انا وش حاجتي في القلب لا منك تركتيني....خذي قلبي وخليني بأعيش العمر من دونه


اذا انتي كل ماغبتي عن عيوني وحشتيني....أجل وشلون لا طال الفراق وخيم سكونه


جرحتك ألف مره وأتضايق لو جرحتيني....وش اللي في يديني والمشاعر غصب مسجونه


ماهو ذنبك ولا ذنبي ولكنك عرفتيني....أحبك حب مافي الكون لا شكله ولا لونه


حياتي صدقيني لو ما أحس انج فهمتيني....لاقول ان الهوى كذاب والأيام مجنونه


مادام انج على وضح النقا لهفه قريتيني....انا اللي ماقريتج غير صدق تورق غصونه


انا لايمكن انسى يوم جيتيني وأخذتيني....من احزاني ودمعاتي وقلب تكثر طعونه


وانا لايمكن انسى يوم بيدينك حضنتيني....وناديتك(هلا)يا سلوة المشتاق وعيونه


وانا لايمكن انسى يوم بدموعك بكيتيني....وحسيت بمشاعر صادقه في القلب مدفونه


وانا لايمكن انسى يوم زليت وعذرتيني....وحسيت بشعور زلزل الوجدان وركونه


تعالي طلبتج وشلون ابحيا لو تركتيني....خذيني دام قلبي صعب أعيش العمر من دونه


منقول
تحياتي

سلمت يداك

اخوي نادر

على النقل

الجميل

تقبـ تحياتي ـل