أنشاء الله ...لما قفلت الجوال أنتبهت للصغار اللي يلعبون حواليها .. زفرت بقوه .. وأسندت رأسها على الكرسي .. وتتأمل في السماء
خير أيش فيها العضوه الجديده...ندى وهي تعدل جلستها/أبد بس تو مكلمه
أهلي في الطائف ومالي حيل أقوم ..ياسمين/ ممكن أجلس ..ندى/ تفضلي .. ياسمين/ تصدقين أني أحسدك ع القوه اللي تمتلكيها..يعني سبحان الله كيف تبتسمين وأنتي حزينه من جوه..ندى/ ومن قال أني حزينه..ياسمين/ تمثلين عليهم كلهم إلا أنا تدرين ليش..ندى/ ليش..ياسمين/ لأني ماخذه ماجستير في علم النفس .. يعني عيونك اللي يشوفها ما يلاحظ شي ..بس أنا أشوف أنها مليانه دموع ..بس خذيها نصيحه مني الحزن والبكاء مايفيد إذا حسيتي فعلاً أنك حزينه مالك إلا ربك صلي وأدعي وهذي عن تجربه شخصيه..أنا لي ثلاث سنين من تزوجت ماحملت بس لما لجأت لربي رزقني..وألحين يلا قومي معي أكيد فقدونا
قامت مع ياسمين ودخلوا البيت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
اليوم الثاني الساعه خمسه الفجر .... تحركت السيارات متجهه لجده البنات كانوا راكبين مع رائد وفيصل ماعدا ندى وديمه لأن طلال وفراس مارضيوا
ديمه/ أف ..يعني أيش فيها لو خليتونا نركب مع البنات..طلال/ أقول أنثبري .. بعدين وش تستفيدين لو ركبتي معهم..أهم شيء توصلين نفس المكان..ديمه/ أستفيد أني أسولف ..وبعدين شوف أمي ركبت مع خالتي ماقال أبوي شي.. طلال/ طيب سولفي هنا ماأحد ردك ..وبعدين نزلي النقاب إلين نطلع من الرياض .. ديمه/ مافي أحد الناس نايمين.. طلال/ أقول نزليه..ديمه/ أف ..إلتفتت لندى اللي نامت نامت من لما دخلت السياره..وكملت أحسن شي أحط راسي مثل ندى ..طلال/ يكون أفضل ..وجلس يسولف مع فراس..كانت السياره هاديه بعكس السياره اللي فيها البنات.. رائد بصياح/ بس أنتي وياها ..والله لوعاد أسمع صوت لوديكم السياره اللي فيها جدتي ..عشان تعرفون تسولفون ..أحلام / حلوه ذي نسكت مره واحده.. رائد/ والله أعطيناكم فرصه تسولفون بصوت واطي بس أنتم ماتنعطون وجه ..عشان كذا لا أسمع صوت ..حنين/ لا والله أحنا مانقدر نسكت ..بس نوعدك نوطي أصواتنا..أحلام كانت تكلم سحر بصوت عالي / ها وش تبغين ..إيه صح رائد وقف عند محطه حولها حمام عندنا حاله طارئه ..رائد/ خلي الحاله تتحمل شوي ألين توقف سيارة الشيبان .. أحلام/ تقول ماتقدر ..فيصل/ أنتي وش دخلك خليها هي تتكام ..أحلام/ تقول تستحي ..فيصل / والله أني ماني خابر واحده في العايله تستحي ..سحر بعصبيه/ فيصـل..فيصل/ يمه ..الحين أنتي اللي تبغين الحمام ..يللا رائد هذي سحر موحي الله ..سحر /لا ..لا ..مو أنا اللي أبغى ..أحلام /إلا أنتي اللي تبغين..سحر/ لا مو أنا ..أحلام إلا أنتي.. رائد وقف عند محطه / خلاص أنتي وياها كلكم أنزلوا اللي تبغى واللي ما تبغى .. لأني خلاص ماعاد أوقف إلا في مكه ..وقف طلال بجنب سيارة رائد /يللا أنزلي أنتي وياها ..وياويلكم تتأخرون .. ديمه تصحي في ندى / ندى..ندى.. قومي تبغين الحمام ..ندى بصوت كسول/ لا ماأبغى ...كانت طول الطريق تتظاهر بالنوم ..متجنبه لسوالف ديمه وأخوانها .. كانت تفكر بالأشياء اللي صارت لها واللي ماكانت متوقعتها .. وتفكر اش ممكن يصير لها كمان
ــــــــــــــــــــــــــــــــــــــــــــــــــ ـــــــــــــــــــــــــــ
صار لهم حول السبع ساعات من لما مشو من الرياض ندى بصياح / هذا الطائف ... فراس/ بسم الله متى صحيتي .. ديمه/ أخيراً.. ما بغيتي ..ندى/ الله يا حلاتها قد ايش وحشتني .. طلال/ منهي اللي وحشتك .. ندى وهي تفتح القزاز/ المدينه.. الله يا حلو هواها .. فراس/ ما شاء الله أحنا في حصة تعبير .. بعدين وش رايك تسكرين القزاز المكيف شغال ... ندى/ أسفه .. سكر المكيف لأن هواء الطائف حلو مايحتاج.. طلال/ ابشري .. كم عندي ندى .. انتي بس تامرين .. ندى/ صدق.. أجل ودني بيتنا .. طلال/ أمرك .. فراس وديمه/ لا. ... ندى مصدومه/ ليه .. ديمه بأرتباك / انتي عارفه ا نوراك عمره مع أمي وكذ بنتأخر .. وكمل فراس/ ناخذ فيك لفتين في المدينه وهذا كفايه .. طلال/ لا بوديها .. بس ما تطولين تسلمين وتنزلين .. ندى بفرح طيب أبشر ..
