حــــــــد اشتكــــــــــــى لــكـ .."

جت ثايرة متوترة قلـت الحلـو زعـلان ليـه"

"الله يجازيهـم حــرام يزعـلـون المتـرفـه

رفعت حواجبها وزمت رمشهـا والمـوت فيـه"

"قالت بكيفـي والسبـب ماهـو بـلازم تعرفـه

شي ما يخصك اتركني في حالي الحزن اشتهيـه"

"احد اشتكى لك؟ يووه يا بعض الخلايـق ملقفـه

قلت انت لو ما تشتكيـن الهـم قلبـي يشتكيـه"

"من يوم اشوف الحزن من تحت الرموش المورفه

وشلون ما تبغيني اسـأل ليـه همـك تحمليـه"

"وانـاا بتهاجاتـي علـى نفسيـتـك متوقـفـه

زود انفعالاتـك يؤثـر بانفعـالاتـي واتـيـه"

"تأثير يتناسب تناسب طـردي ابنفـس الصفـه

لو اعـرف اللـي زعلـك والله للعـن والديـه"

"وإلا يجي لك يعتذر غصبـاً عـن اللـي خلفـه

قالت على بالك تتريق؟؟ يا برودك يييييييه ييـه"

"احر ما عندي هو ابـرد شـي عنـدك والطفـه

قلبتها ليه فيزياء وانـا احسـب انـك سيبويـه"

"اقول لـك حـره وبرضـك ماتسيـب الفلسفـه

مدري انت تستغبي معي وإلا مسوي لي نبيـه؟"

"وإلا انت فاكرنـي لهـذا الحـد انـا متخلفـه؟

لا لا حبيبي مو بنا اللـي يخدعـه مـا تدعيـه"

"مبروم ما يفتـل علـى مبـروم لعبـك بكشفـه

تقتل قتيلك ثـم تمشـي فـي الجنـازه تقتفيـه"

"من يوم آعرفك وانت ما تتـرك معـاي اللفلفـه

قلت اذكري الرحمن واعطيني سبب واحد وجيه"

"يعطيك حق انـك تدينينـي لـو انـك منصفـه

قالت لي اسأل نفسك اش سويت بالحب النزيـه"

"منهو الذي مشغـول جوالـه ودمـي استنزفـه؟

ثلاث ساعات اتصـل مشغـول يـا(..) وليـه"

"مدري تفاوض بوش وإلا انهـا بدايـة معرفـه

طبعاً مطنشني وداخـل جـو لكـن وش عليـه"

"مانـي بزعلانـه علـى شانـك وإلا متحسفـه

ليه الحسايـف دام قلبـك بـاع قلبـاً مشتريـه"

"إلا خسـاره فيـك دمعـاً فـي غيابـك بذرفـه

قامت وراحت واتركتني قلت معـذاري اسمعيـه"

"زمت شفايفها ولفحـت شعرهـا فـي عجرفـه

لحقتها قلت افهمي الموضـوع قالـت مـا ابيـه"

"قلت انت حره واتركتني آآآآآآه ياهـي مجحفـه

اسبـوع يـا(..) لا زادي ولا النـوم اهتنـيـه"

"احب هالمجنونـه اللـي فـي عذابـي مسرفـه

من يوم راحت والسوالـف كلهـا لهجـة سفيـه"

"وذكرياتـي لأجـل يسكـت كلهـا تستحلـفـه

والوقت باسط كف قابض كف يفرك فـي يديـه"

"له عين يتشمت وانا اللي كنت بالضحـك اتلفـه

ان كان مر اسبوع ما جاني اتصـالاً محتريـه"

"بطلبك يـا(...) خدمـه كـان مـا فيـه اكلفـه

اطلع شهار وقول عندي شخص ربـي مبتليـه"

"واحجز سريراً زين في غرفه فسيحـه مشرفـه

ومر وصلنـي عسـى الله لا يهينـك يالوجيـه"

"تلقاني اتحـراك لابـس ثـوب نـوم ومنشفـه

تسلم يدينك يا انعم عربجيه

من جد قصايد رووعه

لاتحرمينا جديدك خيتوو

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

زوجوني ولا شجعـت النصرر

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تعالوو بسسرعه وسجلوو في المطرسه

والي يسجل اكثر واحد له هديه < لاياشيخ ههههه

ابيكم تهبلوون بالمديرة

تسلم اخوي
مايكرني
على المرور