السلام عليكم ورحمه الله وبركاته



تنهّد والتفت يمّي وقال بْروح فزاّعه

حبيبي يا بعد عمري أحبك ( والهوى غلاّب)
هواك بْمهجتي أقرب من الخفّاق لإضلاعه
وهذا اشلون لا تسأل سألت ولا لقيت اسباب
أحبك كثر ما أكره فراقك واشرب اوْجاعه
أحبك كثر ما تسهر عيون ٍ تنتظر احباب

ღ♥ღღ♥ღ

يا صاحبي دنياك مهما أضحكت لك

بالك تشوف بْيوم عالناس حالك
باجر تدور أيّامها وأن بكت لك
تضحك عليك الناس وتصبح لْ..حالك
تشوف آقرب ناس همّت بقتلك
لو دامت لغيرك ترى ما وْصلت لك
الدايم الله وغيره الكل هالك

ღ♥ღღ♥ღ

كل شيء فيني غصب عني

يبيك..ولا يبيني
روحي وقلبي وعيني
وآنا .. ويّاهم حبيبك
ما طلبتك مستحيل أرجوك بس
أفهم شعوري
ودي...لو مرّه أحس الشوق
من قلبك يجيني
وألا تْدري أشلون بسْ.
بينك / وبيني...!
ما أقول إلأ..
أنا وقلبي وعيني
غصب عنك يبونك

ღ♥ღღ♥ღ

وشهو آخر هالغياب ؟!

أسألي رمل الشواطي
كم كتبت احروف اسمك؟!
كم رسمتك ؟!
كم حضنتك في التراب ؟!
قولي: اشتقت ..
وبسامح!!
منهو غيرك ..يرسم لضحكي ملامح ؟!
منهو غيرك ؟!
فلسف بصدري
الكآبه؟!
لين متى وانا
انتظرك في تعاسه؟!
وشهو آخر هالغياب ؟!

ღ♥ღღ♥ღ

حاولي مره تحسّين الجروح

كل جرح ٍ عانق أحساسك شفى
إيه دام أنتي الهوى بأنفاس روح
أشتكيك البرد وينك يالدفى

ღ♥ღღ♥ღ

ارسم على وجه الزمن صورة انسان

واثر الزمن يمسح بقاياه فيني
واتخيّله في وسط فكري ف الازمان
واستشعره مابين جفني وعيني
وادري على حفظ الصور مانيْ ندمان
يوم الزمن يتلف هدايا سنيني
ليت الزمان اللي علي مرّ ماكان
ليته سراب ضايع ٍ في يديني

ღ♥ღღ♥ღ

حبيبي لا تطول في البعادي..

غيابك جرح وحضورك ضماده..
دموع العين صارت شي عادي ..
تزور الرمش حتى في رقاده..
انا شذنبي عشقتك يا ودادي..
ولا غيرك سكن قلبي و ساده ..؟
بعد ما صرت قطعة من فؤادي..
تروح وتترك ايامي نكاده !!؟

ღ♥ღღ♥ღ

إيه احبك ..

من حكى لك ..
انك انت في حياتي ...
شخص عادي لا تصدق يا حياتي..
من حكى لك ..
اني لوساعه نسيتك في غيابي ....
لا تصدق يا عذابي ..
لو زعلنا من بعضنا وكنت انا قاسي بعتابي...
ومن عنادي قلت انك شخص عادي ...
قولي كذاااب ما تقوى بعادي ....

ღ♥ღღ♥ღ

乂 بوووح 乂

ياخذك .. يا دمعةٍ طاحت على خد المواجه
ما عرفتي تصبرين الين ما عينه تروح ؟
و الله اني ما قصدت بدمعتي يا قلب حاجه
بس فاجأني بغلاهْ .. و صممت عيني تبوح !!

ღ♥ღღ♥ღ

عاشقك يهواك ما يرضى سواك

يوم شوفك في حسابه يوم عيد
كيف تطلب واحد(ن) روحه فداك
مرخص(ن) لك دم قلبه والوريد
انت تآمر انت تآمر ياملاك
صرت لك خادم ومخلص وانت سيد

ღ♥ღღ♥ღ

نذر علي والنذر مافيه تبديل ..

