بسم الله الرحمان الرحيم

السلام عليكم روحمة والله وبركاتة

لا إله إلا الله




كيفكم حبايب قلبي

اقولكم انا الايام هادي شياطين الدنيا ووالعفاريت قدام وجهي

فا قلت يا بنت انت حتطفشي لحالك فليها وربك يحلها

فا قلت ليه ما اكتب موضوع مغامرات ليا <<<طيب يا فلونة

لا وكمانة معايا صور حصرية ما حتشوفها في اي مكان ثاني

هو صح الصورة في ناحية والمغامرة إلى عندي في ناحية ثانية

لكن اكيد هناك رابط عجيب بين الصورة والمغامرة
ادخل في المغامرة على طول
كنت اتهرج بالجوال مع صاحبتي وطبعا كان مافي شبكة قلت يا بنت يا ساندروز مو معقوله
البيت كلو مافية شبكة لازم حتلقي مكان وحيكون فيه شبكة

فا قمت اعمل جولة تفقدية في المنزل ولقيت مكان فيه شبكة والله مكان خطير شي مو طبيعي
طلعت فوق الثلاجة <<<<يلعن ابو الخرفنة
والله جد فوق الثلاجة الشبكة تمام التمام ولا احد يسألني كيف طلعت فوق الثلاجة لان هذا سر المهنة
وانا اتهرج في المطبخ فوق الثلاجة إلا من يدخل المطبخ أمي الله يخليها ويحفظها

فا قلت والله فرصة خليني اخوّف امي من زمان ما خوفتها

وامي في حياتها تكره المزح من العيار التقيل

قفلت الخط في وجة صاحبتي<<<عادي مافيها شيء

وبلا سابق إنذار قمت اقول لأمي بس بس مياوو مياوو

اقولكم يمكن امي ارتفعت عن الارض مقدار عشرة اقدام عن قياس جهاز رختر

شافتني فوق الثلاجة الله يعلن .... وربي لعنت خير خيري

وقامت اخدت علبة مريتو اكيد تعرفوها ورمتني بيها

ولولا ستر الله ولطفه كان دحين انا الدجال الاعور

وبعد هذا الحادث الاليم نزلت من الثلاجة ولا أحد يسألني كيف نزلت لاني هذا سر المهنة

فا انا ابغى اكمل الهرجة مع صاحبتي ماكان عندي غير إني اروح الملحق
علشان تليفون ابويا فيه صفر وبلا شبكة ووجع راس

جمعت اولاد اخويا واخواتي لاني اخاف اروح الملحق لحالي

ودخلت الملحق أول ما دخلت استنشقت عبير الشيشة مغطية المكان

قلت يا سلام والله ابويا صار رومانسي ويشيش وبكثرة

وشفت فوطة ابويه معلقها صراحة بحرفنة فظيعة لدرجة إنك تحسب نفسك داخل مخيم الوليد بن طلال من كثر من الحركة بحرفنة

ولساتني ما بديت اتهرج إلا اشوف الغرفة غباااااااااااااار كح كح كح

ايش صاير البزورة مضاربة كل واحد يقول هذا حقتي لا هذا حقتي

مضاربة عن جد

اشوفهم على ايش مضاربة تتوقعو على ايش

على جهاز بيجر والله جهاز بيجر

اقول يا بنت ابوكي يستخدم بيجر يا فضحيتك في حي غليل <<<حي جداً راقي ومشهور

واشيلو من يد البزورة واقولهم هذا حقتي مو حقتكم واخد البيجر

وجات في بالي فكره جهنمية

انا معايا جهاز الرهيب يا رهيب وجهاز كوبرا

كوبرا هذا كان أول جهاز استخدمو انا في المتوسطة كان معايا

كان الي معاها جوال وهي في المتوسطة البنت هادي داشرة <<< من الحقد
لا بس انا جاني هدية ولا تسئلو مين الي أهداكي سر المهنة

وهادي صورة البيجر وصورة جوالي العزيزان إلى قلبي



واتحداكم يكون معاكم زي هادي الجوالات..

وانتهت مغامرتي وقصتي

صح انها بايخة لكن الطفش يعمل مصايب

محدثتكم ساندروز

من شمال جدة حي غليل <<<لا تسئلوني كيف جمعتها لانو سر المهنة

انتظروني في مغامرة أخى وحصرية..

هذي مغامرات مو مغامرة يا ساندروز

لاتسليني كيف فسرت الموضوع لان هذا سر المهنه هههههههههههههه

والله صراحه اقرى المغامره واقول هالبنت خبله قسم بالله

اجل فوق الثلاجه في ابراج شبكه اجل عندكم معاناه هناك (^_^)

بس الجوالاتك من شافها شاف التراث بنفس الووقت ههه <=- الله يذكرك بالخير ياجدي هع

يعطيك الف عافيه ياساندروز

تقبلىا مرورىا المتواضع خيتىا

ولاعدمنا مغامراتك الي مثل كذا

ههههههههههههه وربي آفلام عندك ههههههههههه

ميوو ميوو والله لايقه عليك هههههه> بيتسطر اليوم

آجل بعلبة مريتوو يوه ستر ربك بس عاد فوق الثلاجه مانتي بصاحيه

ساندروز انشالله نشوف مغامرات جديده

آللهٍ يعطيكـّ آلف آلف عآفيهٍ

هههههههههههههههههههههههههههه

حركتات والله

بصراحه شدني الموضوع قلت ياريتاج ادخلي شوفي مغامرات ساندروز <<< راكيل سابقاً وعلى البركه النيو لوك

ولا تسأليني كيف عرفت النك السابق لان هذا سر المهنة

ونفسي اعرف خطوات صعودك فوق الثلاجه

من جد مغااااااااااااااامره

اما الجولات والبيجر <<< قديمك نديمك لو الجديد اغناك

الله يسعد ايامك يارب وننتظر مغامراتك الجديده

لكِ مني كل الحــــــــــب

ريتــــــاج