والله وصرتي تستهينين فيني

وانا الذي سويت لك قدر بيديّ

تدرين وش كنتي قبل تعرفيني

ان قلت لك كنتي ولا حاجة شويّ

انا الذي فرشت لك رمش عيني

وعملت منك شي وانتي ولا شيّ

جيت اعشقك ما جيتك لك تحقريني

جيت اسكنك بسمة ماهو بسكنك غيّ

لا صرت عامل لك قدر قدريني

ترى الكرامة صفحة ما لها طيّ

ما دام ما جيتي غلا لا اتجيني

نار الجفا عندي ولا الذل بالغيّ

والله لاهجرك قبل لا تهجريني

أجل تبيعيني واجيلك برجليّ

يا تتركين الكبر يا تتركيني

لأن المحبة شي والمهزلة شيّ

إن كانت الدعوة غلاي وحنيني

يمكن يزول الحقد ويشعشع الضيّ

لكن حكاية ينحني لك جبيني

في ذمتي ما ينحني لك وانا حيّ

من روائع الشاعر الكبير حامد زيد

صح لسانه هالشاعر العظيم

يعجبني شعره كثيير

يسلمووو اموره على النقل


يعطيك العافيه


....

ملكة الشوق

تسلمين خيتوو على تواصلك العذب

لا تحرمينا هالطلات

أميــرة ـآلآحــزٍينــة

آبــداع وآختيــآر موٍفقك .. !!

نقلتي التميزٍ عزٍيزٍتي

لآتحررمينــآ جديدك

دمتي بود

آخوك
المزٍيون

المزٍيون

تسلم على حضورك و تواجدك الطيب

نورت الصفحة