ــــــــــــــــــــــــــــــــــــــــــــــــــ ــــــــــــــــــــــــــــــــــــ
نجاة من لما دخلت المدينه تبغى تطلع بسرعه ..وكانت تتلفت تبغى تشوف سيارة طلال.. كلمت مساعد اللي كان يسوق/ مساعد ما تشوف طلال .. مساعد/ لا لف ..شكله يبغى يدور شوي في المدينه .. أخذت جوالها ودقت على طلال .. طلال/ هلا .. نجاة بعصبيه/ وينكم فيه .. طلال / بناخذ فره في المدينه وابنلحقكم .. نجاة فين يعني .. طلال/ قلت لك في المدينه .. نجاة/ شوف طلال يا ويلك توديها عند أهلها..طلال/ ليه .. نجاة/ بس كذا شوفني علمتك .. طلال/ يصير خير.. نجاة / وبسرعه تعال .. لا تدوخ خواتك في السياره .. ورانا عمره .. طلال/ أنشاء الله
لما سكرت.. مريم /الله يهديك يانجاة..وش فيها لو وداها عند أهلها .. نجاة/ لا ..ما أبغاها تروح.. نوره/ لا بالعكس .. المفروض انك تخلينها تروح .. ولو قلتي لطلال بعد يوديها ..نجاة / لا والله ماعد بقي الا هي .. نوره/ عشان تحبك .. وتفكر انك تبغين تسعدينها .. نجاة / لا مستحيل .. هي يادوب بدت تتأقلم معانا .. لو راحت رجعت زي أول .. نوره/ انتي صادقه بس مو من حقك تحرمينها منهم .. نجاة/ عاد تدرون اني مقهوره منها بالحيل .. مريم /ليه .. نجاة / تدرون انها من يوم ماجات ماندتني بأمي ولا ابوها ..كمان ماتسولف الا لديمه وعمر.. مريم/ اصبري عليها .. نجاة/ انا صابره وش اسوي بس أحسها معتقده اني كنت راميتها ومحملتني اللي يصير معاها.. الجده/ ماعليك يانجاة أتحملي شوي وانا بسنعها لك..
ــــــــــــــــــــــــــــــــــــــــــــــــــ ــــــــــــــــــــــــــــــــ
طلالكان يسمع ندى وهي تعرف بالمنطقه وبحكاويها هي وأخوانها .. وحس بسعادتها من نبرة صوتها وحز في نفسه انه يكسر بخاطرها وقرر يوديها بيت أهله من دون علم امه .. فراس/ من اللي كلمك ..طلال بصوت عالي / هذي أمي تقول ود ندى تسلم على أهلها..فراس بأستغراب/ صدق والله.. طلال /أيه صدق..يللا ندى تجهزي شوفينا قربنا ..دقت ندى على تلفون أهلها ..جنى/ الو..ندى / سلام..جنى/ وعليكم السلام..مين..ندى/ أنا ندى ..أفتحي باب الشارع..جنى / باب الشارع..ليه أنتي عندنا هنا في الطائف..ندى/ أيوه..بس يللا أفتحي أنا وصلت..طلال/ لا تتأخرين سلمي وتعالي.......
ــــــــــــــــــــــــــــــــــــــــــــــــــ ــــــــــــــــــــــــــــ