عشاق الكورة

نفر (1) :: خووك احلى شي عاد لين البرشاا تصدر الدوري
نفر (2) :: ايه والله .. جفت قول آيتوو عاد شق المرمى شق فديته هالريال
نفر (3) :: روحووو مناك .. بييكم الشبح المدريدي بينثـر هاليهال
نفر (1) :: روح روح .. مدريدك ذيلين الحمدلله فازو على الدرجه الثانيه

وتقوم الهوشـه والتكفخ .. وتلقى واحد منهم مسدوح عـ الارض
والثاني مفلوت على الباب



المغازلجـيـه

نفر (1) :: اااخ يا الحبيب جفتهااا .. كاهي قاعده صوب الدريول
نفر (2) :: تقصد هذي ام دفه فيها ستين فراشه ؟!
نفر (1) :: لااا يا حظي العوي .. اللي دفتها الخفاش ..
نفر (2) :: اييــه هذي كشخه خووك بس يزعم كله ما تعطي ويـه
نفر (1) :: ما عليك منها .. بتطيح بتطيح ..

عاد الاخو اييب تاريخ اهلها واجدادها على اساس ان انا اعرفها ترى !



المطينزجـيـه ( راعيين المطنزه )

نفر (1) :: جووف جووف .. هذي ام دفه راس صدقني بتشدخ
نفر (2) :: شدراك انها بتشدخ ؟! الا اذا عينك فـرن
نفر (1) :: يا العله بتجووف احين " البنت بتنزل من الباص "

نفر (1) :: حجيييييييييه دفتـــــــج

طــــــــم طـــرااااخ ( شدخه على الويه )

نفر (1) & (2) :: هههههههههههههههه

وتقعد تسب فيهم وتلعن وهم للحين يضحكون عليها



عشاق الكتب ( ما يشيل راسه من الكتاب ساعه )

نفر (1) ( قاعد يراجع اخر درس من الماده )
نفر (2) :: وين وصلت اي بوينت ؟!
نفر (1) :: رقم 6 بس مو فاهمها .. تشرحها لي ؟!
نفر (2) :: اوكي ..

ويشرحون حق بعض ويدور الباص ويفتر وينزلون الطلبه كلهم وهم للحين في الباص .. لين اييهم الدريول ويقولهم يلاااا فكوني بروح بيتنا


صبيان على غير العاده " في حالهم ذيلين "

نفر (1) :: هلا شلونك ؟!
نفر (2) :: بخير الله يسلمك شلونك انت ؟!
نفر (1) :: الحمدلله بخير يعافيك

انتهت المحادثه .. واحد يطالع من الدريشه والثاني سرحان والا راقد



عشاق البتـه و الاونو

نفر (1) :: العـــــب خل اكسر راسك .. تقط لي ثنتين الكلفس
نفر (2) :: عشان اتييك الاكـلـه العدلـه ( يلعبون كوت )
نفر (1) :: يا عمـــي .. بنجوف ترى الجوكـر يايك يايك
نفر (3) :: العب العب حبيبي يقولك جوكر ما عليك منه زين

والصراخ ينسمع للدريول .. ولا جنه احد يمهم .. ويجوز احيانا ان الكل ينزل الا هم يتمون بالباص طبعا من عقب الصبيان مال الدراسـه والكتب



عشاق الاغانـي والطقطقه

نفر (1) :: يا مونيتي يا سناااا خاطــــررري وانا احبك يا سلام
نفر (2) :: ياهووو .. هلا هلا روووح
نفر (1) :: ليه الجفااا .. ليه تهجرنــي وانااااا وانا وانا احبك ..
نفر (3) & (4) :: احببببك .. احبببببك يا سلاااااام حبيبي انتـه روووح

مساكين ذيلين .. تلقاهمـ يفكرون يغنون في عرس .. ويوم فكروا و راحو شاتوهم بالنعـل !


هذا رد على موضوع سوالف البنات في الباص الي نزلتوه


فئة الموضـه

نفر (1) :: شفت وائل كفوري شمسوي والله عجيييب شعره مال اروح الرجنسي يسوونه لي صاير مو شي ( واااي يحليلك اسم الله عليك )

نفر (2) :: لالا ما عجبني احلى شي قصة عمرو دياب بس ناقصه صبغه اشقر على صوب والله يطلع كووول

ذيلين مساكين بعد .. اخرة هالقصات بيسوون تسريحه المطربة صباح !



فئة البناتـيـه


نفر (1) دايس على ريل الثاني عن غير قصد
نفر (2) :: آآآي يعوورني
نفر (1) :: اوه سوري عورتك وايد ؟!
نفر (2) :: لا لا خلاص طاف حبيبي
نفر (1) :: لا صج عورتك ؟ اسف يا قلبي ما كان قصدي اجرح مشاعرك


عليكم سوالف عجيبه

والله مقدر امسك بطني من الضحك
<<<<<<<<توه يدري ان فيه شباب زي كذ1
هذ1 اولا
ثانيا وش دراكي لا تكونين ام دفه راس

عاد تصدقين ما فهمت والا شي

بس ابحاول اراعي فرق الوقت بينا وبينكم

وابحاول اطلع بكلمتين
هههههههههههههه



لا تزعلين ترا امزح
كح كح

عاااااااااااافك لوووووووول

لا والله لاتقووول توك تدري ايه ادري تصرف

خخخخخخخخخخخخ

شكرا كل الشكر على مرورك

ركاااااان يادمك

قال تراعي فارق الوقت


هههههههههههههههه

مشكور على مرورك