أكيــــد سمعتوا بالخطف المنتشر وبشكل مفجع هادي الأيـــــام اليوم وحده من صاحباتي تقلي عن وحده

إنخطفت والله يابنات إني قعدت أبكي لمن عرفت بقصتها أنا بحكيكم قصتها..

البنت الي إنخطفت تسير بنت زميلة أمها تقول إنو أبوها حطهاقريب من البنات بس تلف لفه وتدخل البيت على طووول

فنزلت وهو راح للمسجد عشان يصلي العشااااء ولمن رجع البنت مهي في ولا حس ولا خبر عنها سأل عنها ماحد شافها

غير أطفا ل يقولوا شافوا بنت تجري ووراها عبد يجري وراها هيا إنخطفت قبل بداية المدرسه(الترم الثاني) بيومين

يعني يوم الربـــــوع ويكون السبت مدااارس سألت صحبتي كيف حال أهل البنت تقلي أمها ساكته ولا تتكلم وأبوها

بس يبكي قالوا إنهم بيرحوا لمشعوذ عشان يسوي لها حمايه عشان مايقربون لها الي خاطفين لها وبصراحه أنا

أغلطهم في هذا الشيء الواحد يسأل ربه مو يلتجأ لمشعوذ المهم أبوها ماوافق لأنه ملتزم فراح للمشعوذ زوج أختها

تدرووون يابنات وش قاله المشعوووذ قله إنو البنت في الأساس مسحووره منهم عشان ماتشرد منهم يعني حتى

لو شافت البيت قدامها ماتقدر تروح له لأنها مسحووره وهو مايقدر يسوي ولا أي شيء والبنت مرره حلوه تقلي

صحبتي بيضاء مرره تجنن ومخطوبـــــــــــــه بس تدرو وش اللي حزني أكثر وخلاني أبكي بكا بزياده مسكت

راسي لمن عرفت بهذا الشيء إنها إنخطفت وست الحسن والجمال معاها ( عاد إنتوا افهمووها ) يعني يالله شلون

حالها دحين وهيا لها أكثر من أسبوع بيقرب نص شهر وهي غايبه ...وترا هذا في جده

يــــــــــــابنات أنا ماكتبت هذا الموضـــوع إلا أبي دعواتكم للبنت

الله يفرج عنها ويرجعها لأهلها ويرجع كل مخطوفه او مخطووف لأهله يارحمو يارحيم إنت أرحم بعبادك وألطف بهم

فأسألك اللطف فيهم يارب ســـاعدهم يارب ..... بلييييييز يابنات أدعووووووووولها ولغيرها إلي مخطوووفين

وإنتبهوا على نفسكم وعيالكم ..