ღ♥ღღ♥ღ
لايهمك ياروح الروح اذا ناوي على النسيان
تناسى ياعسى البسمه تزورك يوم نسياني

وخذ فرحي معك تكفى وعلمني على الأحزان
مدام الهم جاني منك أكيد بتحلى أحزاني

وإذا جرحي يسلي النفس عن وقت يهز أبدان
فداك الجرح ياعمري تسلى بنزف وجداني

ولكن قبل تظلمني وتجازي ودي بنكران
حبيبي أفهم أحساسي لأنه حيل أشقاني

أبيك وماأبي غيرك ولو هل المطر خلان
أنا مالي سواك انت ولو غيرك تبلاني


ღ♥ღღ♥ღ


يمه حزين ابغيبتك واشكي الهم
يمه فديتك لا اتغيبين عني

يمه الحياه ابغيبتك شكلها غم
يمه ضحكت وجامل الضحك سني

يمه سكن حزني على حافه الفم
لاجيت اسولف دمع عيني سبقني

يمه ترى ها البيت موحش ومظلم
في غيبتك يا(يمه) سورة خنقني


ღ♥ღღ♥ღ

طارت طيور المشاعر
من سما القلب الرقيق


ترسل لقلبك موده
وتاخذ زهور ورحيق


وتخبرك أني اعيشك
(صاحب)
(وخل)
(ورفيق)

بعدك اضناني وكسرني
وروحي من دونك

تضيق


ღ♥ღღ♥ღ



سالت دموع الليل فوق المدينة
تلمس قديم الجرح ويسيل همه
أمشي أنا وكل الشوارع حزينة
فيها الفرح يرتاح لاشاف دمه
دورت وجهك في الجروح القديمة
وتعبت أدور في الليالي وألمه
وفجأة تروعنا دموع المدينة
واخذ قديم الجرح وأشيل همه


ღ♥ღღ♥ღ

حسافة صارت أيامي أسيرة حبك المخدوع
اجيلك صادق بحبي وتفتح للغدر أبواب
لقيت الكذب عنوانك وشوقك يا الغلا مصنوع
و انا دايم أدور لك عن جروحك عذر و أسباب
اذا تآمر على قلبي انا لك بالوفا مسموع
أقدم لك سنا عمري هدية لك بدون حساب


ღ♥ღღ♥ღ

مخنوقة يمه و أحس الخنقه هدتني
مكسور قلبي و عيني مدري وش فيها
و دموعي اللي غصب عن عيني بكتني
مليت أغمض جفوني لجل أداريها


ღ♥ღღ♥ღ

فيني ألم غربه مع فرقا أعز الناس
سفينه تايهه تبحث عن موانيها
ذكرتك يوم ودعتك وضاقت فيني الأنفاس
بكت عيني على فرقاك لكن..من يواسيها؟
حرام أشوف أفراحي بأقدام الألم تنداس
أداري دمعة هلت ومالي ..غير أداريها!!


ღ♥ღღ♥ღ

ليت كلماتي تخفف عن غيابك
ليتني دايم معك وانتي تضحكين
ليت كلماتي تجفف كل همك
وامسح دموعك وابدلها بحنين
لو تقولي الآه اشعرها معك
تكتئب دنياي ولا اشوفك حزين
انا أغليك وسط قلبي موقعك
حتى روحي تحت امرك لو تبين


ღ♥ღღ♥ღ


أدور لك كلام أجمل و لا أجمل من كلام القلب ؛؛
و عمر القلب ما يكذب نهار يكلم أحبابه
أطير لك حمام البال و أفقد كل ليله سرب ؛؛
يمسيه الورق في حضنه الدافي و يدفى به
شعوري لو نثرته للهبايب كل جرح هب ؛؛
و عنيت الهوى و أهل الهوى و الحب متشابه


ღ♥ღღ♥ღ


اختلف وياك في بعض الأمور
واتفق معاك في شي كثير
ان زعلت ارضيك ماعندي غرور
الجفا مابيننا شي خطير
وان حصل من بعضنا اية قصور
مكملينه ب/ الوفا وطيب الضمير
انت اغلى الناس وان كانوا حضور
قلت حبك هو الأول والأخير


ღ♥ღღ♥ღ


على ذاك الجدار الي على حد البيوت
وقفت وهاجس الذكرى نفض غباره
وفي ذاك المكان ثبت ان الآدمي من طين
تخيل يوم لمسته تنهد من شقا ناره
سألني وقال أنا أذكر تجون اثنين
بكيت وقلت صدقني ..
رحل وانقطعت أخباره..!


ღ♥ღღ♥ღ

قالوا علامك كل ماحل طاريه
تنسى البشر حولك وتذكر خياله..؟
قلت أبنشد قلب لاغاب يرجيه..
قلب بعد فرقاه واعزتاله..!
قالوا علام القلب متولع فيه؟
دور لعل القلب يغلي بداله..؟
قلت الغلا ماهو على كيف راعيه
لو الغلا بكيفي قلنا حلاله..!


