عزاه ياقلبن من الحب محــــــروق = جفت جروحه والهنوف أنقضتـــها
متولعن باللي بها الحسن والــذوق = كل التواصيف الجميله خذتــــــــها
زين الوصايف ساقته بالهوى سوق = وصابت معاليق الحشاء واعطبتها
حبه تغلغل داخل الجسم بعــــــروق = وأعروق جسمي بالمحبة حمــــتها
بنتن غلاها منزله عالين فــــــــوق = وأسكنتها تحت الجفون وغطــــتها
اليا ذكرت اسمه جذب قلبي الشوق = ورجلي تسابقني لظل أشــجــرتها
يسرقني التفكير بالـــــــــود برفوق = ودايم خيالي ساكنن منطقـــــــتها
وحطيت للونات بالصدر صنـــدوق = والعين ملت دمعتن بهــــــــــذلتها
صبرت صبر ايوب وطاق مطبوق = والله مدري وش بعـــــــــد تاليتها
ياللي تقول ان كل مطرود ملـحوق = العمر راح وما قطفت اثمــــــرتها
قدره وحظي ساقني بالهواء سوق = وقفت وانا عيني تهـــــــل أعبرتها

من شعري