يابنت ما فيه داعي تستفزيني
كلمتك هذي وش اللي جاب طاريها

عندي نصيحه وفيها خير طيعيني
النار ما تحرق الا رجل واطيها

ان كان حبي مصيبه لا تحبيني
الحاجه اللي بليا نفس مابيها

عيشي معي لحظة الدنيا وخليني
اعيش وياك حاضرها وماضيها

ابنشغل فيك وانت فكري فيني
الوقت باكر يترجم لك معانيها

طيفك ليا مرني ضايق يسليني
فرحت مشاعر بحبك وحتفي فيها

طبعك تغير وصار الزين بالشيني
العشرع اللي لها عامين بعتيها

وشلون ابنصفك وانت ما نصفتيني
وهذي بحقي كبيرة لو جهلتيها

نسيتي اللي مضى والا تناسيني
الله واكبر ليالينا نسيتيها

النفس طابت وعز النفس يغنيني
الله ولا غيره المعبود واليها

والله ما اسمعك لو انك تناديني
ان كان هذي علومك ويش تاليها

انتي طلبتي بعادي ما طلبتيني
واللي يبيع المشاعر كيف يشريها

القصه اللي على درب المحبيني
صارت حكايه وكل الناس ترويها

تسلم يدينك على النقل


دايم الدوم مبدع


وبإنتظار جديد إبداعك



أختك
غروري بسمو ذاتي