[أخصمك آه .... أسيبك معصي
حركات 3/ج ما تمشي علينا
ياليت تكون شاطر لو مره وحده بس وتعطيني ردك !!
السلام عليكم ورحمة الله وبركاته
لا تخافون من المقدمه ،، هذه بس للمتطفلين والكسلانين
قود مورنينق ،، قود افتر نون ،، قود نايت <مدري اي وحده تنقال هالوقت ؟!!
جايكم اليوم وجايب معي قصه
لطالما تذكرتها وذرفت عليها مكعبات دموع وبعض المرات مثلثات
قصتي بدأت قبل عيد الفطر بكم يوم ،،
اتفقنا انا والعايله الكريمه اننا نقضي ايام العيد في المانيا
رتّبنا اغراضنا في الشناط وانا اخذت طراطيعي وحطيتها في شنطتي ،،
ليلة العيد الساعه 9 p.m ،،
واحنا نقول لالمانيا سلام عليكم <<< عليكم السلام هلا والله !!
وصلنا لعاصمة المانيا [ لندن ] ونزلنا شناطنا من اللموزين
واخذت الخيمه ونصبتها تحت برج ايفيل المائل ،،
بعد ما تعشينا اخذت اعانق مخدتي عناق اثنان لهم ايام ما تقابلوا اقول انطم بس !!
اذن الفجر قمنا وصلينا ،، واخذنا نحتسي القهوة والتمر ونتبادل المحشات فيما بيننا
فتارةً يقول لي ابوي : اهب فـ وجهكـ اللي كنه كثبان رمليه على خط الرياض
وارد عليه انا واقول : اقول طس بس انت وخشمكـ اللي كنه وصلة يو اس بي
عاينت فيني امي بحقد وقالت : الحين انت مبسوط بخشمكـ المدرمح ؟ [ اللي مو فاهم الكلمه يراجع كتاب مصطلحات أكل عليها الدهر وشرب ] ،، الكلمه رقم 1063في الكتاب
يوم هممت بالرد على امي ،، الا جاء وقت صلاة العيد
قلت لامي : نتقابل في لقاءات اخرى ،، قالت : يسعدني ذلك
قمت وتجهزت للصلاه ،، ولبست شماغي [ آآآآآآآآآه يا هالشماغ حسبي الله عليكـ يالشغاله ،، اجل احد يحط نيله على الشماغ ؟!! طالع شماغي لونه ازرق بدل ماهو احمر !!! تقول اني خال !!! ]
ولبست عقالي وتعطرت ،، وانا اتعطر جاني ابوي قال عطني قرطوع من العطر <<< اللي مو فاهم الكلمه يراجع نفس الكتاب المذكور اسمه اعلاه ،، الكلمه رقم 157 في الكتاب
قلت له : روح خل حرمتكـ اللي قامت في صفكـ قبل اشوي تنفعكـ !!
بعد ما جهزنا ورحنا للمسجد ،، وبعد ما دخلت المسجد بالتحديد عرفت ان الالمانيين متطورين
ياجماعه عندنا في صلاة العيد الحريم يصلون في المسجد
والريجيل براا لان المسجد صغير < وين عايش انت ؟ في الديره ؟!!
عندهم ما شاء الله الريجيل والحريم كلهم جوووا
المهم مالكم بطوالها ،،
دخلت المسجد واول ما تطيح عيني على ذيكـ البنيه الحلوه
ماقدرت اركّز فيها من حلاها
حاولت اجلس جنبها بس المشكله مافي مكان !!
قلت لازم اصرّف واحد من اللي جنبها ،، طالعت فـ اللي يسارها .. شكله دلخ واول ما شفته تذكرة المثل اللي يقول شف وجه العنز واحلب لبن
كذا حسيت ان سيارته كابرس صابونه ،، جيت يمه وقلت له معكـ صابونه انت ؟
قال : ايه .. وحط يده في جيبه وطلّع لي صابونه [ ابو عجل ] وانا اللي اخليها تاخذ حيّز من وجهه الكريم
وقلت له : يادلخ اقصد معكـ سياره كابرس صابونه ؟
قال ايه ليش ؟ قلت له اطلع لها خابر قبل اشوي وراعين يلعبون فوقها ويطرطعون عليها
وانفكيت منه الدلخ ،، واجلس جنبها الحلوه
قلت لها : سلام عليكم ،،
ماردت علي ..!!!
قلت لنفسي ما عليه يمكن ما سمعتني ع العموم مو مشكله الملائكه ترد علي
بعد اشوي حسيت اني رخمه ،، البنت جنبي ولا انا قادر اكلمها ؟!!
بس المشكله وش اقول لها ؟ اذا السلام ما ردته تبي تقولي اخبارها ؟؟!!!
اقولها وش اسمكـ ؟ بس خايف انها تسوي لنا مشكله انا في غنى عنها
اقولها لها تسريحتكـ حلوه ؟ بس خايف من ردت فعلها
مرّت ربع ساعه وانا محتار وش اقول لها !!
اخر شي عاينت فيها وقلت لها : لو سمحتي .. رمضان خلّص ؟ يلعن ام الاسلوب والاسئله
عاينت فيني وحرّكت راسها يعني ايه <مستخسره فيني ثلاث حروف !!