من يجرحك مايهتني في منامه !!
وان كان ماني مثل .. خيار الرجاجيل ..
قدم لي البرقع وجر العمامه !!

ღ♥ღღ♥ღ

تصدق كل شي فيني تغير ؟!

ما عاد المطر يهمني إذا بلل ثيابي ..
و لا عاد السهر يهمني إذا ما شفت أحبابي !!
كل شي فيني تغير .. حتى [ إحساسي ]
ما عاد ذاك الأحساس !!
صرت أشوف الدنيا أسود في اسود ..
و ذكراي معك أسود في أسود ..
و ماعاد تجتمع و تلتقي الألوان في عيني معك !!

ღ♥ღღ♥ღ

يا قريب القلب لو أنك بعيد ..

مستحيل تغيب عني بالخيال ..
صورتك بالعين دايم تستعيد ..
ذكريات العمر يا صعب المنال ..
وحبك اللي صب في ساقي الوريد ..
ماخضع قلبي لغيره واستمال ..
لاحشى بالله ما غيرك أريد ..
من جميع الناس يا صافي الجمال ..
وأعتبرني مت من حبك شهيد ..
وموتي منك اعتبره لي وصال !!

ღ♥ღღ♥ღ

احبك ولكن...

من يعرف اني احبك ؟
سوى
ربك
وقلبي
والوساده
وليل الشوق اللي تسهره عيني
ودمعي يوم خانتني الإراده
فخمس شهود عندي تأكدلك وتعطيك الافاده

ღ♥ღღ♥ღ

ما عادت أيام العمر مثل ما هي ..

ما عادوا أحبابي مثل أول أحباب ..
ما عاد يلفت في الزحام انتباهي ..
لا نظرة عيون ولا كلمة إعجاب ..
أصرخ ..
و صرخاتي مداها شفاهي ..
و أبكي ..
و دمعي على حد الأهداب..

ღ♥ღღ♥ღ

لا تجيني الحين تشتكي العذاب..

عيشتني استفهام وانته حلها!!
عمري كله هموم مب ناقص عتاب..
والهموم بصدري منهو يشلها!!
ادري ان وصلكم مثل السراب..
وتدري انه ضحكتك شوقي لها!!
اشهد ان الحال من بعدك ما طاب..
لعنبو روحن تفارق خلها!!

ღ♥ღღ♥ღ

تعودني على غيابك ...

عشان تطول الغيبه ..
وانا مادري احسب انه ..
عشان تقول واحشني ..
جرحت اللي نسى الدنيا ..
عشانك وانت تدري به ..
وصار اسمي لك الذكرى ..
وصار اسمك ( معذبني ) ..

ღ♥ღღ♥ღ

طفل صغير علموه من الصغر 3 عيوب :

- لا تضحك بوحه الغريب..
- لا تسأل ؛؛
- والأهم، احذر تحب..
مر الزمن وحفظها بقلبه ؛؛
ومرت الأيام والوقت الطويل ..
ومر عليه طيفك من بعيد ؛؛
حس قلبه يرتجف وهو وده يقترب ..
" مسكين حبك "
وارتكب أحلى عيوبه ؛؛

ღ♥ღღ♥ღ

زعلان؟ لكني عارفة شلون أراضيك ْْ

محد غيري يعرف طبع خلي ،،
أدري علي زعلان لكن أوريك ْ
شلون ترضى يا بعد كل من لي ،،
ودي أحطك وسط عيني وأغطيك ْ
عشان ما تبعد عن العين ملي ،،
يلا ابتسم يلا ، ذبحني تغليك ْ
يكفي حبيبي زعل وكبر وتغلي ،،

ღ♥ღღ♥ღ

استاهل النسيان لاجيت ابنساك

واذا نسيت استاهل اللي يجيني !!!!
بعطيك سر وأحفظه في "حناياك"
............(" انت")............
الوحيداللي تمكنت
............("فيني")...........