ღ♥ღღ♥ღ


ع لمووه ..
من غاب عني لا يطول في غيابه..
::
ع لمووه ..
اني اعاني من جفاه وعذابه..
::
ع لمووه ..
اني اموت بغربته واحيا جدابه ,,
الكوون كله بعد ما اقفى خرابه ,,
::
ع لمووه ..
اللي يحبه جن وشقق ثيابه ..
::
ع لمووه ..
بدمعي اللي هلته عيني صبابه ,,
::
ع لمووه ..
بكل جرح في خفووقي من سبابه ..
::
ع لمووه ..
لحالي اللي عنه غافل وما درى به ..
صرت انا وهموم ليلي والحزن فينا تشابه ..
وبيني وبينه .. الالم والياس والغرابه ..
لاتقوولوا كيف صاارت .. ؟؟
والله صآآآرت ..
لآ غراابه !!
::
ع لمووه ..
ان كان يرضى صاحبه يفنى شبابه ..
ايتغلى يستمر في دربه اللي هو مشى به ..
/
يبتعد عني ويرحل ..
لااايفكر في ايابه ..
/
لا يهمه حال خله دام ماهمه كتابه ..
لايهمه ماوصل له من رسايل او كتابه ..
دام مافي باله اصلا لسؤالي أي اجابه ..
وان .. نوى الموووت لخفوقي ..
::
وش بقى فيني .. ؟
هلآآ به
::
يمكن أرحم لي ولكن //
ادفنوووني عند بابه ..
دامني محرووم حضنه ..
يكفي يحضني ترآآآبه ..


ღ♥ღღ♥ღ

تخطي علي وأستسمحك وأترجاك
ضعفي هواك وفطنتك ماتخونك
المشكله اني كل ماجيت أبناسك
فكرت نفسي كيف ترتاح دونك؟
ورديت قلبي عنك لاشك هو جاك..
جيتك معه راضي بمقبل طعونك..


ღ♥ღღ♥ღ

احتجت لك في ضيقتي مالقيتك
وقضيت ليلي بين همي وفرقاك
واليوم جاي تقولي هاه جيتك..
وش فايدة اني الى رقت أبلقاك..؟


ღ♥ღღ♥ღ

أبعتذر باسم الشعر والقوافي
ان كان في حقك عن الوصل قصرت
لوهي بكيفي والذي مايشافي
لأنقل لك الفرحة هوى وين مارحت..
لكن وعد مني وأنا انسان وافي
تبقى أعز انسان ان جيت وان رحت..


ღ♥ღღ♥ღ

يامرحبا باللي يبيني وأنا ابيه
الي غدا بعده على القلب جاير..،
لامرني طيفه وجتني طواريه
من زود شوقي له تهل العباير..،
ماغيره أحد علق الروح بيديه
ولا أحد سواه بخاطري مر زاير..،


ღ♥ღღ♥ღ
قل وش تبي بكيفي ..؟
خلني على كيفي
[ كتلة مشاعر // مهملة ]
والحزن .. هو ضيفي
لا تسألني شلوني
لوووني سمآر الشمس
لا يهمك جنوني
ترآها جروحي خمس
][ أول ,, جروحي .. // ][
قلب ميت من الإهمآل
][ ثآ نيهآ .. // ][
صدمة حب .. مآت بروآقة بآل
مآعدت أنآ أهتم ... بجرآح مآتلتم
وخلني أكمل لك
واسمع بعد شملك
بآقي ثلآث " جروووح "
بحكيهآ لك .. وأروح
][ الثآلثه .. // ][
أحزآن .. من رآسي لأقدآمي ..
][ والرآبعه .. // ][
هجران مآتت به احلآمي
بآقي الأخيره نزف
بآقي الأخيره ضآآآع
دمع وقف بالعين..
جمر ح م ر ما جآ
][ وخامس الأخمآس .. // ][
يآسيدي الحسآس ..
//
إني أنآ كلي ][ مآعاد بي إحسآآس .. ! ][
//
تسألني عن كيفي ..
والله مالي كيف
والحزن هو ضيفي ..
والهم بقلبي سيف
..!!..


ღ♥ღღ♥ღ


يوم انآ صديت ..مآ اقصد جفآك
كنت ابي اثقل وانت ماصدقت وزعلت
هذآ وانآ بس كنت أمزح معآك
كيف لو من جد صديت وثقلت
كنت انآ بجس نبضك من ورآك
وامتحن صبرك وشفتك ماتحملت
تزعل علي بسرعه الله يهدآك
مشغل عمرك تحسب اني انشغلت
لآ وتبغآني اجيك اطلب رضآك
والله ... مآآآجي ولاعنك سألت
وبغرور تقول بسمح لك خطآك
لآ تسآمحني ...

خلآص أنآ زعلت .... !!


ღ♥ღღ♥ღ

مبروك فزت وخدعتني باحساس زايف
ضيعت عمري ودنيتي حسبي الله عليك
قلبي انعمى وبعيني ابد ما كنت شايف
العقل قال خاين بس للاسف قلبي يبيك
لا تحسب اني بماضيك ما كنت عارف
بغبائي عشقتك وادري الغدر منك وفيك
طعت قلبي يوم العقل من ماضيك خايف
مسكين قلبي خدعته ما كان يدري بيك
واليوم جيتك بعزتي وعلى فرقاك حالف
وحتى القلب اقسم ابد ما عمره يجيك


ღ♥ღღ♥ღ


لاتنزعج ماودي أزعجك واشقيك
بس القدر حكم بحكم الفراقي..,
ماهوب قلبي لاتصبرت ناسيك
بعدك على هالحال زاد اشتياقي..’
أبنتظر لو طول البعد وأرجيك
أشيل حمل الشوق لو مايطاقي..،
أنا على عهد الموده مصافيك
ولو تحدا الوقت مازلت باقي..،


ღ♥ღღ♥ღ


بالأمس كنا نجتمع ليل ونهار..
واليوم يابعدك ويابعد دارك..
ليت الليالي علمتني بالأقدار
وليت القدر يرحم بحالي وحالك..
يمر ليلي في خيالات وأفكار
على بساط الشوق أصور خيالك..

ღ♥ღღ♥ღ

نورتي الصفحة مشااااعر

مايكبرني مشكورعلى مرورك العطر