حسيت بالقهر .. بس قلت مو مشكله على قولة كاظم الساهر [ اللي يريد الحلو يصبر على مرّه ]
جلست افكر وش اقول لها هالمرّه ؟
عاينت فيها وقلت لها : دام ان رمضان خلّص .. اجل اكيد اليوم اول ايام العيد .. صح ؟ <اموت على الاستنتاجات خخخخخخخ
عاينت فيني وجلست تضحك من قلب .. وقالت : انت اكيد تهزر معاي
قلت لها : واهزاري هزاراه اكيد اهزر معكـ الله يسلمكـ ويعطيكـ العافيه ويوفقكـ .. الا ما قلتي لي كيف حالكـ وش اخباركـ ؟ < ما ينعطي وجه
قالت لي : الحـمد لله بنحمدوا
قلت لها : حتى انا وابوي وامي واهلي كلهم ،، كلنا الحـمد لله بنحمدوا < طيب يا اهبل هي ما سألتكـ !!
عاينت فيني وقالت : أنت من هنا ؟
قلت لها : مالكـ لوا ،، أنا من السعوديه وأول حرف من اسمي عماد < ماشاء الله كريم في الاجوبه ،، تسأله سؤال يعطيها جوابين
قلت لها وانتي شسمكـ ؟
قالت : شيماء
قلت لها : ليش ؟ أقصد ماشاء الله اسمكـ حلو عاشت الأسامي
في هذه الأثناء ،، فكرت وشلون اعطيها الرقم .. وانا افكر وعيوني على تحت ..
رفعت عيوني وعاينت فيها الا وهي تطالع فيني وعرفت اني افكر ..
قمت اصرف وقلت لها : الله يعين .. الاسهم هذه بهذلتنا < ما تدري اني افكر في تسديد الرقم لها
بعد جرعات من التفكير ،، عرفت ان اليوم اول يوم من ايام العيد [ ماشاء الله عليكـ ذكي وتفهمها وهي طايره ]
قلت ياولد ورا ما تعطيها العيديه وتحط فيها باتش عليه الرقم لغة هكر
اقصد اني فكرت اعطيها العيديه واكتب فيها الرقم
حطيت يدي في جيبي .. وبديت احرّكـ اصابعي في جيبي وادور على ريال
المشكله جيبي مليان اشياء مدري وش تبي .. قلت مالي الا اطلعها من جيبي وادوّر زين ..
المشكله اللي قدامي ملصق ظهره في خشمي ،، لان المسجد مررره مليان
قلت له لو سمحت حبيبي ،، قدّم اشوي لاني مريض بمرض معدي واخاف تنتقل لكـ العدوى
مسكين مو قدّم الا طلع من المسجد خخخخخخخخ
صارت المساحه قدامي [ 2.3م × 4م ]
واخذت شماغي وفرشته قدّامي وبديت اطلّع الاغراض من جيبي واحطها على الشماغ
المشكله ما لقيت ريال اعطيه حبيبتي واحط فيه الرقم ،، عاينت يساري الا هاكـ الرجال اللي جالس والمحفظه بتطيح من جيبه ..
مدّيت اصابعي الجربانه واخذت المحفظه طلّعت منها ريال .. خفت ارد المحفظه لجيبه ويحس فيني ويعرف اني سرقته
قلت له : يابو الشباب هذه محفظتكـ ؟ لقيتها طايحه هنا !!
المهم اخذت الريال ،، وانبطحت على بطني وجلست العب برجولي ،، وجلست اكتب الرقم على الريال < كل هذا حصل في المسجد
بعد ما خلصت منه وكتبت تحت الرقم
حطيت الريال فـ جيبي ،، وجلست جنب شيماء ..
بعد اشوي .. عاينت فيها وابتسمت ،، وقلت لها : خذي يا شيماء هذه عيديتكـ .. وهذا ابسط شي اقدمه لكـ
اخذت الريال وشافت الرقم ،، وابتسمت وقالت مرسي
قلت لها : ابشري < ماعرف وش يعني مرسي بس احسبها بتطلبني وقلت لها ابشري !!
وبعد الصلاه والخطبه رجعنا انا وابوي للخيمه وقضينا اول اسبوع في العيد هناكـ ،،
حسبي الله عليهم هالالمانيين الملاعين وسلامة الطيبين منهم
احنا في العيد نذبح طليان وتيوس ،، وهم عيال الكلب يعيّدون على خنازير سواكنيه وحرّيه
ع العموم مالكم بطوالها ،، من ذاكـ اليوم وانا انتظر الاتصال منها بعد اهلي وناسي
لكن للحين ماجاء اتصالها ،، ومن هذا المنبر حبيت اسألكم :
هل تتوقعون انها بتتصل ؟
اذا كانت الاجابه بـ نعم فلماذا لم تتصل إلى الآن ؟
واذا كانت الاجابه بـ لا فما السبب؟ هل لأنني شاكوش ووجهي شبيه بلقمة فول والعياذ بالله ؟
دمتم بصفاء جبهة شيماء
لكم انتم ياأعضاء منتدى صدىآ الخليـج الغالين
<_ لاطشـه من منتدىآ وجـآيكم منح ـآش ههههههههه
الإهداءات
05-19-08, 05:22 PM
ياللي تبص من برا الموضوع ،، ما يصحّش كدااا يابني
، و جزاك الله خيرا ، و الله أضحكتني من قلبي .
، دوختني عليها في جميع الخزانات العمومية بمدينتي .
العرض العادي
المواضيع المتشابهه