ღ♥ღღ♥ღ

جا يطيّب خاطري في كلمتين

يحسب ان رضاي مضمون وسهل
عذره اللي رجّعه شوق وحنين
يحسب ان رضاي بشوية غزل
مادري اني حالف وحالف يمين
ما أرد بكلمتي مهما عمل
ما يلين القلب والله ما يلين
وان زعل يزعل ، ويعني لو زعل ؟!

ღ♥ღღ♥ღ

أنا ما ابكي على الدنيا و لا عن خيبة ظنوني

و لا ودي أعبر لك و أخيب فيني ظنونك
برغم إنك ضمن أشخاص ذبحتوني و بعتوني
عسى الله لا يجيب أشخاص عقب موتي يبيعونك
تصدق من بعد طعنتك ما عاد آمن على عيوني
على قول المثل أحيان بتخطف يدك .. عيونك
و لا تأمن بعد إنته ما دامه لف بي كوني
و خانوني أعز الناس ترى بيلف بك كونك

ღ♥ღღ♥ღ

يا قبر أعز إنسان غالي رقد فيك

خفف عليه من التراب الثقيلي♥
يا قبر ما ني طيبه عقب راعيك
إلي راعاني صار عندك نزيلي
أغليك أنا يا قبر من حب الي نزل فيك
مرحوم يا راعي الوفا والجميلي
ياللي سكنت القبر صوتي يناديك
موتك جرح قلبي وهد حيلي
ما أنساك والله لين قبري يوازيك
وأعلن من الدنيا العريضه رحيلي

ღ♥ღღ♥ღ

نعم أدري انا الغلطان معاك الحق لو تزعل

ولكنّي ومهما يصير حبيبك والعذر واضح
تمرّ ظروف بي والله لو تدري بها تخجل
ألم كلّي على بعضي وانا مقدّر لو تسامح
حبيبك رغم كل البعد ولاظنيت ابتحمل
زعل لحظة بها تغلط وترمي سهمك الجارح
نعم يتعبني هجرانك ولكني ابتأمل
بخير يوم يجمعنا نعيد الود ونتصارح
رحيق المر تجرعته من الدنيا وابتجمّل
لآخر يوم في عمري ابعسف جرحي الجامح

ღ♥ღღ♥ღ

تحــــــــــــــياتي
عصفورة

يسلمو ياأحلى جداوي على التوقيع

عصفورة حب

تسلمين يا الغلا

على المسجات ذوق

الله يعطيك العافية

لا تحرمينا جديدك

اميرة الحزينة

مشكوررررة أميرة الحزينة
على المرور نورتي الصفحة بمرورك

،،، عصفوررة ،،،

يسلمو ياأحلى جداوي على التوقيع

ღ♥ღღ♥ღ

طفل صغير علموه من الصغر 3 عيوب :

- لا تضحك بوجه الغريب..
- لا تسأل ؛؛
- والأهم، احذر تحب..
مر الزمن وحفظها بقلبه ؛؛
ومرت الأيام والوقت الطويل ..
ومر عليه طيفك من بعيد ؛؛
حس قلبه يرتجف وهو وده يقترب ..
" مسكين حبك "
وارتكب أحلى عيوبه ؛؛

ღ♥ღღ♥ღ



رسآآآآيل حلوه كتيييير


يسلموو \\ عصفورة حب //


بانتظار جديدك



,,


تحيآآتي

يا قبر أعز إنسان غالي رقد فيك

خفف عليه من التراب الثقيلي♥
يا قبر ما ني طيبه عقب راعيك
إلي راعاني صار عندك نزيلي
أغليك أنا يا قبر من حب الي نزل فيك
مرحوم يا راعي الوفا والجميلي
ياللي سكنت القبر صوتي يناديك
موتك جرح قلبي وهد حيلي
ما أنساك والله لين قبري يوازيك
وأعلن من الدنيا العريضه رحيلي


مشكوررررررره على الرسايل الحلوه

والله يعطيك العـــآفيه

تقبل مروري

[url=http://www.9-da.net/up][/url



.